للأمانه .. بخصوص وليد الفراج - صفحة رقم 4 - نادي الهلال السعودي - شبكة الزعيم

ابداعات 20 · #1 22/04/2009, 07:12 AM

ياخي وش دخلكم في الرجال نصراوي هللالي اتحادي

براحته

حنى يهمنا فوز الهلال فقط لا غير

حامد والقلب جامد · #2 22/04/2009, 07:22 AM

اخي كاتب الموضوع
مع احترامي الشديد لوجهة نظرك الا انها جانبها الصواب كثير
فقضية كوزمين قد لا يكون مقصده كوزمين شخصيا ولكن بسبب حقده على ادارة الاستاد قام بعض اللقطات
فهو لم يفكر الا في مصلحته فقط
ولو فكر قليلا كان استطاع ان يعرضها في برنامج الجوله بعد المباره مباشرا بعد عمل مونتاج للقطه

اما من الناحيه الثاني انه اعادة مبارة الهلال والاتحاد فلا وجه مقرنه بين الفراج وعادل عصام الدين فالاخير قدم اعتذاره واما الفراج فانشغل بالرد على جريدة الرياض

واما موضوع الاسقاطات فهي ليس الاول ولن تكون الاخيره ويكفي مباركة وفرحته بتحقيق الاتحاد لدوري

واخيرا ارجوا ان لا تاخذك العاطفه لمجرد وجود العلاقه بينك وبينه

Maystro9999 · #3 22/04/2009, 07:24 AM

هالموضوع يكشف المندسين اتمنى من المشرفين يكثرون الفليت
بس حلوه تدافع عن الفراج داهن سيرك كم دافع لك

العب بعيد قل لعمك المقاطعه جايه جايه لامحاله وان شاء الله اقرب طفايه بوجهه مثل ابو بكله

نزيه المشاعر · #4 22/04/2009, 07:26 AM

الله يكافينا شر هالهراج

قسم بالله انه قهر عليه المنصب

....................

هلالي سكبه · #5 22/04/2009, 07:29 AM

يقولون جريدة الرياضي عرضت على أحد الاعضاء 70 ألف سنوياً من أجل تجميل صورتهم في شبكة الزعيم كما ان شركة الاتصالات جندت موظفين بأعداد هائلة لتجميل صورتهم عن طريق الانترنت عموماً...فهل الـart التي تأثرت من حملة شبكة الزعيم أكثر من مرة وعدلت في موقعها من أجل اعضاء الشبكة لم تفعل نفس الشيء..؟؟؟

ABHA999 · #6 22/04/2009, 07:36 AM

جمهور الهلال ببساطه

عليهم عليهم معاهم معاهم

اخوي بكره علينا مباراه وانت تتكلم عن الفراج الله يهديك

ҜђâŁЗđ 88 · #7 22/04/2009, 07:51 AM

يآرجال والله انك صآدق بـ كل كلمه قلتهآآ , مشكله عبدالرحمن بن مساعد انه قاطع ابو ظبي وفتح مجآل وصرنا قاطع قاطع وحمله حمله !!
وربي حنا شعب اشاعه وشعب حملات <_ والمشكله مآعندهم سآلفه !!

الفراج انا من اشد المعجبين فيه , مو شرط يكون هلالي ويطبل لي !! ياخي لقطه مثيرهـ هو صادق <_ لو ماهي مثيرهـ ماكاان تدخل فيها امراء وشخصيات مهمه !!
ياخي انا ابغا افيد قناتي لاازم اجيب كل شي عليها !! يآناااس لو القنااهـ من جد فيهاا شي على الهلال ماكان شفناا على الاقل على الاقل الأمير بندر بن محمد سآآكت !!

حنا بس نبي اي شي نعلق خسايرناا او مستوياتنا السيئه شماااعه عليه !!
عندهم اخطاء <_ نعم عندهم اخطاء , جآبوا صحفيين وسخين وماعندهم سالفه <_ نعم جابوا , لكن مو كل من هب ودب صار ضد الهلال !!

الخشبيه ضد الهلال و العارتي ضد الهلال وابو غبي ضد الهلال <_ على قولة واحد من العيال من اهل الجنوب <_ هيا كولها انت ويااااهـ وابحلبهآآآ ..

خلونا في منتداناا لانسمح احد ولا نكلم احد ويصير تفكيرنا سقيم مجرد تطبيل وتمجيد في بعض !!
متى بيكوون عندنا سواء كـ هلاليين او سعوديين بكل ميولهم ثقافه الرأي الآخر !!

مرهـ سألت دكتور كبير في السن ويحب السياسه , قلت له : ليه تحب قناة الجزيرهـ وهي تسب وتحآول تتكلم عننا .؟!
قال : لو جلست على قنواتنااا كان مخي توقف عن العمل .؟! تطبيل تطبيل وحنا احسن نااس !! انا اسمع لأرااء الناس كلها افتح مخي وافكر بالصالح والطاالح واستفيد من اخطااائي واعررف ايش يفكر فيه عدوي !!

888
والله ماظنتي انكم اطيب من هالرجل

!!

مشعل · #8 22/04/2009, 07:46 AM

هلا شاهين

فيه شي اسمه كلمة حق اريد بها باطل

وهذا ينطبق على وليد الفراج اللي يشوف حماسه يوم سالفة كوزمين

واللي يشوفه وهو يدعي المثالية بصراحه لو انه غبي بيعرف ان هالرجال وراه شي

انا ما انسى يوم انه يجلس يحرج عن الشي اللي ما شافه الناس ويكبر من الموضوع

وبعدين هو منتج الارتي على قولتهم وبرنامج الحدث اللي ولع الدنيا كله من تحت راسه

وهو يقدر يوجه البرنامج على حسب ما يبي لان الناس اللي يجيبهم بفلوس وهذا معروف

فلذلك لا نجلس ندس روسنا في التراب ونصير مثاليين اكثر من اللازم

الا الرجال حاقد ومتقصد الهلال بكل ما تعنيه من كلمه

الناس المخلصين معروفين ما نحتاج احد يعلمنا لا عن وليد الفراج ولا غيره

نعرفه من ايام ما كان صحفي ونعرف اهدافه مهوب مغيرها علشان صار له منصب في الارتي

تذكرت سالفة الهواش اللي صار بين خالد جاسم ومجموعته مع محمد نجيب وشلته لما قال له ماجد

انت اصلا معلق وحطوك مدير قناة ما عندك اي خبرة بس كله ترزز وكلام فاضي

وهذا اللي صاير في الارتي

من هو وليد الفراج ؟

ومن هو عدنان حمد ؟

وغيره وغيره

يا اخي الشغل الصح يحتاج مهنية مدروسة مهوب خذني جيتك

جدعان · #9 22/04/2009, 07:56 AM

لاتحــاول ترقّع مايمديــــــك الأمــور واضحه ياعزيزي

طيب ممكن تقولي ليه الامور الاخرى ماتكبّر وتأجج مثل اللي يصير مع الهلال ؟!!
ركل بصق غالي النصر وليه ماكبروا واثاروا تصاريح خبيلان الحالمي اللي اتهم فيها خليل جلال بالرشوه والتصريح اللي في نور انه مهوب سعودي وانه وانه !!

وين الفراج عن كل هالاثاره ؟!!

انا جبت ذولي بس على السريع والا فيه ادله اقوى من هذي تدين هذا المرتزق واخرها مباركة البلوي له وفضحه انه يتوقع فوز الاتحاد

من بين الناس · #10 22/04/2009, 07:57 AM

اخي الغالي شاهين .
اشكرك على هذا الموضوع المميز.
وليد الفراج له سلبيات وإيجابيات مثله مثل غيره ولكن احيانناً يعابه التسرع في بعض الامور.
نحن الزعماء لانفعل مثل غيرنا بإننا مظلومون ونتك على هذه الجمله ونقوم بتبرير الخسائر وفقدان البطولات تعودنا على ركب الصعاب والامواج العاتيه التي بفضل الله ثم بفضل وقفة اعضاء الشرف والجماهير نتجاوزها بإقل الخسائر.
اتمنى الانلتفت لما يقال وان نترك نظرية المؤامرات والدسائس وان ننتبه لفريقنا ونقف خلفه.
سامحونا.

