|
النتيجة معروفة لدى البلوي أيضا!!!!!!! يوجد فيديو إقتباس:
هذا فيديو تاكيد لكلام اخونا عياف وشيء عجيب البلوي توقع نفس النتيجه وقالها باحدى المقابلات واكد على كلامه ابوعماره!! اللي يبغى يشوف يضغط هنا اشكر احد الاخوان اللي عطاني اللقطه |
.............. غريبه ما فيه ردود |
اخوي العزيز هذة توقعات وليس لهم علم الغيب بان الاتحاد يفوز كبر عقلك اخوي الله يحفظك |
حتى لو عرفوا النتيجة مسبقاً سواءً صدفة أو بطريقتهم يجب أن لانعطي الموضوع اهتمام لأنهم سوف يستخدمونه مستقبلاُ للتأثير على لاعبي الهلال و قد استخدم الجار نفس الأسلوب في سنين مضت ولكن ماهو حالهم اليوم نحن نؤمن بالله وبقضاءه وقدره وهو حسبنا . |
ياشباب احنى مسلمين سعوديين اخوان قبل كل شي اتمنى ما ندخل في ذمم احد وننسى الماضي الاتحاد فاز ونقول له مبروك وان شاء الله بالتوفيق للزعيم في كاس الملك واولها فوز على النصر . |
يعني بيسجلها غير هزازي أو أبو شروان؟ أنا متوقع قبل بداية المباراة أنهم إن سجلوا علينا، فبيكون بالراس لهزازي أو تسديدة لأبو شروان، لأن ذا هو أسلوب لعبهم. |
ممكن يكون وليد اللي رد الرد الاول هو نفسه نمر النمور بس مغير النك نيم حقه (لا تظنوا فأن بعض الظن اثم ) |
يعني وش مشعوذين يعني تحطها في ذمتك؟؟؟ |
لاتعطون الموضوع اكبر من حجـمه .. مجرد توقعات لا اكثر ولا اقل ( ان بعض الظـن اثم ) |
سبحان الله الضاهر عدوكم الفقراويه يعني اذا انهزمنا طلعتو الف عذر</B> ليش ما ندور علي الاخطاء اللي وقع فيها لاعبو الهلال ونترك الخزعبلات اللي تقولها</B> |
الشرهه على اللي يسمح بمثل هالمواضيع |
طيب قل في ذمتي ان هالكلام صدق عشان نصدقك وبعدهآ بتآخذ إثم من الله ياخوان اتقوا الله هذا كلام فااضي حنا خسرنا بـ مجهود لاعبينا ! والإتحاد فاز ونقوله الف مبروك ياخوان كفايه لعب على عقولنآ يرحم أهلكم فكونا من المواضيع البايخه وين المراقبين مايشوفون حلّ مع هالمواضيع السخيفه |
الغريب موضوعك الي احس ماله داعي هذا احساس شخص ان فريقه بفوز 2-1 وثاني شي فريقنا كآن مره تعبان والاتحاد يستحق هذا الفوز بكل جداره واستحقاق .~ |
سبحان الله الضاهر عدوكم الفقراويه يعني اذا انهزمنا طلعتو الف عذر قبل المباراه الهلال فايز بكل ثقه والحين طلعت الكلام اللي لا يقدم ولا ياخر |
من الطبيعي ان يتوقع الجمهور الاتحادي ان يسجل بوشروان وهزازي !! فهما مهاجمي الاتحاد في المباراة خصوصا ان عماد متعب مصاب ولن يلعب!! هل تريد ان يتوقع الجمهور الاتحادي ان يسجل سراج فريج او عبدالله فوال او عبدالله ريحان الاهداف؟ لا غرابة لان هزازي يقدم مستويات رائعة اما بوشروان فهو هداف الدوري ولم يسلم اي فريق من اهدافه الجميلة!! لو كان التوقع بأن يسجل مبروك زايد هدفا لربما كان ذلك امرا غريبا ولكن هذا الجمهور يعرف ان لديه مهاجمين يسجلون بعكس الهلال الذي يعتمد على مهاجم واحد فقط منذ 4 سنوات اما الاتحاد فيحضر ثلاثة مهاجمين اجانب في كل موسم!! والجميع يتذكر ان الهلال حقق الدوري من خلال فوزه على الاتحاد في جدة وامام الجماهير الاتحادية فمادمت تشك ان هناك شيئا ما كيف استطاع الهلال الفوز في جدة وامام الجمهور الاتحادي؟ كيف تريد ان يحقق الهلال الدوري وهو يتعادل مع الوطني والوحدة في الرياض ويخسر من نجران ؟؟ كيف تريد ان يحقق الهلال الدوري وهو لايملك الا مهاجم واحد؟ بينما الاتحاد لم يعاني رغم اصابة متعب ولم يخشى الاتحاديون ابدا لان لديهم الكثير من المهاجمين!! كيف تريد ان يحقق الهلال الدوري وهو يلعب بخطة 9/ 1 ويجد صعوبة امام الفرق الضعيفة بينما الاتحاد يفوز بالثلاثة والاربعة لدرجة ان ثلاثة من لاعبيه يتنافسون على لقب هداف الدوري(بوشروان,نور,متعب) اما الهلال فلا يوجد الا مهاجم واحد!! كيف تريد ان يحقق الهلال الدوري وطريقة بناء الهجمة واحدة لاتتغير؟ بينما الاتحاد يهاجم من العمق ومن الاطراف وينوع في بناء الهجمة ويجد اي فريق صعوبة في مراقبة لاعبيه!! كيف تريد ان يحقق الهلال الدوري ولا يوجد لديه مدافعين يعرفون كيف يراقبون المهاجمين؟ كيف يترك هزازي و بو شروان لوحدهم يسرحون ويمرحون ويسجلون؟ من تسبب بهزيمة الهلال هم انصاف اللاعبين بالاضافة الى دكة البدلاء التي تحولت الى ضمان اجتماعي وقد جمعت النطيحة والمتردية وانصاف اللاعبين. |
| الوقت المعتمد في المنتدى بتوقيت جرينتش +3.
الوقت الان » 08:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd