المطالبه بركن خالد عزيز على مقاعد الأحتياط حتى نهاية الموسم بعدما قتل الهلال - نادي الهلال السعودي - شبكة الزعيم

زعيم الأبداع · #1 13/04/2009, 01:49 AM

لاشك بأن مافعله خالد عزيز من تصرف احمق مع لاعب الاتحاد هزازي منتصف الشوط الأول والذي على اثره نال البطاقه الحمراء عن جداره واستحقاق قد اصاب الفريق والشعب الهلالي في مقتل فمن ذلك الوقت ادركت بأن الدوري للاتحاد الذي كان الأفضل منذ بداية المباراة وساعده في ذلك خالد عزيز الذي قدم له الهلال على طبق من ذهب لينحره من الوريد إلى الوريد
من هنا نطالب بركن خالد عزيز على مقاعد البدلاء على ان يشارك وقت الضروره القصوى فقط وان يتم اشراك عمر الغامدي او الخثران بجانب رادوي حسب مايراه المدرب مناسب للمباراة لأنه من الظلم اشراك عزيز فيما تبقى من مباريات الموسم على حساب الغامدي والخثران اللذان يحترقان من اجل الهلال
تحياتي وتقديري

الشـــرعان · #2 13/04/2009, 02:22 AM

أول شي أخوي هارد لك..

.. ثاني شي هدي نفسك ,, أنت تكتب شي وإنت زعلان.. ولا ألومك صراحه..

.. ولكن يبقى عزيز لاعب كبير .. وركيزة النادي والمنتخب

,, وتأكد هالأخطاء تحصل كثير بحكم حساسية المباراة ولاتنسى .. زين الدين زيدان أفضل لاعبين العالم طرد من مباراه نهائية والفريق بأمس الحاجه له..

.. الكبار كبار .. وأنت كبير أخوي بكتابتك , ,وهذا نابع من حبك وغيرتك على فريقك..

.. فلنكن مع الفريق بكل شيئ..

.. إحترامي لك ..

عاشق الكتيبه الزرقاء · #3 13/04/2009, 02:25 AM

عادي ما تفرق معه احتياطويستلم راتبه كامل

اتمنى بجد يجيه كف يصيحه ويرقي له تفكيره هالبزر

ولا هذي حركه يسويها

من متى الهلال يضرب بدون كره

اذا انت يا عزيز تسويها وش نقول عن اللاعبين الشباب اجل

آ ح ب9999 · #4 13/04/2009, 02:28 AM

صح انا مع اللي يقول هدي نفسك بس الى متى مهي اول مره ولو تذكرون مبرات الهلال مع الشباب تصرف خالد عزيز تصرف شنيع بمسك الاعب الشبابي ورغم تقدمنا باخر مبرات الا ان عزيز حرمنا مثل ماحرم الهلال اليوم من حصاد موسم كامل لكن اين العقاب الرادع ياناااس شوفوله صرفه من جد ولاتخلونه يمشي مع العويران وشلته حقت البلوي تكفون لزم يوقف عند حده من جد,,,,

الأسطورة الثنيان 15 · #5 13/04/2009, 02:31 AM

للأسف لن يعاقب , وستراه في المباراة القادمة , وسيمدحونه , وتفداك ألف بطولة , وكأن ما صار شي

نستاهل ما جانا وما يجينا

بصراحة قرفت

هـلال العمر · #6 13/04/2009, 04:45 AM

إقتباس

الرسالة الأصلية كتبت بواسطة الأسطورة الثنيان 15


	للأسف لن يعاقب , وستراه في المباراة القادمة , وسيمدحونه , وتفداك ألف بطولة , وكأن ما صار شي نستاهل ما جانا وما يجينا بصراحة قرفت

صحيح ..وهذه عدتنا للأسـف ترقيع على الأخطاء وتسليك للفاشلين...

هلاليه بجنـــون · #7 13/04/2009, 02:52 AM

إقتباس

الرسالة الأصلية كتبت بواسطة آ ح ب9999


	صح انا مع اللي يقول هدي نفسك بس الى متى مهي اول مره ولو تذكرون مبرات الهلال مع الشباب تصرف خالد عزيز تصرف شنيع بمسك الاعب الشبابي ورغم تقدمنا باخر مبرات الا ان عزيز حرمنا مثل ماحرم الهلال اليوم من حصاد موسم كامل لكن اين العقاب الرادع ياناااس شوفوله صرفه من جد ولاتخلونه يمشي مع العويران وشلته حقت البلوي تكفون لزم يوقف عند حده من جد,,,,

ايه والله انك صادق
نيته ان الهلال ينهزم ولا وش معنى نكون متقدمين بالنيجه ويروح يمسك الاعب الشبابي
والحين المباراه توها باديه يروح ياخذ كرت احمر
خلاص اسمه الحين عزيز احمر
لازام ينطق بالاحتياط عشان يعرف يلعب زين ولايجي ينكبنا بكرت احمر
البزر نايف نرفزه وهو ماصدق خبر طقه واخذ كرت

ghamdi · #8 13/04/2009, 02:29 AM

لا بس يعاقبونه في خصم الراتب

اما يجلسونه احطياط فالهلال خسران ...
بس اهم شي يكون خط وسط الهلال ((الفريدي - الشلهوب -ويلي))ويكون الاستعراضي في الاحطياط !! الي هو التايب

أستفهآم؟ · #9 13/04/2009, 02:30 AM

لو تركن 11 لاعب ..
زله وانتهت وراحت ..

ماعاد ينفعنا شي يابطل ..

الطارق · #10 13/04/2009, 02:31 AM

والله ما ادري هذا منتدى الزعيم او نادي ثاني

صحيح عزيز اخطا لاكن ماننسى وش عمل قبل كذا

مانبي نصير جمهور اذا اخطاء لاعب نسينا خيره وشره زي مايقولون

تحسي بيا · #11 13/04/2009, 02:32 AM

عزيز لاعب مهم في الفريق .. ما ينقصه إلا الرقي في الفكر ..

يزيدالهلالي · #12 13/04/2009, 02:33 AM

الا يجب القضاء عليه مثل الدوخي
خله يتشحطط بين أندية الاولى والخليج

رهــــــــ 15 ــيب · #13 13/04/2009, 02:40 AM

قدر الله ومااشااءفعل

الحمد لله والشكر علي كل حااااااااااااااااال

الله يوووفقهم في البطولات القادمه ويكفي فخراا انه رغم الظروف القاهره نلعب نهائيااات

الحمد لله والشكر فالهلال بخير ان شااء الله

ابو طـــــلال · #14 13/04/2009, 02:46 AM

أخالفك الرأي ... لاتسلب خالد تاريخة .. وفكر بالإيجابيات اللتي لطالما أمتعنا فيها المحارب ...

مشكلتنا دايم يانمدح بقوة .. وإلا نسب بقوة !!؟

بكرا يتغير كلامك .. الحين انت متأثر بالهزيمة وهالشي طبيعي بس ليتك ماتستعجل بطرح موضوع وانت زعلان

شكرا لك

عاشق القناص ؟ · #15 13/04/2009, 02:53 AM

الله ياخذها ذا البزر
قهرني ورفع ضغطي قسم بالله حرام احظر عشان ذا البزر
ياخي ماتبي تلعب ضف وجهك في مليون لاعب وده يخدم هذا الكيان
حرام الرواتب والمكافائت تستلمها قسم..!!