للاسف الهلال يعيش باخلاقيات وسط هابط لا يعترف بها
وينظر لها كضعف وخوف ..!!

الهلال وبكل اسف جدار قصير الكل يحكي مايرد ومايشاء
وبمباركة من وسائل الاعلام والمقرؤة والمسموعه


للاسف هيبه الزعيم على المك

تحياتي
ند فرسان

وليد الفراج ... الهراج

نجحت في إستنطاق ريان بلال من خلال أسلوب أكل عليه الدهر وشرب

تسأل وتجيب .. تلقين عيني عينك .. الهذه الدرجه بلغت فيك السذاجه

أما مسألة تقديمك (( لبرنامج الجوله )) بعد مباراة الهلال والنصر

فهي في نظري لأحتمالين لاثالث لهما

الأول / هو أنك جاي للأستديو تمشي 2000 فرحا بالنتيجه اللتي

كانت عليها المباراة وحاب تمارس هوايتك في رفع الضغط

مع أنك لاتحتاج لسبب فأنت شوفك بدون هزيمه يكفي ومع الهزيمه يجلط

ولكن أراد الله وأبى نجوم الهلال إلا أن يجعلوا منك مسخره بالحاله اللتي

خرجت بها فاقدا أعصابك وردوا كيدك في نحرك..

والثاني / أن هناك من لعب عليك خصوصا وأنت عقليه الله بالخير

وتطير بالعجه بكلمتين وأراد أن يسئ لصحيفة الرياض من خلالك

وأنت هنا تضع نفسك بسذاجه معهوده عليك في موقف أفضل ما يصفه

بأنك رضيت أن تكون ك................ يحمل أسفارا

إقتباس الرسالة الأصلية كتبت بواسطة السديم الرابع اتركونا من الكلام ... لنبدأ مقاطعة جميع قنوات العارتي ... بما فيها قناة الزعيم ... لن نجدد الاشتراك و لن يفرحوا مني بريال واحد ... هذا هو الحل ياللى تبونه ...

كلام سليم وأنا معااااااااااااك لن أجدد ولن يفرحوا بهلله واحده مني

يالله يازعماااااااء التفاعل والبدء بالمقاطعه

إقتباس الرسالة الأصلية كتبت بواسطة أعز إنسان الشرهه مو على فلان وعلان الشرهه على الأدارة اللي وقعت عقد مع art قناة فاشله مافيه ربع احترافية قناة الجزيره سبور ولا فيها ربع التشويق إللي فقناة دبي الرياضية

الإدارة أعتقد مجبرة لأن الاتحاد السعودي وقع مع الارتي والنوادي ملك لرعياة الشباب -- وصعب نادي تنقل مبارياته قناة حصرية من خارج الارتي الا بعد نهاية عقد الاتحاد السعودي معهم

من ساعد شذرمة الفاسد

ادارة نادي الهلال بالميثاليه الزائده

والمجامله للفراج لم ياتي من يرد عليه ويحط في خشه تبن الله يعزكم يازعماء

وهل سمعتم ماقاله الهراج بعد تهايه مباراة الهلال والنصرالاخيره حول كسر الفريدى ياهراااااااااااااج تقول ان الفريدى تعرض لكسر مضاعف بعـــــــــــــــد مشـــــــــــــاركته مع ريان بلال ياخبل تضحك على من أعمى الله بصرك ان كنت قد رأيت اللقطه اجل الفريدى اهو اللى دخل واشترك مع ريان اتمنى ان يشترك احد مع لاعبك المفضل لنري ونسمع كيف ستعدل لسانك يااخرق لالالالالالالالالالالا وريان ماقصر وضرب اروع الامثله لقيامه بزيارة ضحيته عقبال مايزورك من يضحى بك لتعرف كيف تنقل الحقائق بلاتتدليس ياشبه اب...............................................ز

نتمنى من جريدة الرياض التفاعل مع الموضوع .....وتوصيل صوت الجمهور الهلالي المظلوم للإعلام .....

جريدة الرياض في قلوبنا ولاراح يقصرون إن شاء الله .............راح ينشرون الحقائق لينكشفو على حقيقتهم

يا رجال الزعيم محسود من الكل لانه شعب

الهمه ياجريدة الرياض
نبي نسكت الاخرررس الهررررررررررراج ونوقف ضده وضد فنواته المتحيزة للاندية الاخرى " فقط "

قدام ياجريدة الوطن والله معاك في طريق الحق

كوزمين حينما أراد ادخال اللاعبين للاحتفال قاموا عليه وقالوا خالف النظام وسلطوا عليه الاضواء حتى تحقق لهم ما ارادوا من سوء النية في حق كوزمين والهلال عموماً
بينما في مباراة الاتحاد نهائي الدوري شاهدنا منصور البلوي والحاشية اللي معه من بوديقاردات وحرس شخصيين وأتباع وأقارب ماخلا أحد مادخله معه الملعب مع انه نظاماً ممنووووع ينزل الملعب لأنه مو رئيس للنادي ولا نائب ..!!!

