|
عطوني حظ وأفوز : هــــاااا هــــاا هــــاااااي ياخفيفااان ( نقاط سريعة ) هو مرض ... هي عادة ( سيئه ) ... هي كذبة وصدقووها .. !! أجل رئيس نادي .. ( مستقبلاً ) يقول عطني حظ وأفوز ؟؟ أصغر مشجع يستحي يقول هالكلام !! يترفع عنه !! جمهورك يبي شغل . مايبي ترديد هالإسطوانات !! والله ملوووها النصراويين أكثر مننا ك هلاليين !! العرفج مقدم الرياضية !! ليتك على القناة السعودية قاعد أصرفلك .. على الأقل مدفووون وماحد درى عنك .. أزين من هالرزة اللى تحرجنا وتحرج نفسك بأسئلتك السخيفة !! وتمثيل ادوار الذهانه اللى مهيب لايقة عليك ( بتاتاً البته ) عبدالله وبران محلل قناة أبو ظبي .. للي وده يسمع تحليل صح يسمع كلامه .. من زمان متابعه .. لكن اليوم قال كلام كتعليق على رد فيصل بن تركي .. وطلال الرشيد .. شرشحهم بطريقة ( خايف على مصلحة النصر ويهمني النصر ) واخاف أمدحة يعادونة جماعة ( يحلمون ) الرياضية السعودية تفشل فشل ذريح .. وتسقط سقوط مرير .. وتخرج بأسوء ظهور !! لاتعليق صح !! لابرنامج قبل المباراة صح .. لابسين فنايل الأندية اللى بتعلب ويتميلحون !!:razz: وماأثقل من ذاك دم إلا هذا .. الحوار تافة التغطية الميدانية سطحية ... التحاليل ( سوالف على طقة بلوت ) والعجلان مكمل البياخة ... والله أتحسف على وجود الإستاذ عادل عصام الدين بينهم !! وده يتميز بس ماعنده احد وعلى قولتهم ( إنفخ ياشريم قالم مابه برطم ) ماعنده إلا سليمان المطيويع ووفهد المساعد !!! تكفون .. خلكم مثل الباقين مانبيكم تصيرون أزين منهم أنتم وهالفنايل والتميليح !!:confusedw: لاعبين باب واحد ويقول حظ ... طلع الفريدي للمستشفى مكسور ويقولون التحكيم يجامل !! خشونه تدخل ضمن الأعمال ( الإجرامية ) ولو صارت بالشارع يمكن يحكم فيها الشرع سجن .. ويقول الخشونة علينا ( طلال الرشيد ... فيصل بن تركي ) ياصبر الأرض رغم التعادل ... واللى يعتبرة جمهور الهلال ( خسارة موجعة ) إلا أنني مازلت مع قرار الإدارة في إيقاف التايب وعزيز .. تقولون كان إيقاف فني إيقاف إداري .. أقول كلها واحد المهم المخطي يعاقب !:yes: الشلهوب ... باصارت غلط .. غلطات بالجملة في التمرير والإحتفاظ بالكورة ! مهوب هذا شلهوبنا اللى نعرف وش قصة الكرات المقطوعة الكثيرة ... ووين الجدية في اللعب .. والتسديدات ... والروح !! الأخيرة غابت بعد غياب كوزمين .. عسى الله يردها وهي اللى تغطي على العيوب الباقية :yes: كتبت موضوع امس وحذفة الموج وكنت في موضوعي متفائل بقوة ... هالحين وبهذا الوقت بالذات .. اقول للموج ( شكرا ) وإلا كان شكلي بيطلع بايخ بعد ذاك الموضوع :yes: اي عرمشة وبغينا نتعرمش ..!:d الرد بإذن الله هلالي ... والنصر فعلا ماودك تتعاطف معهم ... قبل نهاية المباراة بدقيقتين تجيني رسالة من نصراوي .. حسيت أنه دايم يفوزون علينا ...ومسجات طويلة عريضة .. وتشمت !! واااااااااو !! وربك يكتب لنا الهدف .. وكأن الله كاتب نشوف نوايا بنو الأصفر !! حتى جبنا التعادل ونقولهم داخلين على السنة السابعه دون فوز :ap: والله يعين على رسايلهم ... وعدو كم كلمة حظ تبي تشوفونها بالمسجات !! هذا المنطق اللى يعرفونه ! للي ماسمع تحليل وبران .. في أبو ظبي يحاول يسمعه .. ومتاكد إنكم بتابعونه دايم .. رجل عاقل صريح .. :yes: * إتفقوا على الرائد .. ورائد التحدي يبي يقلبها عليهم بإذن الواحد الأحد .. دعواتكم :smilie47: * رئيس الوطني مدري وش يبي .. هبط وللحين لسانه بالممتاز :d يشتكي ويتظلم .. ويحذر .. وهو هابط !! همه الرائد .. ومبارياته اللى فاز فيها قدام الوحده !! ياكثرك ياالبلوي !! اخوكم الصغير ابو طلال .. :rose: |
حظ !! نلعب على باب واحد واخرتها حظ :) وهم هجمتين بس .. لكن الوعد الإياب يا خبيلان |
قناة خشبيه مالها اي هدف في الحياة !!!! اما الاداره النصراويه بصراحه لاتعليق عليهم طلعات وكلام الحمدالله وشكر ع النعمه صدق اهل العقول في راحه |
ادعو بسلامة هوساوي والا كانت بتكون تاريخيه للفقر(سواء فازو واحد والا عشرة) |
اخوي ابو طلال .. السالفه ماهي سالفه ان حنا ضاغطين وماسكين الكورة ,,,, ياخي شف اللعب مافيه اي تكتيك ,, مناولات خاطئة ,, وتشتيت بطريقه( اهم شي افتك من الكورة) ,, ماهو هذا هلال كوزمين ,,, يعني النصر في اسوأ حالاته يهدد مرمى الدعيع ,, مايصير!!!! عالجوا الاخطاء قبل الاسيوية واذا كذا مستوانا فصعب جدا التأهل ,, الف شكر لك اخوي ابو طلال .. |
فيه شي غلط بالهلالالالالالالالالالالال شنو مأدري بس الوكاد ان روح مافيه روووووووووح مأدلري شنو الحــــــــــــــــــــــــل |
اخوي ابو طلال معك بكل اللي قلته بس دامنا تحملنا كل شي هالموسم اعتقد نقدر نتحمل الشلهوب ونقف معاه الين يرجع شلهوبنا وحطته لــ ياسر تقول ان الشلهوب بيرجع بس محتاج دعائنا له ووقفتنا معاه كل الشكر على موضوعك الرائع |
كلام الخر ما يضر اي حظ وما معه الا لاعبين كديش هدف بالصدفه وصدقو نفسهم |
ياخي هذا خبيلانهم الي بيكون رئيس الفقر مستقبلا << الله يعينهم بكملون صيام البطولات تحس يوم بعد يوم ان راسه منفوووووووووووخ >> فاضي<< مافيه مخ,, بعد سالفه المحياني ,, وغنيه يحلمووووووون,, والحين قوله الحظ,, والله لو تشوف رئيسنا و خبيلانهم بتعرف الفرق الكبير بين الزعيم و الفقر ,, هذا حال الضعيف دائما,, بعد سالفه التحكيم الوهميه الى قضيه الحظ !! خبيلان اخبار الدجه عندك والله من قل الدبره,, . |
طيب التحكيم وحققو الي يبون وجابو اجانب الحين سالفة الحظ وش بيسون بها؟؟؟ الله يعينهم مايقدرون يتحكمون بالحظ على كلامهم الله يوفق الهلال بالاياب وياليت مانكون واثقين بزياده شوفو الثقه وين ودتنا اليوم الله ستر والا كانت بتكون تاريخيه |
اللي يقول التحكيم ضد النصر ماهو بصاحي .. لاعبنا راح للمستشفى ع طول الله يقومه بالسلامه وآخرتها كرت اصفر وهالفقراويه مع صيحاتهم ع ياسر ياجعلها بذمتهم الى يوم الدين الله يخلي اسامه .. يلعب من قلب ياليت اللاعبين ياخذون من حماسه شوي |
ماعلينا منهم ومن كلامهم أهم شي هلالنا اللي روحوو غاااااااااااااااااااااايبة والله وربي اليوم أحس دمعتي بتنزل وأنا أشوف الفريق كدا تحسهم ناس تايهين ضايعين لعب أي كلام برووود فظيع مررررررة أول كنا لو ما سجلنا هدف عالأقل مايدخل فينا الحين لا نقفل صح ولا نسجل اللاعبين هم نفسهم بس ليش ساروو كدا يعني معقوولة مو حاسين بالمسؤلية والا ايش الحكاية والله ماتهمني البطولة أو الفوز عالنصر قد مايهمني ترجع رووح الهلال لأن غياب الروح هي اللي رح تهزم الفريق والله فيني البكى مرررة ما أبغا أشوف الهلال كدا يارب ياكريم إنك توفق الهلال وترجع الرووح للاعبين وتساعدهم على كشف أماكن الخلل وإصلاحها يارب الله يعطيك العافية أبو طلال ولإنك أخونا الصغير أخدت راحتي في موضوعك |
راح كوزمين وراح التكتيك معه وهذا إلي يبونه منافسين الهلال ولكن بإذن الواحد الاحد ستعود الروح الهلالية مرة ثانية مع المباراة الجاية وستستمررررررررررررررررررر |
ماشاء الله عليكم أنت والصخرة :rose::rose: وردتين لكم:ap: أتفقت معك بشأن الخشونه لكن كلامك عن الشلهوب مرفوض ثم مرفوض ثم مرفوض<<ياقدمي بعد:to: بس من جد لازم نصبر على الشلهوب شوي خفو عليه ياجماعة الخير:ga::ga::ga: عاد كل شي ولا الشلهوب:ga: بالنسبة للتايب وعزيز يستاهلون وساد فيهم الأخلاق قبل أي شي:ap: بس ماتلاحظ يابو طلال أن كحيلان معه حق طرد مدربنا وزعزع فريقنا في وقت خطير ومع هذا نتفوق عليهم فنيا ونتعادل معهم وهم يحلمون من 6 سنوات بالفوز علينا:bigeek: اللهم لاشماته بس أنا من زمان قلتها لو يتركون عنهم الزعيم والحظ والتحكيم ويركزون في فريقهم يرجعون ينافسونا وأمنيتي أشوف النصر مثل أول عشان كعب الكرة السعودية اللي أنكسر يرجع زي ماكان أوبو طلووو بتاع كلوووو <<ماتلاحظ أنك مندس والا ليش أسمك ابو طلال على النصراوي طلال :naughty: أستخدمت نفس الصنف عشان أحتك:ap: بالحب والإشراق |
عطوني حظ وأفوز <<تكفى ميتين عليك نبيك تفوز |
| الوقت المعتمد في المنتدى بتوقيت جرينتش +3.
الوقت الان » 03:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd