|
نـامي ... ويلي ..سيؤول .. بالعربي : مللنا من المجاملات الــسلام عليكم .. اول شي هارد لكم الخسارة اللي حصلت .. وصدقوني .. الهلال كاد ان يفوز بمجهود بعض اللاعبين .. شباب حبيت اتكلم عن موضوع لاعبن بحسبتي .. لماذا نحن يا جماهير الهلال جماهير عاطفيّة ..؟؟؟ ليش نحب نجامل كثير ..؟؟ وش السبب يعني .؟ اقسم بالله ان مقصدي من هالموضوع ليس تحطيم والله على ما اقول شهيد انما هو ملل من المجاملات اللي جالسه تصير على حساب فريقنا .. انا " كاتم زعلي " من البارح صراحه واليوم ابي انفجر واقول اللي بخاطري كان تبون تحذفونه يا مشرفين احذفوهـ براحتكم _ _ _ اسألكم بالله يا شباب وجاوبوني بكل صراحه هل اللاعب " المحترف " محمد نامي .. يستحق ان يرتدي شعار نادي الهلال ..؟؟؟ وش يملك هاللاعب من مهارات ..؟؟ وش يميزه ؟؟ يعني خل نستغني عن المهارات ونقول المهارات ماهي شيئ اساسي باللعب خل نقول مثلا : هل يجيد التمريرات التي تساعد فريقه في بناء هجمة سريعة هل اللاعب يملك فكر كروي محترف ...؟؟؟ هل يملك بنية جسمانية قوية تساعده على الاحتكاكات القوية كل اللي انا جالس اشوفه انه لاعب عادي بل واقل من عادي لاعب مسبب ثغرة في فريقه وانا اللي جالس اشوفه ان هاللاعب اكمال عدد فقط .. بإمكاني انا لو كنت رئيس نادي .. اقدر اجيب واحد افضل منه لعب ومهارات وسرعة دامني املك المال كل اللي علي ارسل لي كم واحد لأحد دوريات الحواري وصدقوني مليان لعيبه جيدين بس للأسف انهم مدفونين والدليل ما سمعناه قبل فتره ان احد الدول المجاوره ترسل سماسرة لتجنيس لاعبين من لعيبة الحواري اللي عندنا .. وهذا حل يخلينا نفتك من الثغرة المتأزمة اللي حاصلة لفريقنا بسبب وجود هذا اللاعب " المحترف " واللي استغربت كثيرا انه اخذ افضل لاعب بمباراة ايران ..؟؟؟ هل مثلاً اللي رشّحة يفهم كورة ..؟؟ لا اعتقد .. لذلك السؤال هنا : من انت يا نامي حتى تلبس شعار الهلال ...؟؟؟ __________________________________________________________ __________________________________________________________ ويلهامسون .. أو ويلهلمسون ... وفي رواية ولهالمسون كلها نفس بعض هذه الكلمات تدل على لاعب ذو شعر اصفر وضعيف البنية " غريبة سويدي ضعيف البنيه ..!! " لاعب قيمتة 50 مليون وكم فراطه لا يعرف يتصرف في اغلب كراته ولا يجيد الاحتككات القوية واستخلاص الكرة لاعب تسديداته ضعيفه .. وتحس انه مصنوع من بلاستك كل شوي تقول الله يستر لا ينكسر وتطير الـ كم فراطه اذا ً يا اعزائي الكرام .. لماذا هذا المبلغ الخيالي ..؟؟ ليش اجيب لاعب بهالسعر وكان بامكاني اجيب بقيمته " كيلو درزن " لعيبه سعوديين او عرب او افارقة يلعبون بنفس المركز وافضل منه بعد .. اقسم بالله ياشباب اني ما اقتنعت بهاللاعب من جاء وودّي اقتنع فيه كرمال المبلغ المدفوع ولكن ماهي راضية تجي معي حتى هدفه اللي على الوطني والعالم لجونا فيه وقالوا هدف تاريخي .. وربي ان " سمير " هندي المغسلة اللي جنبنا يجيبه الهدف هذا ليس احترافاً من ولهامسون وانما من عبقرية من دفاع الوطني .. .. الغريب انه يلعب مع منتخب بلاده ..؟؟!!!!! ونرجع ونقول : من انت يا ويلي حتى تلبس شعار نادي الهلال ...؟؟؟؟ ____________________________________________________ ____________________________________________________ سيؤول .. !!! كم انت عجيب ياهذا ..؟؟!! لاعب طق له طقتين مع فريق الأهلي الاماراتي .. وأبلشونا العالم فيه ياشباب اللاعب هذا انا مستغرب ليش يسمى لاعب اصلاً ؟؟؟؟ لاعب مغشوشين فيه لمساته بايخه لحد الثمالة .. لا شيئ يميزه ابداً لاعب دفع رباعي .. صدقوني يصلح حق تطعيس وليس كرة قدم انا استغرب ان ادارة الهلال صابره عليه ياشيخ انا لو لي سلطة على الهلال قسم بالله ما يردني الا حراج بن قاسم ياشيخ هذا ما ينفع يكون لاعب هذا ينفع .. مزهريّة .. دولاب .. شنطة .. عفريته .. اي شيئ .. الا انه يكون لاعب كرة قدم صدقوني ان هاللاعب فيه .. بلاهة مغوليّه .. بس ماهو واضح ... لأنه الشكل فيه تمويه شوي .. ونرجع نقول .. من انت يا سؤول حتى تلبس شعار الهلال .....؟؟؟؟!!! ____________________________________________________ ____________________________________________________ والظليمة شينه .. هناك بعض اللعيبه اللي " راجي " منهم خير .. مثل الزوري و ياسر والمرشدي وهوساوي والصويلح ورادوي والفريدي كذلك <<--- الفريدي اللي شفناه البارح وليس الفريدي اللي قبل كم شهر بأذن الله مع الاسماء هذي راح يكون للهلال شأن ____________________________________________________ ____________________________________________________ خـــــــالد عزيز والـــعنبر .. لا اريد التعليق على مستوياتكم .. لأني اخاف اغلط عليكم ... وتطردني ادارة المنتدى .. تحيـاتي |
لا تعليق .................................... |
تصدق المفروض يطونك مكان كل إلي ذكرتهم يا أخي من بداية الموسم نقول ويلي أفضل محترف الدوري الأن أصبح ولا شئ |
كلاااااااام واقعي واشكرك من كل اعماقي على بذل مجهودك على الموضوع الرائع تقبل مروري |
اقول لايكثر .. لو دخل ياسر هدفين في المباراة كان الاعبيين اللي ذكرتهم طلعتهم ابطال العالم .. انك تلعب ناقص قدام الاتحاد ومتأخر بهدف شيء مو سهل انك تعوضه ياللي فاهم في الكورة .. قال ايش قال لاعبين حواري .. |
إقتباس:
ارجوك .. لا تستخدم لغة الجمع لأنها لغة المغفلين واذا انت تعتبره افضل محترف .. فصدقني انك لا تفقه بالكرة شيئا ً |
انا اتفق معك في محمد نامي وسول .... اما ويلي لاعب كبير ولاتنسى ترى كان مصاب وماتمرن عقب مباراتنا مع الاهلي الاماراتي الا يومين فقط .... وبعدين ياشباب لاتنسوون الارهاق الكبير للاعبينا .... |
إقتباس:
انت تتكلم هالكلام وانت في كامل وعيك..؟ وحتى ويلي يقول من انت عشان تجي وتقيم مستواي..؟ يعني عشان ويلي بآخر مباراتين نازل مستواه قعدت تقول ليش ياخذونه منتخب السويد بعد؟؟؟ يااخووووي الهلال 10 لاعبين ارهاق مدرب ماله اسبوعين محور مطرود واحمد ربك اننا انهزمنا بس اثنين ..! وبعدين اذا جبت لي لاعب يقدر يقدم اداء افضل من ويلهامسون بالهلال شف قلت لك بالهلال ماقلك لك بنادي ثاني.! ويلي مشتكي من الكورة البطيئة ولعب السعودية البطيئ ..! اللاعب احد الركائز اللي مايستغني عنها المنتخب السويدي وتقول فاااشل؟؟ عجيب والله..؟ اجل التايب هو من يستحق 50 مليون؟؟ |
إقتباس:
هل اصبح الان ويلي فآشل يآخي العزيز طول الموسم مشغل لك الجهه اليمين صح وعرضيات و رفعات جميله جداً ويسآند الدفاع و الوسط و الهجوم وتقول لي لاعب فاشل ..!!! لاعب لا يكل ولا يمل في حرث الملعب لعيون الزعيم وتقول لي مآ يستاهل |
إقتباس:
ياخي من جاب طاري ياسر يا ابو المفهوميّة ..؟؟ انا ما ذكرت ياسر يا عبقري .. وبالعكس ياسر حنا عارفين ظروفة وذاكرين لعبة لكن انت " متجشّم " الموضوع ... وبدين لو جاب ياسر هدفين على قولتك كان اثنيت على ياسر وش دخل اللاعبين اللي ذكرتهم |
و من أنت حتى تحكم على ويلي يعني أنت تفهم أكثر من مدرب السويد و كوزمين سيول معك آنه مآقدم شي للهلآل و نآمي فاشل أما ويلي تقول عنه فاااشل فـ اسمحلي اقولك انت اللي فاشل و إذا كآن على هدفه اللي في الوطني الله يقوي سمير و نشوفه يلمس الكوره و نشوفه يدافع و يهاجم |
لو جبنا من افريقيا لاعب عمره 19-22 سنة ويكون سريع جدا ويملك مهارة عالية وقدم قوية بمليونين ريال أبرك من 50 مليون . |
إقتباس:
يا اخي الكريم .. انت عطني 50 مليون .. وياشيخ لو تبيني ازرع لك الملعب ماهو بس احرثه وش الفايدة من المراكض اللي ما يجيب نتيجة ..؟؟ انت شف لمساته للكورة ... لاعب عادي جداً لا يستحق هالقيمة |
إقتباس:
ياخي فاشل ونص بعد انا مادري ليش انت وامثالك تدافعون عنه لو يستحق دفاعكم عنه ما اقول شي .. بالعكس .. لكن فاشل وتدافعون عنه .. هذي والله امهن .. |
إقتباس:
ياشيخ الله يسعدك على هالكلام .. فعلا انت مثال للجمهور الواعي .. الجمهور الذي يفكر ويعي ماذا يحدث |
| الوقت المعتمد في المنتدى بتوقيت جرينتش +3.
الوقت الان » 07:35 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd