لالالالالالالالالالالالاالالالالالالالالالاللالالالالالالالالال تعليق

الحمد لله على كل حال

ويجب على الادارة الاستغناء عن انصاف اللاعبين

امثال

نامي / التايب / سول / الصويلح /فهد مبارك / العنبر /

جلب اظهره على مستوى عالي

الحمد لله ولاحول ولاقوة الا بالله
قدر الله وما شاء فعل

هكذا هي جماهير الزعيم تعشق الذهب ومنصات التتويج وهذا من أبسط حقوقها

المباراة
سارت بخيرها وشرها
ما أود التنبيه إليه هي عدم استباق الحكم على خالد عزيز حتى نعرف ما دوافعه
كما فعل زيدان في كأس العالم 2006

الشيء الأخر أرى أن مدرب الهلال هو سامي الجابر
فهو المقرب من اللاعبين وكم التقطته كامرات الملعب وهو يوجه ويتأثر
حتى وهو إداري يعتصر قلبه ألما

بطولتنا الغالية والتي تسوى الف بطولة هو ( عبدالرحمن بن مساعد )
الجميع شاهد طوال المباراه وذكر الله أنيسه

الله يعوضنا خير وهذا هو الحال الكوره يوم لك ويوم عليك

اتنمى ان نلتفت للمرحلة المقبلة وبإذن الله الكأس لنا
اللاعبين والادارة بحاجه لوقفة جماهير الزعيم
فالذي حصل لنا هذا الموسم ليس بقليل

انا اقول ياريت الادارة تفاوض كماتشو والله اللاعب ذا يعشق الهلال لكن محمد بن فيصل الله يهديه

الخلاصة الدوري راح ولازم نركز على الاسيوية وبس

يعافيكم ربي ...

أولاً أحب ابارك لأشقانا الاتحاديين واقول هاردلك لإخواني الهلاليين وهذا حال الكوره ...


اما بالنسبة للمباراة :ـ من وجهة نظري المتواضعه أتوقع عدم استقرار زعيمنا الغالي هو السبب الرئيسي وأيضاً ظروووف المباراة حيث أن الزعيم لعب ثلاث مباريات في ظرف اسبوع واح فقط وجميع مبارياته لعبها بالصف الاول ولم يلعب اي مباراة بالرديف او بالصف الثاني لأهمية كل المبارات وأيضاً معظم لاعبينا كانوا مع المنتخب .. أي بمعنى بأن الشهر الماضي كان مرهق جدً للاعبي الهلال وخصوصاً الدوليين ..

لكن

هذا لا يقلل من استحقاق الاتحاد للقب فهو الأفضل بكل أمانه من جميع النواحي سواء أسقرار فني أو إداري أو من ناحية طاقات وعطاء الاعبين ايضاً..

ولا أود ان اعلق اللوم على اي لاعب في الكتيبه الزرقاء فالجميع يتحمل الخسارة كما يسعدنا بالفوز ..


و أتمنى من جميع الاخوان الاعضاء عدم التعرض بالانتقاد وتحميل الخسارة لي واحد من الاعبين بعينه.. لأنه ليس الوقت المناسب للوم والانتقاد فلاعبينا ما زال لديهم استحقاقات اخرى سواء محليه او اسيويه ونطمح لتحقيقها ..

لذلك النقد والاقتراحات اتمنى ان تكون في نهاية الموسم الرياضي ...



وبالتوفيق للزعيم ولكل من يقف خلفه ويسانده ...

المباراة بشكل عام من اسواء مباريات الفريقين رغم افضلية الاتحاد طوال مجريات المباراة والتي منحته نتيجة المباراة بفضل ذكاء الهزازي وابو شروان و الهلال لم يظهر بالشكل المطلوب وخاصة من نجوم نعوول عليهم الكثير وقد قصم خالد عزيز ظهر الهلال بالكرت الاحمر وهو كرت احمر مستحق وهنا يجب ان نضع اكثر من علامة استفهام حول تصرف لاعب دولي صاحب خبرة كبيرة : هوساوي ورادوي والفريدي افضل نجوم الهلال والبقيه لم يقدما اي شي يذكر ولكن اتمني ان ينسي نجوم الهلال هذه المباراة وان يفكرون بالاسيوية التي هي الاهم

الحمد لله على كل حال ..
ويستاهل الاتحاد وحظ اوفر للهلال ..

