i!i!i!i الحوار المفتوح i!i!i!i ماقبـل المباراة [ نادي النصــــر Vs نادي الهـــلال ] (تحليلكم و توقعاتكم) - نادي الهلال السعودي - شبكة الزعيم

MrBlue · #11 17/04/2009, 10:29 AM

كلنا نعرف المجهود البدني واللياقي الكبير جدا اللي تعرض له الكثير من لاعيبة الزعيم من مشاركاتهم مع منتخبنا الوطني ومع الزعيم في كاس اسيا وداخليا في كاس ولي العهد وكاس الامير فيصل بن فهد والان كاس الابطال

بعكس بعض الفرق كمثال نادي النصر اللي لعيبته ماعليهم اي ضغوط كبيره ولا مطالبه بفوز ببطوله وبالتالي ماعندهم اي شيء يخسرونه لامشاركات خارجيه يعني اللاعيبه لسا عندهم المجهود اللياقي اللي يكفي انه ينهون الموسم فيه عكس لعيبة نادي الهلال يكفي انه اخر مباراة كانت نهاية الدوري واما فريق قوي كالاتحاد ومن الدقيقه 20 واحنا نلعب ناقصين لاعب يعني اللاعيبة التسعه اللي بالملعب بذلو مجهود كبير لتعويض غياب عزيز

بالتالي دكة البدلاء عند الهلال تزخر بالكثير من النجوم اللي لعبو مباريات قليله خلال الموسم بالتالي للياقيا وبدنيا لديهم الشء الكثير لتقديمه وراح يكونوا في الكفه متساويين مع لاعيبة فريق النصر في اللياقه وكلنا نعرف انه لو الللاعبين مجهدين بدنيا ولياقيا والله ولو تحطلهم اي تكتيك او طريقة صعب ينفذونها لانهم بشر مو الات لابد من انه اجسامهم تسترجع طاقتها الكافيه وبعدين لانضغط على لاعيبتنا واحنا عندنا البديل الممتاز

اتمنى من كل قلبي انه تكون تشكيلة الزعيم اليوم كالتالي :

حسن العتيبي أو بدر الدعيع

سعد ذياب - المفرج - خيرات - نامي

الغنام ------- والخثران

الشلهوب او عبدالعزيز الدوسري ----------- الفريدي أو الغامدي

العنبر ----- الصويلح

طبعا الطريقة 4-4-2 صدقوني لو نلعب فيها باذن الله راح ناخذ الثلاث نقاط وبتفوق كبير جدا الفريق راح يكون كله ممتاز ان شاء الله للياقيا ممتاز جدا ومرتاح وعندهم 90 دقيقه يسعدوا فيها جماهير الزعيم وكلنا نعرف انهم لعيبه نجوم ياما قدمولنا بطولات ممكن اشوف رأيكم ووجهة نظركم يمكن نتفق ويمكن نختلف مع اطيب امنياتي للموج الازرق بالتوفيق يارب