الزعيم تركي · #11 22/04/2009, 08:05 AM

عندما اصيب الفريدي قال في الجوله الله يعينك ياريان بلال من الانتقادات وكان الامر عادي بالنسبه للفريدي خايف على نفسيه ريان

جدعان · #12 22/04/2009, 08:18 AM

إقتباس

الرسالة الأصلية كتبت بواسطة الزعيم تركي


	عندما اصيب الفريدي قال في الجوله الله يعينك ياريان بلال من الانتقادات وكان الامر عادي بالنسبه للفريدي خايف على نفسيه ريان

المشكله خلا ريان يتداخل عشان يبرر موقفه وانه مايقصد وانه وانه عشان ماتكبر السالفه ويتعرض النادي المدلل للأيقاف !! والا لو ان اللاعب هلالي كان شفت كلام المرتزق الخراط تحول 180 درجه .. تدخل عنيف ولابد ان تؤخذ هذه الامور بحزم ونجومنا يصابون وهذا يضر بالكره السعوديه ووووووو اما ريان الله يعينك ويدور له اعذار !!!!! حتى حسن معاذ ماكلموه عشان يبرر لنفسه !!

العارتي خافت ان المقاطعه السابقه تتكرر فوكلوا لهم ناس يحسننون صورتهم امام جمهور الهلال ويرقعون لهم خوف من المقاطعه !!

( رفـيـع الـشـان ) · #13 22/04/2009, 08:16 AM

عزيزي شاهين ....

حدث العاقل بما لا يليق فإن صدّق فلا عقــل له ...!!

الغاية من موضوعك رائعه وهادفة وربما تنم عن غيرة على الكيان الهلالي ... ولكن .....

للأسف انت تنظر للقضية من منظور واحد وتنسى تفاصيل مسلسل ماحدث

- بخصوص وليد الفراج فواضح عليه اسلوب دس السم بالعسل وعلشان تعرف زين فكر بالموضوع بمنظور اوسع بتلقى انه وبصفته منتج للكره السعودية بالشبكه خصص برنامج الحدث لشتم كوزمين والمطالبة بمعاقبته باستضافة البكيري والنصراوي ملحم زين مدري وش اسمه , لدرجة انهم قارنوا تصرف كوزمين بتصرف لاعب الاتحاد الحسن كيتا ..!!!! وما اكتفوا بهالحد وراحوا يصفون المفرج والخثران بالارهابيين ..!!؟؟؟

وزاد الطين بله مداخلات النصراويين وباب البرنامج مفتوح على مصراعيه لكل من هب ودب وكأن النهائي لم يكن بين الهلال والشباب ..!!! والنتيجة معروفه استبعاد كوزمين عن طريق الاتحاد والنصر وهذا ماحصل بعد البرنامج

- بخصوص اعادة المباراة قلعتهم خلهم يعيدونها على القناه 7 و 8 و 9 ولكن يعيدونها على قناة الزعيم باليوم 6 مرات ؟؟؟ من متى وقنوات الاندية بالعالم تعرض مباريات خسر فيها فريقها ؟؟؟؟

- زاد الطين بله محاباة الاتحاديين والنصراويين المستمره من ادارة وصحفيين

بعدين يالغالي تقول كفانا حروب خيال ..!!!
خل الفلسفة على جنب وانا اخوك وجاوب على سؤالي اللي بسألك وبعدها بتعرف وش تكتب

السؤال: تعرف وش موقف الاتحاد السعودي أولاً وادارة نادي الهلال ثانياً وشبكة اي ار تي ثالثاً من الهتافات العنصرية من الجماهير الاتحادية اولاً ثم النصراوية ثانياً ضد ياسر القحطاني ؟؟

اذا ماتعرف فتلك مصيبه واذا تعرف فالمصيبة أعظم .........!!!

أبوخـــلـــودي · #14 22/04/2009, 08:16 AM

الظاهر انك تشوف وتسمع وتتابع وليد فراج غير اللي نتابعه

fsoli · #15 22/04/2009, 08:20 AM

.. وإيجاد المبررات للاعبين بالظلم غير مقبوله .. لأننا تعودنا الفوز رغم الأخطاء ورغم أنف من يتربص بنا في الظلام كما فعلنا في عهد محمد بن فيصل .