بهدوء وعقلانيه هناك اخطاء!!!
 

السلام عليكم ورحمة الله وبركاته وبعد

اخواني شعب الهلال العظيم هاردلكم الخساره وبصراحه انا توقعت الخساره من الاتحاد من قبل هذه المباراة والحين راح اطرح بعض الاخطاء اللي اشوف انها اثرت على الفريق هذا الموسم من وجهة نظري ممكن تكون صح وممكن تكون خطاء لكن هذا اجتهاد شخصي مني واليكم الاخطاء التي اراها


1- اول خطاء واللي اعتبره خطأ جوهري غياب الروح , اللاعبين احس انهم ودهم تنتهي المباراة ويمشون يعني مافي احساس بالمسئوليه في اغلب المباريات . والدليل شوفو لاعبي الفرق الثانيه مثل الاتحاد والشباب والاتفاق كلهم يلعبون للشعارولجماهيرهم


2- الفريق فوق انه الروح القتاليه عندهم منخفضه الا وجت سالفة اقالة كوزمين في نهاية الموسم وهذه مالنا يد فيها بس اللاعبين لازم يتكيفون بسرعه مع ليكنز مثل ماتكيف لاعبي المنتخب بسرعه مع بيسيرو.

3- تشكيلة الفريق راح ابداها من حراسة المرمى

* محمد الدعيع ماقصرت والله انك اسد والله يعيننا اذا اعتزلت عموما الاداره لازم تجهز بديل وياليت مايكون حسن العتيبي من ضمن الخيارات

* بالنسبه لقلوب الدفاع اسمه هوساوي ممتاز جدا بينما المرشدي نزل مستواه من غير سبب واعتقد الهلا محتاج مدافع احتياط يكون بمستوى هوساوي

* الاظهره وما ادراك مالاظهره الله يرحم ايام الدوخي وخالد الرشيد . فعلا الهلال محتاج ظهير ايمن اذا يهمه ينافس على البطوله الاسيويه لان نامي ممكن يكون اي شي الا لاعب كوره قدم ماهو ممكن .
واذا ممكن الاداره تستعير راشد الرهيب الموسم الجاي يعتبر حل مؤقت . بالنسبه للزوري امس كان غايب تماما عن المباراة لكن اعتقد ان الزوري لاعب ممتاز جدا .

* بالنسبه للمحاور ماعليهم خوف بوجود عزيز الله يسامحه ورادوي والغامدي والغنام لكن الهلال محتاج الى محاور شباب لانه الغامدي عمره الان 30 وممكن يعتزل في اي وقت اذا مو عشان العمر فممكن عشان الاصابات ورادوي ممكن يترك الفريق بأي وقت ومايكون عندنا الا عزيز والغنام بس

* لاعبي الوسط ياكثرهم وياقل بركتهم وخلونا ناخذهم واحد واحد ويلي ممتاز واتمنى استمراره -التايب اعتقد انه خلاص اللاعب اعطى كل اللي عنده والله يجيب تيفيز بداله- الفريدي ينقصه السرعه يعني فيه برود شوي الله يهديه- الشلهوب تمنيت انه يلعب امس لانه من ذهب والذهب لايصدأ -
لاعب الاتفاق عبدالرحمن القحطاني نفسي ادارة الهلال تشتري عقده لانه لاعب من طراز نادر


* لاعبي الهجوم مافيهم الا اربعه ياسر اللي فعلا محتاج راحه والله معذور الرجال جهد بدني ونفسي وعصبي الله يعينك ياياسر وياليت المنتخب مايضمونك عشان ترتاح شوي وترجع لنا مثل اول.
الكوري سول لاتعليق!!!!!!!!!!!!
العنبر ممتاز جدا لكنه يخاف من الالتحامات مع المدافعين .
الصويلح الاصابات دهورت هذا اللاعب الله يعينه
يعني الهلا محتاج مهاجم اجنبي صريح من نمونة الحسن كيتا او اي لاعب افريقي.



هذه ملاحظاتي التي تحتمل الصواب والخطأ

والسلام عليك ورحمة الله وبركاته