السلام عليكم

والله لفيت الكويت كلها وكل محلات ذا اثلتس فوت ومحلات اديداس ولا لقيت طقم الهلال وكلمت الشركه نفسها وقلت لهم ابي اطلبها طلبيه من المحل نفسه وقالي ما نجيب قلت لهم اعطيكم دبل السعر مرتين بس جيبوها قالولي ما نجيب بلوزه الهلال

وقبل شهرين رحت لمكه اعتمرت ولا لقيتها هناك وفي سألت لي ناس كانو جايين للعمره من اهل الرياض يقولون حتى حنا مو محصلينها هناك

فحبيت يا اخواني تعطوني اسم المجمع اللي فيه المحل اللي يبيع بلوزه الهلال عشان احاول اني اروح واشتريها من السعوديه واذا في واحد يبي يشترها لي ويدزها جزاه الله الف خير لوووووول لا اتقشمر معاكم بس بغيت اسم المجمع والمحل ووين صاير عشان لي نزلت الرياض اسأل عنه

وقواكم الله يالغاليين