هذي الكوره فوز وخساره .. والزعيم ما قصر وصل لنهائي رغم كل الصعوبات اللى واجها ..

بس العتب هنا على عزيز الله يهديه ما كان له لازم هي الحركه اللى ما تجي من لاعب دولي وفي مباره كان الهلال في امس الحاجه له ..
طارق التايب بصراحه اليوم رفع الضغط يعني كان شوي مستهتر وبطئ في التمريرات وفاضي للفنيات في وقت احنا محتاجين الهدف .. ورغم هذا يبقى التايب لاعب له مهاراته ووجوده في الملعب بس نتمنى يراجع نفسه شوي ..
نامي .. كثرت غلطاته ويضهر عليه عدم التركيز والارتباك ..
ياسر .. ما قصر تسبب في ضربة الجزاء رغم انه مصاب وواضحه عليه الاصابه وكان مراقب مراقبه لصيقه من لاعبين .. وما نلومك انت لوحدك في المقدمه مع مدافعين الاتحاد وكان ودنا انه حسمها اليوم لاكن قدر الله وما شاء فعل ..

لاكن يبقى الزعيم كبير حتى في خسارته .. والعوض ان شاء الله الله في اسياء وفي كاس الملك ..
وتبقى البطوله الكبرى المتجسده في شخص رئيس النادي عبدالرحمن بن مساعد الذي وجوده في رئاسة النادي بطوله لا تعوض بجميع البطولات .. ونقول له لا بأس ولا يضيق صدرك احنا مع الهلال لو صار ما صار وهذي كبوت جواد بينهض ويحقق البطولات ..

الحمد لله اولأ واخيرأ ..

صراحه سبب خسارة فريق الهلال بعد الله سبحانه وتعالى

ثم العب الاتحاد بفرصتين وطرد عزيز المبكر

نقاط حول الاعبين................


1_الدعيع<<لاتعليق لولا الله ثم هو كان علوم لاعب كبير

2_الهوساوي <مدافع ممتاز

3_المرشدي <ليتك معاد تلعب والله المفرج احسن منك بس كنك اليوم اشو من غيرها من المباريات

4_نامي <بسئلك وشلون جالس تتفرج على الهدف الاول بدون ماتضايق الاعب
3_الزوري ماقصرت


لاعبين الهلال الاجانب هامسون وردوي ماقصرو
سول مدري وش فيه لاعب المباريات الاخيره ممتاز اليوم زفت

التايب بداء يبان عليه الارهاق او الكبر تغير مره بعد مجاو الاجانب الجدد عكس العام مافيه الاهو

ياسر ماقصر

العنبر ليته من البدايه لاعب بدال التايب وسول مكان التايب

عبدالرحمن بن مساعد <<<<<<<<<<<<<<<<<<<<<<<<ودي فزنا عشانك


الله يعوض لنا بملك والاسيويه يارب عشان

رئيسنا

بسم الله الرحمن الرحيم

الحمدلله على كل حال ومبروك للاتحاد فريق قوي ويستاهل ومثل ماتوقعت في الحوار المفتوح قبل المباراة أن الاتحاد راح يبدأ مهاجم حتى يسجل هدف مبكر وهذا اللي صار مع الاسف سجلوا وصاروا أكثر هدوء وتركيز وزاد الظغط على نجومنا وحصل الطرد

