موضوع جدا جميل و يستحق كل هذا التفاعل..

<< محاتسيكم متزوج من ثمانية أشهر تقريباً..





أما بالنسبة للنظرة الشرعية فكانت حكاية ولا أحلى..

كانت قبل سنة و شهرين تقريباً..

كان الموعد محدد مسبقا بحوالي أسبوع..
لم أكن متخوفا من هذا الموعد نهائيا،، بل على العكس كنت متشوق للغاية..
جاء يوم الشوفة و كان بعد المغرب..
رحت للمنزل و استقبلني الأخ و تقهوينا و شربنا الشاهي،، و بعد كمية لا بأس بها من السوالف،،
استأذن الأخ مني و طلع..

بعدها دخلت المحروسة و سلمت عليها و جلسنا ما يقارب الربع ساعة كانت من أحلى اللحظات..

صح ان صار فيها ربشة و خرشة ولكنها منطقية للغاية..

أول خمس دقايق غير محسوبة،، لأن البنت كانت على الصامت..أسألها و تجاوب بلغة الإشارة فقط..

و بعدها سحبتها بالحكي شوي شوي،، و صارت الخمس دقايق الثانية ترد بردود دبلوماسية ( إجابات بنعم أو لا)..

و بعدها بدأت تاخذ و تعطي معي على خفييييييييف ..

و كان غالب الحكي يتمحور( متعوب عليها ) حول دراسة ، وظيفة ، روتين يومي يعني أشياء مشتركة تقريباًً..

حتى دخل أخوها علينا و جايب معاه البخور..

و طلعت البنت و بغيت أطلع معها من الخقة..
<<<<<<< أمزح عليكم كنت والله ثقيل..

طلعت من بيت الغالين و لقيت في جوالي عشر طعشر ألف مكالمة من أختي،، لأني كنت حاط جوالي على الصامت و متوقع إن أختي ما راح تصبر..
المهم رديت عليها،، و قالت لي : هاه وش رايك؟
قلت لها: .......... << مشفر و ماراح أقول لكم وشو


و الحمد لله لنا الآن ثمانية أشهر متزوجين..

أكرر شكري لصاحبة الموضوع..

يوم الشؤم علي هاليوم !
بس الحمدلله إنتهى بالطلاق