الف شكر لكل من مر وشارك ورد بشكل رسمي او زاحف

إقتباس الرسالة الأصلية كتبت بواسطة الضحى أنا أعترض على كل من ينقد ...حفلة الرجال لا تختلف من حيث الطعام عن النساء يوضع بوفيه للرجال ويقدم الضيافة على أكمل وجه ...والرقص لم يوضع للرجال هو للنساء فقط... عرضة الرجال تكون في العيد وعرضة بالسيف ..وليست هز الجسم مثل النساء ..وعيباه ...الرجال يطلبون المساواة مع النساء وفي ماذا؟؟؟؟في الرقص ...يا خسارتكم ...يا رجال أمتي ... يحفظكم ربي جميعاً....

قولي آمين... الله لايحرمنا من مداخلاتك الرزينة ومواضيعك الهادفة يا اختنا الغالية

لكن صراحة شكلي بيطلع توووحفة وانا لابس فنيلة مقاس XXXXL وارقص ( هيب هوب )

والا رابط لي حزام حوالين ( الواوا ) ومستلم الصالة هز وسط قدام شيباننا

اختي الله يبارك فيك ويصلح لك ماعطاك

ماجبنا طاري رقص ولا حفلات طرب ولا خرطي

اني هنا ومن هذا المنبر

اطالب بـ :

فرقة سامري او عرضة ( زي اللي يرقص بها الملك عبدالله والامير سلطان كل سنة )

حتى المشايخ يشاركون فيها... والعبيكان اكبر دليل

او على اقل تقدير نجيب اثنين شعراء ونجلّسهم في صدر المجلس ويدّهرون بأمسية شعرية ويوسّعون صدور هالمعازيم

والشي الثالث والاهم...

فكّونا من الشاهي الاحمر والاصفر وعطونا عصير طازج مثل الحريم... وش حيثكم انتم

هلا والله بالصخره ..






مشكلة ان الواحد يكتب موضوع عقب ما يجي من العرس .. مغير يسمع الطيران تردح بصالة الحريم وهو جالس يحتريهم متى يخلصون ..
همن يجيك متأثر من الطيران بما انها هيضت اشجانه وحركت العرق اللي فيه اللي يدور الردح ههههههههههه همن ينزل لنا مثل هالمواضيع ..
يالصخره يابعدي اذا جيت مره ثانية من العرس احرص انك تنام ابرك لك وانا اخوك والا دور لك اي شي تشغل عمرك فيه الا انك تدخل الزعيم ..
وتسانها ماسكه على ردح اقرب شريط لاي طقاقه وخذ لك فره حول القصر وارهج المسجل وطيح اللي براسك وارجع كمل بيالة الشاهي ههههههههههههههههههههههههههههههههه ..

إقتباس الرسالة الأصلية كتبت بواسطة صدى الامس مشكلة ان الواحد يكتب موضوع عقب ما يجي من العرس .. مغير يسمع الطيران تردح بصالة الحريم وهو جالس يحتريهم متى يخلصون .. همن يجيك متأثر من الطيران بما انها هيضت اشجانه وحركت العرق اللي فيه اللي يدور الردح ههههههههههه همن ينزل لنا مثل هالمواضيع .. يالصخره يابعدي اذا جيت مره ثانية من العرس احرص انك تنام ابرك لك وانا اخوك والا دور لك اي شي تشغل عمرك فيه الا انك تدخل الزعيم .. وتسانها ماسكه على ردح اقرب شريط لاي طقاقه وخذ لك فره حول القصر وارهج المسجل وطيح اللي براسك وارجع كمل بيالة الشاهي ههههههههههههههههههههههههههههههههه ..

والله يا انت مصدّي من جد

وش طيرانه الله يطيّر عيون العدو

حريمنا الحين مايعرفن الا فندق ماريوت او راديسون ساس... وطقاقة تاخذ 15 الف معها فرقه خاصة

والرجاجيل في القاعة مايسمعون شي ولا يوصلهم شي

قديم انت يابوسليمان

هذاك اول ايام جوهرة الربوة والف ليله وليله وقصر السليمانية .... وغيرهن من قصور الافراح

الحين مافيه الا فنادق وشغل هاي كلاس... شغل ناس معها كاااااااااااش وماتلعب

يالله حيّهم اقلطوا على قل الكلافه

إقتباس الرسالة الأصلية كتبت بواسطة متآبعه بصمت ^ ^ أنا بأسوي إحتجاج يااخي رد على المشاركات كلها ولاّ لا ترد بالمرّه يالشين

ههههههههههههههههههههههههههههههه

ياختي وش اسوي... 50 رد متى اخلص

قسم ان تقضي مباراة الهلال وخيتافي وانا ماخلصت

شف ان كانت على الوناسه معك حق
الحريم مستانسين



بس تبي الرجايل يهزون


والا نقلطهم على دجاج



اختار وحده

إقتباس الرسالة الأصلية كتبت بواسطة الـصـخـرة الف شكر لكل من مر وشارك ورد بشكل رسمي او زاحف قولي آمين... الله لايحرمنا من مداخلاتك الرزينة ومواضيعك الهادفة يا اختنا الغالية لكن صراحة شكلي بيطلع توووحفة وانا لابس فنيلة مقاس XXXXL وارقص ( هيب هوب ) والا رابط لي حزام حوالين ( الواوا ) ومستلم الصالة هز وسط قدام شيباننا اختي الله يبارك فيك ويصلح لك ماعطاك ماجبنا طاري رقص ولا حفلات طرب ولا خرطي اني هنا ومن هذا المنبر اطالب بـ : فرقة سامري او عرضة ( زي اللي يرقص بها الملك عبدالله والامير سلطان كل سنة ) حتى المشايخ يشاركون فيها... والعبيكان اكبر دليل او على اقل تقدير نجيب اثنين شعراء ونجلّسهم في صدر المجلس ويدّهرون بأمسية شعرية ويوسّعون صدور هالمعازيم والشي الثالث والاهم... فكّونا من الشاهي الاحمر والاصفر وعطونا عصير طازج مثل الحريم... وش حيثكم انتم

الله يسلمك ويحقق لك ماتتمنى عرس فيه سامري وشعراء


ومراد ....كتبت ردي وأنا أقول الله يستر من رد صخرتنا الظريف ..الحمدلله عرفت قصدي ...



وين ساكن ؟؟؟؟كثير حفلات زواج فيها السامري ..وحتى أزعجنا زواج في أخر حينا فيه سمسمية


وهبال حتى بعض الشباب حضروا على الصوت وصاروا يرقصون خارج المكان في الشارع


ويكلمون بعضهم في الجوالات وينك يافلان تعالى أبك فلها ....ونحن في المنزل نتحيسب عليهم عندما


تعدت الساعة الثانية ليلاً ...بتقول وش دراك ....صورها ولد جيراننا بالجوال ...رقص الشباب الله يهديهم


ومكالماتهم لبعضهم ...هل تعتقد أنه تنفيس أو فضاوة ..أو فراغ .....



اللهم وسع صدورنا وجميع المسلمين بما يرضيك يارب العالمين آمييين ...

على الجرح والللللللله

ياهو اننا مظلومين بشكل

ماغير تشوفلك واحد نشبه يقعد يهذر عليك

ولا مشغل هالجوال وهاتك يا لعبه الثعبان

حالتنا ماساويه

نبي DJ :p

^
اوما حالتكم مآساويه
احمدوا ربكم
24 ساعة تسكع بالشوارع
والا حنا مساكين

إقتباس يالسمرمدي ياللحجي يالهجيني

احلى شئ بهالموضوع

thanks the rock

إقتباس الرسالة الأصلية كتبت بواسطة الـصـخـرة وانت وش تبي بالعود من جاب طاريه اصلا لا يا عمي نبي بس فرقة سامري وعرضه ومشالح وعلم الهلال بدل السعودية

هذا الكلام مرفوض مرفوض مرفوض
ارجو التحلي بالاخلاق السعوديه