طرد عزيز كان نقطة قوة للاتحاد واستفاد منها نور ولاول مرة أشاهد نور يلعب براحة امام الهلال .. المباراة سارت بشكل صحيح جميل بالنسبة لنا بعد الطرد لانه ماجاء هدف ثاني في الشوط الاول .. في الشوط الثاني بدأنا بشكل رائع وكان واضح رغبة اللاعبيين في الفوز وكسبنا ضربة جزاء وبعدها كنا مؤهلين لتسجيل الثاني وكان فيه فراغات كبيرة في دفاع الاتحاد ماستغليناها بشكل صحيح بسبب التسرع ..
كنت أتمنى من المدرب أن لا يلعب بهذا الاندفاع مع بداية الشوط الثاني أو أنه بعد ان سجلنا التعادل مباشرة كان عليه أنه يوقف اندفاع الفريق للهجوم ويضيف مهاجم ثاني .. واذا استمر التعادل يكون الاندفاع في أخر عشر دقائق
ولكن لا يلام المدرب قضى فترة قصيرة ماتعرف على امكانات نجومنا بشكل كامل

في النهاية الاستقرار الفني هو سر انتصار الاتحاد .. وبالتوفيق للهلال يظل بطل وكبير

في حوار قبل المباراة توقعها هلالية 2-1 بس انقلبت علينا.. ماعادنيب متوقع

المحور الاول
ماهي رؤيتك الخاصة عن المباراة (( مساحة حره للعضو )) ؟

اولآ : بسم الله الرحمن الرحيـم
والحمدلله على كل حال , في الانتصار او الهزيــمه
وبعد

الحقيـقه المباراه ابدع فيها فريق الاتحاد كثـيرا والهلال قليـلآ نوعا ما
لكن الهلال مايلام بسبب عدم الاستقرار والضغط الحاصل عليـه

لكن لاعبـين الهلال ماقصروا الحقيـقه
وهنا وصـف لأداء للاعبـين المشاركيـن

الدعيـع : ماقصـرت يالغالي بس عابَك انك ماتطلع كثـير من مرماك الا بعد الهدف الاول . بس والله ماقصـرت وكفو ياليـدر
هوساوي : ابي بس اعـرف كيف اعبـر عن اعجابي فيك وبمستواك , الله يعطيك العافيه وبيـض الله وجهـَك
المرشدي: والله اليوم نقول عن مستواك { يعنـي } ,, بصـراحه مستواك هابط , بس عادة الكبار انهم يرجعون لنا بأدائهـم يالغالي
نامي: صـراحه كنت سـبب بالهدف الاول , وكانت اغلب الهجمات من جهتَك وكنت مصدر هجوم بالنسـبه للأتحاد لسهوله العبور منك والتقدم بالهجمه
الزوري: ماقصـرت بالشـوط الاول والله , اما الشـوط الثاني والله انخـفض مستواك بشـَكل غريب .؟؟
خالد عزيز : الله يسامحك والله ضيـعت مجهود موسم كامل علشآن ترضي مزاجك , طيب ياخي ضربته وش استفدت ؟ الاخلاق اهم من اللعب ,. والله ذا الموسم ضيعت مننا بطوله كاس الاميـر فيصل والدوري
رادوي: ياخي والله انك تلعب بروح اكثـر من ابناء النادي . مجهود منك جبار , صناعه لعب , قطع كور , تغطيه خانه المدافعيـن . والله انك ضربه معلم
ويلهامسون: اليوم مو بيومك , بس واضح انك كنت بلحالك بالوسط وبدون مساعده
سيول: توقعتك انت اللي بتدبع . بس والله ماقصـرت تستلم وتسـلم بشكل جيد نوعآ ما
الفريدي: يالبى قلبك والله انك اليوم مبدع وان مكانك مو في دكه الاحتياط
ياسر: واضح انك كنت تلعب بروح كبيـره بس الاصابه اثـرت عليـَك ,
العنبر: كنت تقدر تادي اكثـر من هالمستوى بس للأسـف ماسويت اللي يفيدنا
الصويلح: انا كنت معجب فيه ووالله , بس احس ان دخولك هالمباراه غلطه؟؟
ليكـنز: صراحه لاتكتيك ولا لعب ولاترابط في الوسط ولا تنظيـم بالدفاع

لكن نقول مبروك للأتحاد اللي يستاهل الفوز بكل جداره , وهارد لك للهلال اللي لعب بكل عزيمه واصرار
وان شاء الله نعوض في البطولات الجايـه , والله يكتب اللي فيه الخيـر للهلال