((أحداث جولة في مقر النادي))و((مختصر لأحداث التمرين))
 

السلام عليكم ورحمة الله وبركاته,,,
مساء الخير ...كيف الحال..؟
اليوم وزي كل يوم يوم فاضي:dلذلك قررت إني أقوم بجولة تفقدية للنادي <<وش عنده أبو فيصل :ap:وقررت إني أروح النادي بدري ...يعني الساعة في العصر:ap:
الموهم ...بعض الاشياءات <<<يسمع بالجمع صح:ap:صارت في النادي وقلت ورا ما أنقلها للشباب في المنتدى للتسلية ليس الا.
الموهم:
وصلت النادي تقريبا الساعة 4,5وأول شي رحتله هو الصالة لأن زي ما تعرفون العصر ما فيه تمارين للفريق الاول....
من حسن حظي إن اللي كانوا يتمرنون هم سلة الهلال الفريق الاول...وأنا والله أحب السلة ولا عمري طقيتها:ap:الموهم ...زي ما تعرفون الفريق السنة هذي قدم مستويات كويسة مرررة ....بس تدرون ليه..؟
والله بصراحة عندنا محترف في السلة اسمه(سيول)والله يا هو لاعب مو بزي سيول حق الكورة<<<طيب كلها كورة:ap:أقصد مو بزي سيول كرة القدم......
بس بصراحة والله استمتعت بتمارين السلة حمااااااااس وبعدين المدرب أمريكي والمحترفين الثلاثة كلهم أمريكان علشان كذا أنا انبسطت لأن عندي كلمتين انقليزي ومزعج بها خلق الله:ap:.....
المهم ...بعد كذا أذن المغرب ...رحنا صلينا في مسجد النادي ..وبعد الصلاة دغري على الملعب..وفي تمرين الفريق الاول ..راح أفصل شوي معليش تحملوني<<رحم الله .....<<<توهق نسي المثل:ap:...:
*حضر تمرين اليوم مدرب المنتخب البرتغالي بيسيرو ...وسلم على اللعيبة واحد واحد واللعيبة انبسطوا يوم شافوه..واحتضن المدرب الخثران كثيرا وكذلك القحطاني والشلهوب..كمان الجمهور صفق للمدرب ورد لهم التحية بالمثل.
*شارك جميع اللعيبة في تمرين اليوم....وأول تمرين كان عبارة عن تمارين لياقية قادها الحسيني<<<ياحبي له أبو محمد والله إنسان محترم مررررررررة:smilie47:
*بعدين المدرب قسم اللعيبة الى مجموعتين أشرف هو على مجموعة وأشرف مساعده على المجموعة الاخرى ...وكان التمرين عبارة عن تمرين (الون تو)...وكان يركز على إن تكون الكورة أرضية...كمان كان يركز على التحرك بدون كورة<<<كيف أصلح مدرب:ap:
*اللاعبين (الصويلح وع.الدوسري والمبارك والذياب والبيشي)كان لهم تمارين خاصة مع الحسيني كانت عبارة عن التسديد من خارج المنطقة...
*بعدين كان فيه تمارين خاصة لكل من (القحطاني والشلهوب وويلي ورادوي والتائب)عبارة عن تسديد الضربات الحرة خارج منطقة الجزاء وكل اللعيبة أبشركم كان متألقين في التمرين هذا بلا استثناء<<كيف آخر كلمتين بس:ap:
*كمان كان فيه تمارين خاصة للعنبر وسيول على الكرات العرضية....والله سيول كان مبدع مررررة في التمرين هذا<<<مدري وش عنده الكوري بالتدريبات:bx:
*حسن خيرات والله ضحكت عليه ..تدرون ليه؟
الغنام ناوله كورة ونامي ناوله كورة في نفس الوقت...توهق المسكين حاول يلحق على الكورتين<<ما يبغى يزعل احد:ap:...عز الله ضاعت الكورتين وبغى يروح هو في خبركان ...كان بيطيح على وجهه الضعيف:ap:
....................................................................................................
بعدين أذن للعشاء ورحت صليت في مصلى أبو فيصل الخاص<<حق العضويات:clapping:وسيدا على البيت علشان أمقل لكم التمرين...ويارب زي ما نقلت لكم التمرين إن المشرفين ينقلون الموضوع الى منتدى الجمهور:ap:
والسلام عليكم ورحمة الله وبركاته,,,