طيب وينك يا وليد الفراج عن البلوي ومخالفته للنظام ..؟؟ ليه ماسويتها قضية مثل قضية كوزمين اللي حاول اشراك اللاعبين للفرحه ..؟؟ وانت شاطر تتوقع للبلوي وتبارك من قبل تبدأ المباراة علشان يصرف لك مكافأه
وانا أأكد لكم ومستعد أحلف ان البلوي هو السبب في ضرب سلمان النمشان حيث أرسل البوديقاردات اللي معه على النمشات والامن الصناعي وتكافخوا معهم علشان ينزل البلوي للملعب بدون مايوقفه النمشان ورجاله ..!!!

8
8
8

هذا الكلام الي كنت بقوله
يعني النمشان ينزل مطقوق من المنصه
ولاحس ولا خبر
بعد النمشان مو رجال كان ماسكت لهم وطالب بحقه
بس غريبه تصرفات بعض الناس !!!



لاننسى تجاهل القناة لعبدالرحمن بن مساعد يوم كان يهني الاتحاديين بعد نزولهم للمنصه
لقطه بسيطه وشكلها طلعت بالغلط

بالنسبه لقناة الزعيم فاشله بما تعنيه الكلمه
اغاني فقط
اعادة مباريات فاشله وتقهر
مافيها برامج
مافيها شي يبرد الكبد
تختلف كلالاختلاف عن قناة الليث والعميد



هلالي دق عالقناة يوم السبت بالبرنامج الي استضافو فيه سامي ابوخضير
حط عالقناة وقال انها فاشله
تضايق المذيع الي للحين ماعرف اسمه
راح يسال سامي .. هل انت راض عن القناة ؟؟
رد عليه ابوخضير قال لا
للحين القناة ماقدمت شي وبنسعى لتطويرها
واكل تبن المذيع



وتكلم عن موضوع ياسر
وقال للمذيع كميراتكم الي مسلطينها على الهلال وجماهيره
خلوها تاخذ لفه عالجماهير الثانيه
تصيدو غلطاتهم مو بس الهلال
اكتفى المذيع بابتسامه << يابرودك


يااااااااااااااااااااااللااااااااااااااه
لو اشوف رد عالفراج مثل رد نواف بن سعد بعد حادثة البلطان
يوم دق عليه وهزئه
ماهزئه باللفظ لا باخلاقه
ولما قاله الفراج ياسمو الامير تشوف بكلامي اسقاط عالهلال ؟؟
قال ياوليد ارجع لكلامك وشوف
وقتها اعتذر من الهلالييين القذر



اشوف فيه يوم
ومثل ماجاء البكيري بيجيه

ايه تذكرت ببرنامج الجوله وكان ضيفهم مدني رحيمي
يوم الاحد بعد مباراة ذهاب الهلال النصر بيومين
قال مدني رحيمي اتمنى من ادارة الهلال اعطاء ياسر اجازه
يسافر برا ويغير جو
يعني بيوصل ان وجود ياسر زي عدمه بالفريق

بنفس الحلقه
يعرضون تدريبات الاتحاد
اشوف مدني رحيمي يتوسط ابو عماره والبلوي وباقي الحثاله

تمنيت ادق واساله
الاقتراح الي ابداه رحيمي لاادارة الهلال عن ياسر
من اقتراحه بالضبط
ابو عمارة او البلوي او مييين بالضبط ؟؟
ياليته حدد


ايه وذكرت
ببرنامج كواليس مباراة الهلال والاتحاد
خصصت اكثرمن كاميرا لمطاردة محمد نور
وهو يتمشى بالملعب
يضحك مع هذا وينط على هذا
وكأن الملعب مافيه الا محمد نور
نص الحلقه راحت على محمد نووور
لين دخل غرفة الملابس بعدها رجعو للصقري والبقيه
يعني همنا نشوف نور بالملعب بزيه الغريب



ولا تنسون
شعار برنامج ردة فعل
هو نفسه شعار الاتحاد
يعني افهم يافهيم


هذا الي ذكرته
ولي عوده



والله يكون بعونك يالرياض يوم وقفتي بصف الهلال
بيحاربونك
ولاتتوقعين غير كذا