|
" الله اقوى يانصيبي ! وانا وش بيدي ؟!! " و " ياسلامي عليكم يالهلالية " !!! أحبة المملكة : لسان حال ( سمو رئيس الهلال ) حفظه الله يقول : ونحن نردد خلفه : الله اقوى يانصيبي وانا وش بيدي ! === كلما عَدّلْت واحد يميل الثاني !! فقد عانى وعانينا معه كثيراً من الظروف العصيبة المتسارعة التي مرت بزعيمنا !! منها : طرد المدرب الأساسي ! ومراثون البحث عن مدرب بديل في أحلك الأوقات ! مؤامرات لإضعاف الهلال ! إصابة عدد من نجوم الفريق المؤثرين !! وآخرهم ( القناص ) تعرض والد سمو الرئيس ( الأمير مساعد ) لعارض صحي شفاه الله وسفر نائب الرئيس سمو الأمير نواف بن سعد مع ابنه الأمير سعد في رحلة علاجيه ! كل هذه أمور تمثل هموماً كالجبال لايتحملها سوى الرجال أمثال الأمير عبدالرحمن بن مساعد ! ومن هنا لا يسعنا سوى أن نقول ( العوض في بطولة آسيا ) يا شبيه الريح ! إن شاء الله تعالى ! سيبقى الزعيم زعيماً بينه وبين الآخرين مسافات ومسافات وستزيد ! نعم نظرتنا فوق ! لآسيا !! وزعامتها ! فعلى الهلاليين وأولهم اللاعبين التفكير من الآن في آسيا . كما عليهم أن يستفيدوا من كل مباراة لعبوها وكل خطأ ارتكبوه بقصد او بدون قصد ! وعليهم مراجعة ذواتهم ومحاسبتها ! رغم أنهم لم يقصروا وتحاملوا على أوجاعهم وظروفهم ! حاولوا بكل قوة . ولكن قدر الله وما شاء فعل و ( ياسلامي عليكم .. يالهلالية ) === صيتكم في الملاعب فن وامجادي ناركم في الزعــامة .. دايمٍ حَيّه === لو خسرتوا بطولة .. عندنا عادي !! s13s |
الحمدلله على كل حالدوري وبفكر بالأسيوية مافي فريق بالدنيا مايخسر بطولات وأحنا مع الهلال بالحلوة والمرة بننسى الدوري وبفكر بالأسيوية ومبروك للأتحاديين وتقبلي تحياتي أختي الزعيمة |
موضوع جميل جداً,, الف مبروك للعميـــد وحظ أوفر للزعـــــيم.. آسيا بإنتظارك ياهــــلال |
قولوها بعد بطولة.. واستانسوا |
معاك حق الاسيوية اهم من كل شي واللي تعرضنا له في الموسم شي لايحتمل لاكن كل هذا في جهه واللي صار في المباراة لحالة لازم مانغفل البرود في بعض الاعبين وحماقة عزيز لاني عندي ثقة في فريقي بأنه رغم كل الظروف اللي ذكرتيها كان قادر على الدوري والاتحاد مهب الفريق المستحيل بالعكس ميتواه قريب من الهلال لاكن حنا نحترق برى الملعب وغيرنا (((( واولهم عزيز )))) ماهمه شي ويلعب ببرود وحماقة هذا اللي مايسكت عنه واتمنى من ابو فيصل معاقبة عزيز اشد عقاب وشكرا |
الحمد لله على كل حال وازعيم اليوم شرفنا وكنا قريبين جدا من الفوز لكن الظروف فوق كل شي ... والله يعطيك العافيه على التفائل الذي أجده في محله |
الحمدلله على كل حال لاعبين الهلال ما قصروا رغم النقص والضغوط اللي واجهه الفريق.. ربي ما كتب الفوز لنا !! |
يا حبي لك يالمملكة دائماً مبدعة ربي يحفظك :) |
الحمدلله على كل حال ومبروك للاتحاد وبصراحة يستاهل الاعبين نازلين المباراة بدون تهيئة نفسيه والسبب معروف ولابد من ارجاع عادل البطي مديرا للكرة واستبعاد سامي الجابر خالد عزيز لازم يعاقب بخصم من راتبه نامي من بعد مباراة ايران صدق نفسه افضل محور ترى الوصول للقمة مايجي بيوم وليلة التايب والفلفسة والزائدة عرفنا ان عندك مهارات لكن في هالوقت ماتنفع لاننا بحسم مو استعراض ياجماعة ليه زعلانيين على الشلهوب ما يلعبونه الفريق سئ للغاية عدا هوساوي بصراحة بعد هالمباراة قررت الشلة بقيادة ابونورة عدم حضور اي مباراة قادمة لحين تحسن الوضع ولاتفكرون في كاس ملك وبطولة اسيا بالاعبين السيئين هذول والحمدلله على كل حال "الفريق يحتاج الى ادارة صارمة وللاسف لاتوجد الان" تعبان وعشان عيون الزعيم حضرت في هالغبار لكن لا حياة لمن تنادي |
شكرا يا مملكتنا والحمدلله على كل حال هالموسم كان صعب جدا على هلالنا بدايه من ايقاف طارق التايب ومن ثم فضايح التحكيم التي حصلت ضد الهلال ومشاكل كوزمن وووووو ومع هذا كله استطاع هلالنا الوصول الى ابعد نقطه والمنافسه ولكن الله عزوجل ما كتب لنا هالبطوله وان شاء الله يارب تكون خيره لنا والله يعوضنا بالافضل ان شاء الله :) كل الشكر يا مملكه الهلال |
| الوقت المعتمد في المنتدى بتوقيت جرينتش +3.
الوقت الان » 01:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd