|
النصر يسعى للإطاحه بالهلال... والهلاليين نايمين بالعسل وضامنين الفوز... وحذااااري من النصرررر السلام عليكم .. عساكم بخير ... بصراحه تفائلنا يخووووف .. لاحظت من يوم القرعه لين اليوم والثقه مفرررطه بين كل الهلاليين .. وكل الجمهور الهلالي مبسووط عشان بنقابل النصر ... ماادري على اي اساس واثقين من الفووزز؟؟ اللي اعرفه ان مباريات الديربي لاتعترف بفريق قوي وفريق ضعيف .. مباريات الديربي تعتمد على التحضير النفسي .. والعامل النفسي قبل كل شي مهم ومهم جدآ في مثل المباريات هذي .. مباريات كثيرره يكون الهلال مكتمل الصفووف ... والنصر مش ولابد . ومع هذا يفوز النصر والعكس صحيح يكون النصر مكتمل والهلال عنده نقص بالعناصر ويفوز الهلال .. في اعتقادي ان التحضير النفسي مهم ... وفوق هذا حماس اللاعبين وروحهم واصرارهم اهم نقطه بالمباراه ... يعني مثلآ لو الهلال كله نجوم وكان مستواهم منخفض وروحهم معدومه وداخلين بأسماء فقط بدون لعب وحماس وتحمل مسؤؤليه .. صدقوني بيفوز النصر بكل سهووله مانبي لاعبي خبره ومحترفين ممتازين بدوون روووووووووح ... حتى بكل المباريات بالعالم يوم يلعب فريق برووح واخلاص وتفاني .. حتى يوم يخسر المباراه تكون الصوره عند جمهوره والانطباع جدآ ممتاز ... لكن لو لعبوو بتخاذل وبدون رووح ولاحماس.. صدقوني حتى لو فازو راح يبقى الجمهور متخوف من باقي المباريات القادمه .. اللي ابغى اقوله ان لاعبي الهلال لازم يدخلون وهم مهيئين نفسيآ للمباراه .. ولازم كل لاعب يلعب بأخلاص للقميص الأزرق .. غير كذا مانبي .. لأن الحماس والعزيمه والاخلاص هي اللي تولد المستوى والنتجيه الايجابيه بإذن الله .. :clapping: وبصراحه انا اشوف جمهور النصر متحمسين ومتفائلين ان الامور هالمره بتمشي معاهم ومن حقهم طبعآ ... بس اللي مخوفني ان الهلاليين كلهم ضامنين الفوز وداخلين بثقه ولو سألنا جمهور الهلال قالوا بنفووز على النصر .. وبعضهم يقول تاريخيه ... :no: واحب اقول للي ضامن الفوز .. لاتنسى ان نجران هزمنا بالدوري .. رغم الفارق بالامكانات لصالح الهلال .. والشواهد غيرها كثيررره ... واللي مخوفني اكثر .. ان مباريات الهلال الاخيره مااشوف فيه رووح وحماس للاعبين بإستثناء بعض اللاعبين المعروفين لديكم ... نقطه اخيره بخصوص الجمهور الهلالي : عاد لازم جمهور الرياض يكون بالموعد .. ولازم يحضر بكثافه ... وكلنا مالنا عذر .. لكن البعيد معذوور .. واهل الرياض مفروض يكون تواجدهم بشكل مكثف ... وان شاءالله اكون اول المتواجدين .. لعيوون الزعيم والمشكله بين الذهاب والاياب اسبوع كامل .. بس مو مشكله احضر الذهاب وارجع عشان الدوام .. والاسبوع القادم آخذ اجازه واطلع للآياب بمشيئة الله تعالى .. خـــــــاتمـــــــــــه : احترااام النصر وهو في أسوأ حالاته هي اهم نقطه للوصول لنقاط المباراه والفوز بإذن الله ... واحب اقول [[ حذاري من النصرررر]] .. ويجب التعامل مع المباراه هذي بحذر وحرص ... عشان يتحقق الفوز ان شاءالله.. |
يجب الحذر من النصر وعدم التهاون معهم وضمن الفوز واللعب بجديه واتشرف اول واحد يرد تحياتي : الزعيم الهلالي... |
قبل كل شي : : إنت مشجع وفي لأبعد درجة ..:yes: وبخصوص موضوعك أتفق معك 100% بكل اللي قلته s13s بصرآحة شي عجيب هالثقة اللي أشوفها بين الهلآليين ..! :bigeek: ياعالم من متى مباريات الديربي تعترف { بالإمكانيات } وربي المهم العامل النفسي وانتوا الحين قاعدين تعملون تخدييييير :to: عموما الله يستر ويوفق يارب :rose: { كل التقدير والإحترام } |
ج ـبتها على الجرح نفس الكلام اللي بخاطري من يوم طحنا مع النصر واشوف الاعضاااء يباركون لبعض والنصراويين يدعون بمنتداهم يارب ما تكون تاريخيه وانا أتوقع أنها تخديريه بحته بحته بحته |
والله اني خايف كثير من النصر ,, قبل مباره الاتحاد العالم كلها ضامنه الفوز مدري ليه !! واتمنى من الهلال يلعب بروحه المعروفه وان يحترم خصمه .. ولو كان في اسؤا ظروفه .. وش دراكم يا هلاليه .. يمكن تكون تاريخيه ع روسنا |
والله انك صادق.... النصراويين متفائلين وقاعدين يشتغلون.. وحنا كأننا حاطين النتيجة بجيوبنا... لكن الله يستر:no: |
يجب عدم التهاون في المباراه والله الله على الحضور الجماهيري لدعم الفريق وانشالله البطوله نحققها |
يجب عدم التهاون في المباراه والله الله على الحضور الجماهيري لدعم الفريق وانشالله البطوله نحققها |
موضوع قيم جداً يدل على حب الهلال نرجو أن يعي اللاعبين أن الفوز لا يأتي بالإمكانات وحدها إنما يأتي بالعطاء داخل الميدان وتذكروا أن سبب فقداننا لبطولة الدوري ما يلي = هزيمة نجران - تعادل الوحدة - تعادل الشباب - تعادل الوطني - تعادل الاتحاد - تعادل الأهلي وأخيراً هزيمة الاتحاد . العطاء العطاء العطاء داخل الميدان هو طريقة انتصارنا بإذن الله تعالى على النصر وغيره . |
أول موضوع يعجبني عن مبارآتنا مع النصر و إلا باقي المواضيع ما شاء الله عليهم تقول الفوز بمخباتهم !! مهما تراجع مستوى النصر يظل قدام الهلال حالة ثانية و المفروض له إحترامة مثله مثل أي فريق ثاني :) يعطيك العافية |
كلامك سليم 100% ...! اللي خايف منه بكره شيئين : الثقة الزايدة والاتكالية.... مهما كان النصر فهو فريق كبير ، ومثل ما قلت لا تنسون الهلال انهزم من نجران .! تح ــــــــــــيآتــــــــــي |
يرفع الموضوع للحذر وعدم التخدير ..................................... |
والله ان الخوف من التخدير فقط ~. واتمنى ان يصل الكلام للاعبين وترك الثقه اللي مالها داعي واللعب بإخلاص لإرضاء الجماهير ,. بالتوفيق للزعيم .. |
كلام سليم وبالفعل احترام الخصم ايا كان مهمة للفوز |
كلام سليم لكن ان شاء الله المسؤولين قدها وعرفين اهمية المباراه ولا اتوقع انها راح تمشي عليهم تخديرات النصر واعلامه |
والله انك جبتهاا طلعت كل اللي بخاطري بقوله لازم مايتهاونون الاعبين ولا الجمهور بالتوفيق لزعيمنا |
يجب الحذر من النصر وعدم التهاون معهم وضمن الفوز واللعب بجديه |
شكرا لك ياقمر موضوع جميل وتنسيق رائع وربك جيب الخير مع اني خايف والله |
إقتباس:
اكيييد اهم شي نحذر من النصر ونلعب بجديه ... ولي الشرف انك ترد علي اخوي تحياااتي لك ... |
إقتباس:
مشكوور اخوي ع الاطراء .. وماقصررت .. والثقه اللي نشوفها عجيبه والله يستر من مباراه النصر .. تحيااااتي لك يالغالي .. |
صح .. آحيآنـآ الثقهٌ تهزٍِم الفريقٌ عوآآآآآآفي |
إقتباس:
هي اكيد تخديريه بحته .. النصراويين بالبدايه قالوا يارب ماتكون تاريخيه .. وامس واليوم يطالبون بالفوز ومصممين يهزمو الهلال... وحنا نقول بنفوز بنفوز .. مشكور اخوي |
صادق هي تخـــديـــريــة ومصيبة لو ما فـــــاز الــــزعــــيم دعواتكم للهلال تكفون |
اي والله حذاري مشكلتنا مررره واثقين >>اما لونخسر مشكور |
إقتباس:
صح والله . قدام الاتحاد دخلنا ضامنين الفوز وانهزمنا .. وياليتنا تعادلنا ... واهم شي الروح مثل ماقلت ... والله يستر لاتكون تاريخيه .. مشكور اخوي |
كلام سليم الله يعطيك العافيه |
إقتباس:
الله يستر .. المشكله مثل ماقلت ان جمهورنا حاط النتيجه بجيوبهم وكأنهم ضامنين الفوز .. لكن ان شاءالله اللاعبين يلعبوو برووح وهذا اهم شي |
الحمد لله في مباراة ايان نعوض فيها لاني حاس ان الهلال بيجيب العيد اليوم |
لا ما عليك الهلال لاتخاف عليه |
الكل متفائل با الفوز على النصر حتى اخوي الصغير يقول أيه النصر كل يوم نفوز عليهم:d الله يستر من الثقه الزايده وين تودينا يارب تفوق الزعيم. |
لاان شاء الله اللا عبين عارفيهنا ان هالمباراة وش تكون بالنسبه لهم |
كلالالام اكثر من رائـــع اخووي واتمنى ان الاعبين مايلتفتوون للاعلالام والمنتـدياات لانها سبب للتخدير ,, والجمـهوور ان شاءالله بيكوووون في الموووووعــد .. هاذا اهم شئ .. |
المباراة صعبة جدا جدا .. وصراحة أنا متخوف جدا ومتشائم ..!! ومع هذا سوف أحضر الملعب لأني أثق بـ لعيبة الهلال بعد توفيق الله سبحانه .. أختم بما ختمت في موضوع الرائع .: خـــــــاتمـــــــــــه : احترااام النصر وهو في أسوأ حالاته هي اهم نقطه للوصول لنقاط المباراه والفوز بإذن الله ... واحب اقول [[ حذاري من النصرررر]] .. ويجب التعامل مع المباراه هذي بحذر وحرص ... عشان يتحقق الفوز ان شاءالله.. |
الله يستر بصراحه حتى لقاء بندر بن محمد اليوم بصدى الملاعب وكلامه عنالنصر ماعجبني يعني واثق وبقوووه لدرجة الاستهانه على حبي له وتقديري ماتوقعت يطلع منه هالكلام الله يسسسسسسسسسسسسسسسسسسسسسستر الله يسسسسسسسسسسسسسسسسسسسسسسسسسسسسسسستر |
إقتباس:
كلامك عين العقل .. يجب عدم التهاون .. واهم شي الحضور الجماهيري .. عشان نشوف روح الفريق .. وان شاءالله يتحقق الفوز .. بإذن الله |
إقتباس:
وانا ملاحظ فـ الديربيات دايم الفريق اللي خايف من الثاني يفوز ..؟؟ تحياتي |
ياسلااااااااااااااااااام عليك كنك تدري وش اللي في بالي ياعالم النصر ترى يخوف والله يخوف والهلال مو بحالته الطبيعيه عشان نفرط بالتفاؤل بس نقول ان شاء الله |
والله صدقت ياليت الزعيم ما يستهين بالمباراة وأتمنى من الجمهور الحضور ثم الحضوور والله يوفق الهلال والفوز باذن الواحد الواحد هلالي |
إقتباس:
كلامك صحيح اخوي .... تسسلم وماقصرت .. ومشكوور ع المرووور والرد |
إذا كان الجمهور مفرط في تفائله .. فالفريق يعرف ماذا يعمل في مثل هذه المواجهات كل التوفيق للزعيم بإذن الله |
يجب الحذر من النصر وعدم التهاون معهم وضمن الفوز واللعب بجديه |
احترااام النصر وهو في أسوأ حالاته هي اهم نقطه للوصول لنقاط المباراه وإن شاءالله الفوز للهلال |
| الوقت المعتمد في المنتدى بتوقيت جرينتش +3.
الوقت الان » 10:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd