الرسالة الأصلية كتبت بواسطة الزعيـــ عاشقـ ـــم (مشاركة 11742514)

السلام عليكم

مساكم الله بالخير جميعا


قدر الله ما شا الله فعل والحمدالله على كل


اذا زعيم نصف الارض خسر درع الدوري فما اخذها الا فريق بطل ويستاهلون الاتحاد اداراه ولاعبين وجماهير ونقولهم الف الف الف مبرووك تستاهلون


الف شكر لكل الجماهير الحاضره امس ووالله انكم بيضتوا الوجه وماقصرتوا
:clapping:
الف مليوون شكر لكل لاعب هلالي من قائدنا الاخطبوط الا اصغر لاعب بالنادي على كل ما بذتوه بمن اول مباراه بالموسم الا مباراه امس:clapping:

والله ياشباب ان مبسوط وافتخر واصرخ بعالي صوتي واقول انا هلااااااااااااااااي:clapping:

بـ10 لاعبين امس ووالله ان لعبنا افضل بوجهة نظري امس شفنا روح الزعيم شفنا شجاعه الابطال شفنا قتالهم بالملعب شفنا وحوشيتهم والله والله وبـ10 لاعبين قدرنا نجاري ابطال العميد بمجريات المباره


محمد الدعيع والله انك تاج روسنا ما ادري وش اقول ووش اخلي ما اقول الا ( الله يخليك ويحفظك لنا ) شكرا محمد
ماجد المرشدي والله انك امبراطور عيني عليك بارده يا بطل شكرا ماجد

اسامه هوساوي من مباراه لمباره تكبر بعيونا ويعلم الله مكانتك وغلام بقلب كل هلالي شكرا اسامه

عبدالله الزوري هذا اوعدكم وعد انه راح يكون افضل ظهير ايسر مر وراح يمر عالملاعب الاسيوره شكرا عبدالله

محمد نامي شكرا لك من القلب على كل مجهوداتك وحماسك وروحك القتاليه شكرا محمد

رادوي حماسك واصرارك تدل على احترافيتك العاليه وكانك تعلب لمنتخب بلادك شكرا رادوي

خالد عزيز نعنبوا حيك والله ان البطوله فدا لك وفدا لراسك يالغالي مباره وحده ماراح تنسينا كل ماقدمته للزعيم شكرا خالد

طارق التايب انت نجم متعتنا وعلمتنا كيف نهواك ونهوى لعبك وفنك يا افضل لاعب عربي مر بالكره السعوديه شكرا طارق

ويلهامسون يالغزال الاشقر يامن عشقت الهلال وعشقناك يامن متعنا بالعب الاوربي وعلمنا بالعب الوربي شكرا ويلهامسون لكل ماقدمته

سول انت نجم من نجوم اسيا وكل مباراه تصر انت تلعب افضل من المباراه الي قبلها شكرا سوول

ياااااااااسر القحطاني ياسر يا اسر يا كاسر ياقناص ياياسر وش اقول وش اخلي بس حاربوك اتهموك ياسر انت لوحدك فريق باكملك يكفينا تحاملك على الاصابه لعيون الازرق يامن تصنع العجائب يامن تصنع المستحيلات يامن يفعل من اللاشي شي اااااه يا ياسر الله يخليك ويحفظك من يوم ارتيدت شعار الازرق وانت وحيدا شايل الهجوم الازرق فمن غيرك يقدر يسوي الي سويته والله ما مر مثل وفنك وحاستك التهديفيه وذكائك اي مهاجم شكرا شكرا شكرا شكرا الف شكر ياسر

ليكينز امس اثبت لنا مقدار شجاعتك وان شا الله راح تكون داهيه الزعيم القادم

سامي الجابر من شافه امس والله انه روحه وعشقه للازرق عن فريق كامل تحسونه امس وده يخش الملعب من زود الحماس الله يخليك ويحفطك لنا يا بو عبدالله فشوفتك والله تكفينا شكرا سامي لكل ماتسويه للازرق شكرا سامي


عبدالرحمن بن مساعد والله انك اكبر بطوله لنا واكبر فخر لنا انك انت من يقود فريقنا وزعيمنا والله ماحزنت امس الا عشانك وما كان ودي زعيمنا ياخوذن الدرع الا عشانك والله الله يحظك ويخليك ويكثر من امثالك انت مثال وقدوه لكل الزعماء



جماهير الزعيم شكرا وانت الرقم الصعب واللاعب رقم واحد فالهلال فالزعيم بدونكم ولا شي وافتخر اني منكم وفيكم


اكرر الحمدالله على كل حال

وانا والله مبسوط على الاداء الجولي الي قدموه نجومنا مع نجوم العميد وقدرنا نجاريهم بـ10

والف مليون مبروك لنادي الاتحاد فانتم تستاهلون مثل ماحنا نستاهل


وعلينا كلنا اننا تفتخر بكل ماقدموه نجومنا كل هالموسم رغم كل ما مرينا فيه من ظلم فحنا هالموسم نافسنا 11 فريق مع الاتحاد السعودي




شكر..شكرا..شكرا..شكرا..شكرا نجومنا شكرا ادارتنا على كل ما عملتوه من اجل اسعاد جماهيركم

وحنا كجماهير راضين تمام الرضا على كل الي سويتوه لنا وبيض الله وجيهكم وااله انكم ما قصرتوا



شطحه

يقولون قرعه كاس الملك بنقابل الحالمي النصر هههههههههههههههههههههههههههههههههههههههههههههه جاك الموت يا تارك الصلاه والله انكم رحتوا غلطه