نادي الهلال السعودي - شبكة الزعيم - الموقع الرسمي - هذه الكوره بالعاميه " هذي الكورا"

بسم الله الرحمن الرحيم

الحمد لله .. قدر الله وما شاء فعل ..

هذي الكوره .. الدوري لو لم يكن للهلال لا يستحقه الا الاتحاد .

البارحه انتهى اطول سباق " مارثون" كروي سعودي بمباراة اكثر من متوسطة في المستوى فاز الفريق الاتحادي " مانبي نحلل ونتفلسف وش يفيد التحليل اللي ما يوصل " بنقاطها الثلاث " وطار باللقب" والهلال لم يخسر نهائي الدوري كما قائل المذيع الداخلي للملعب فقط خسر مباراة دوري " طيرت اللقب " ...احسبها مثلاً لو تعادلنا مع الاتفاق قبل .
الاخطاء التي حصلت البارحه من اللاعبين ومن المدرب لا تلغي ابدا بان الفريق الهلالي كان ومازال الطرف الثابت والضلع الاقوى في الدوري السعودي والدليل ثبات جماهير الهلال الى صافرة النهاية لتثبت انها هي الجماهير الارقى " والله مو مجامله والا ترقيص .. بس هذا الواقع " .
من اكثر من 20 سنة وستاد الملك فهد يشهد بجماهيرية هذا الكيان الازرق " الهلال ثابت والبقية ..."و رغم كل الظروف و رغم كل التوقعات البارحه سطر الجمهور الهلالي " كنا منهم امس " اروع لوحة واكدوا فيها فعلاً انهم هم الرقم الصعب واللاعب رقم واحد في الفريق الازرق " ااااااه لو فزنا كان للحين بالملعب " .

المتابع للدوري ونتائج الفرق وحالة استقرار الفرق لم يكن يتوقع حضور جماهير كبير الا اذا كان " الزعيم يلعب " ...

يا هلال عزك عزنا وخيرها بغيرها ... وماتستاهل حزن اكثر ...

هذي الكوره ...

- كبوة جواد .. ومافيه فريق ما يخسر.. والهلاليون لا يخسرون الا بانفسهم .

- عزيز بشر " مسوي زيدان بس بالرفس ".. بس لابد من محاسبتة على اعتبار انه لاعب محترف دولي صاحب خبره ومحاسبته وبشده .

- الف مليون على استفهام على تغيير ويلهامسون والابقاء على سوول " وجهة نظر اكثر من مليون هلالي " ...

- في بداية الدوري ظهر الهلال بمستوى باهت الى ان رفع الايقاف عن التايب وعاد لتالق من جديد ..

- في اخر ثلاث مباريات للدوري التايب ظهر عليه التاثير السني الواضح ولو كان يلعب بعقله اكثر .. " لو العقول تفيد بدون ركض ما اعتزل ابو يعقوب وسامي " .

- يختلف جمهور الهلال عن باقي الاندية بعدم ترديد مقولات الادارة واصحاب القرار في النادي " سوول بس عمره ماكان فعل.. فهد المبارك اكثر منه منفعه "..

- اللي تكسب به العب به ... حراااام فرض سول على تشكيلة الفريق لانجاح صفقة ...التايب ممتع بس المباريات الكبيرة يبلها عقل وبدن " مو الا انت اللي تصنع كورة الهدف فتح اللعب ازين.. تماما مافعله الفريدي امس " ..

- لست مدربا ولكن بعض الامور الفنية المتابع الاقل من عادي يلاحظها ... سوول .. التايب كله على حساب ابناء الوطن وابناء الهلال الفريدي والشلهوب .

- نجوم الزعيم امس اثبتوا معنى الاحتراف في اللامركزية .. هجوم .. دفاع .. وسط .

- ياسر لم يكن !!!!! .... الحمد لله انتهت على ما اراد الله بدون مصائب وخسائر كارثيه ...

- خسارة لقب الدوري لا تعني نهاية المطاف قبل عامين خسرنا النهائي اما الاتحاد بنفس النتيجه وعلى نفس الملعب والعام الماضي حققنا اللقب وفي هذه السنة الدوري لو لم يكن للهلال لا يستحقه الا الاتحاد .

- ماهو سر مانشستر مع الهلال .. بالعربي الفنايل الحمراء كانت كثيره في مدرجات الازرق ..

راي شخصي ..

*ادارة النادي ... الثبات وقت الشدائد .. والاحتراف الاحتراف ..

*عزيز .. هذه الثانيه فهل ننتظر الثالثه ؟؟؟!!!
* التايب بيض الله وجهك وماقصرت ياما فرحتنا وابهرتنا ... بس مع الف مليون !!! جمهور كعب وكوبري بيزعل ؟..
* سوول .. وقت حصاد مو وقت تجربه ... ولو نبي نجرب عيالنا اولى واحق ..
* الفريدي .. اترك البرود .. العب على الصافرة .. ابعد عن الكروت .. بعدها انت لاعب الوسط رقم 1 مو في الهلال بس ... في اسيا كلها ..:smilie47:
* اسامه و ويلي ... غير رائع ما اقدر اقوول..:smilie47:
*المرشدي الزوري .. لا يلام المرؤ بعد اجتهاده .. وياليت فيه من ينافسكم على الخانه عشان يصير حالكم مثل الفريدي ..:smilie47:
* نامي ... اديت الواجب ومانبي نظلمك اكثر... وما ظن عندك اكثر ..

*ياسر .. العبرة في الثبات على القمه مو الوصول .. لا تخاطر بصحتك واحسبها صح .. توك صغير في العمر ..:smilie47:
* الدعيع .. اكثر من اول احبك :smilie47:

* جماهير الهلال الجمهور الوحيد الذي ينصف اللاعبين " المحسن احسنت المخطأ اخطات مومثل بعض الناس مع الخيل ياشقرا وش قال الرئيس حنا معه .
جمهور الازرق ..الحضور بالملعب يحسسك تلعب .. والدرجه الثانية غير ..واللي يبي الرابطه يروح عند الرابطه ...

صرخه هلالية اخيرة
سمو الامير عبدالله بن مساعد سمو الامير عبدالرحمن بن مساعد ...
انتهت صفحة الدوري تكفون !!! لا تصير بطولة ولي العهد هي بطولتكم الوحيدة ...
جماهير الهلال .. تونا تونا والليل باول شبابه ..
( خاصه لضيوف البارح اللي جو من حفرالباطن هذي وحده راحت "فالسو" من 5 عزايم للملعب والوعد قدام ) .