|
ارحموا (( عزيز )) قوم بسم الله الرحمن الرحيم (((الحمد لله حتى ترضا ولك الحمد والشكراذا رضيت ولك الحمد بعد الرضا ))) الاخوة الزعماء : هارد لكم خسارة بطولة دوري المحترفين 2009 ولكنا نؤمن بالقدر خيره وشره ومن الواجب علينا التحلي بهذه الصفة من صفاتنا كـ مسلمين قبل كل شيء !! إخواني / لم أكتب هذا الموضوع الابعدما رأيت اغلب المواضيع انصبت على المدرعة البشرية واللاعب الفنان (( خالد عزيز )) !! البعض يقول : وجه النكبه وآخر يقول نطالب بمحاسبته وعضو يقول الله لا يسامحة وووو الخ من هذا الكلام !! سؤالي : هل نسيتم يامن يطالبون خالد عزيز بمحاسبته بما فعله في الدوري من ابداع ؟ هل نسيتم ما قدمه خالد عزيز للكيان الازرق ؟ هل نسيتم ابداعاته في كل المباريات سواء مع الهلال او المنتخب ؟؟ لماذا نذكر سيئات هذا اللاعب ولانذكر حسناته ؟؟ // مافعله خالد عزيز في مباراة اليوم اما الاتحاد مع اللاعب ( نايف هزازي ) مستغرب من لاعب كــ ( خالد عزيز ) وعُقب بالبطاقة الحمراء ! والله سبحانه وتعالى اراد وكتب ان هذه البطولة ستذهب للاتحاد سواء لعب عزيز المباراة كاملة ام لم يلعب ( صحيح اننا لابد من الاخذ بالاسباب ) ولكن ليس اننا نشن حربا على هذا اللاعب !! يجب علينا كجمهور واعي ان نقف مع عزيز ومع اي لاعب هلالي في مثل هذه الامور وان نشد من ازرهم وليس لمحاربتهم !! ونحن كجمهور متعود على حصد البطولات من اضيق الابواب لانرضى فعلة عزيز ولاغيره ولكن لا يجب علينا الحقد والكراهية على هذا اللاعب !!! امامنا البطولة الاسيوية ويجب علينا ان نرفع من معنوياتهم والتشيع لهم بكل مانملك !! رسالة الى خالد عزيز : فعلتك في هذا النهائي لانرضاها ابدا منك او من اي لاعب هلالي ولكن ستظل لاعب كبير في اعيننا وستظل الابن البار للبيت الهلالي !! فأمامك الاسيوية سيروا انت وزملائك اللاعبين ونحن خلفكم نشد من ازركم !!!:smilie47::smilie47: وفق الله الجميع،،،،، |
شكرا لك .. نجح هزازي في استفزاز خالد عزيز حتى يطرد و يعطي حرية لمحمد نور .. و هذا ما حصل ..!! |
كـم انـت كــبيــر فــي طـرحـك وخــالــد لاعــب كــبيــر صح انه اخطا ومن لايخطي لا يعمل وبالتوفيق في المشوار الآسيـــوي |
ارحمنا أنت الله يخليك عزيز اللي تدافع عنه ضيع علينا بطولتين هذا الموسم بسبب تهوره قدام الشباب وقدام الإتحاد |
إقتباس:
غلطان ياخوي محمد نور لاعب كبير ومااعتقد ان الخسارة يتحملها خالد عزيز |
شكرا لك 000000000 انتهت المباراة بخيرها وشرها وهاردلك انشاء الله القادم افضل |
خلني أجيبها بنفس طريقتك. تخيل إن فيه طالب مجتهد، يعني يسلم الفروض المطلوبة منه سواء من مشاريع أو واجبات في موعدها، وفي الامتحانات الشهرية يحرز الدرجة الكاملة، لدرجة أنه أصبح يضرب به المثل في الانضباط والتفوق. ويوم جاء الامتحان النهائي ... دخل القاعة، استلم الورقة، قعد يطالع فيها، شقها، وبعدين طلع. الحين بتتوقع الأساتذة بيقولون "معذور"، وإلا بيقولون "غبي، وضيع كل اللي بناه في لحظة"؟ ثم اسمح لي، ما ضيعنا إلا حرصنا على "أحاسيس" لاعبينا المرهفة، والله لو أنهم بزران! فلان يخطئ، ولما يجي أحد ينتقده نقعد نقول "ياخي ذا وقته؟ ورانا مباراة بكرة"، حتى هالكلام نقوله لما نلاقي الوطني! يعني بذمتكم هاللعيبة ما عندهم شيء قبل المباريات غير أنهم يدخلون المنتدى ويقرون اللي فيه؟ لو صح هالشيء فبصراحة يبيلهم ينضبطون أكثر من كذا! ضاع كاس فيصل، وضاع الدوري (ولاحظ أن كل هالشغلات لها مقدمات، يعني مو وليدة هاللحظة)، وبتضيع الآسيوية، وبنقعد نقول "ما قصروا، لكن ارفعوا معنوياتهم" ... ! |
كـم انـت كــبيــر فــي طـرحـك وخــالــد لاعــب كــبيــر صح انه اخطا ومن لايخطي لا يعمل وبالتوفيق في المشوار الآسيـــوي |
الذي فعله بالدوري ضيعه في النهائي.. وانا ممن يطالب بمعاقبته |
شف إذا كنت متكي بالبيت وجمبك شاهي بالنعناع ... والكيف يدهر فوق رأسك .. وقتها اترك المنبر لغيرك .. لكن إذا حضرت 21 مباراة وشجعت وآزارت .. وحاضر مباراة اليوم من الساعة 12 الظهر ويجي واحد دلخ وقدام حكام ثلاثة يرفس تحت الحزام تعال قلي ذا الكلام .. الدوري ضاع بسبته ليت الخثران كان يلعب كان شفنا اللعب الرجولي صدق ... والجمهور الي بالملعب مسكين ماشاف الرفسة يحسبه قرار ظالم .. لكن لو أننا دارين أنها رفسة عيني عينك كان قسم بالله بالي في دي انطله على عزيز هو وخشته ضيع ملايين دفعتها الإداراة ... وجع |
إقتباس:
ولكن اراك انت لم تتمالك اعصابك حتى هذه اللحظة :d واحترم رأيك الشخصي في ردك اخي الكريم ولكن عزيز له مواقف مشرفه وبطولية مع الهلال قبل هذا اللقاء والجميع يعرفها تماما !!:clapping: // ادري ان اللاعب خالد عزيز في هذه اللحظة يعض اصابع الندم على ما فعله !! ولكن العبرة بالخواتيم كما يقولون !! |
ما ذبحنا الا المثاليه الزايده , منحرق في الشمس من العصر لين الساعه 12 و آخرتها يضيعها خالد عزيز بكرت ماله داعي , لو الكرت مستحق في تعطيل هجمه بنقول عادي لكن يتعمد ان يآخذ كرت و فوق كذا تصرفه بضرب نايف هزازي في مكان حساس حركه بآيخه هذا تالي المرياش بـ لاعبين عاديين |
ياخي عندك ناس اقسم بالله ما تعرف تنتقد يعني اذا فاز الفريق صار اللاعب بطل واذا انهزم او غلط ركبوه كل الحق خالد عزيز بطل بطل بطل غصبا عن الكل حتى اللي كانو يلومون محمد نامي والله انه بدع اليوم والهدف الاول مو بسببه وين اسامة هوساوي ليش ما غطى منطقته >>> ليش ما تنتقدون هوساوي ورادوي هو اللي كان ماسك ولاصق في هزازي لكن هزازي فلت منه >> ليش ما انتقدتووه عموما هذا حال الكووورة فوز وخسارة وانشاء الله نعوض بكاس الملك والاسيوية |
إقتباس:
8 8 8 كفـــــــيت ووفــــــيت |
الحمد لله رب العالمين ولا حول ولا قوة الا بالله |
| الوقت المعتمد في المنتدى بتوقيت جرينتش +3.
الوقت الان » 03:10 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd