بصراحة ما كنت متفائل بالفوز من قبل المباراة، والمعطيات تدل على هالشيء:

- الظروف اللي مر بها النادي
- منذ بداية الموسم (يعني مع وجود كوزمن) وحنا نلعب بخطة عقيمة، تخلينا نعاني حتى مع أضعف الأندية
- اللعب بمهاجم واحد سذاجة، خصوصاً في هذه المرحلة الحاسمة، علماً أن مهاجمك الوحيد شبه مصاب

بخصوص اللعيبة:

الدعيع: ما قصرت، أديت اللي عليك وأنقذتنا من أكثر من كرة محققة
نامي: ما ألومك، ولكن أثق بقدرتك على تلافي أخطائك مستقبلاً
أسامة: غير!
المرشدي: تدهور مستواك!
الزوري: ما كنت في يومك
رادوي: أتوقع منك الأفضل، ولكن كورتك اللي حطيتها على يسار الحارس تدل على عبقريتك!
عزيز: حركة ما لأمها داعي!
ويلهامسن: آخ، كنت من اللي حاربوك أول ما جيت، لكن ما فيه مثلك!
التايب: للأسف، الكثير مخدوعين فيك، وشتان بين التايب اللي قدام الوحدة الإماراتي دخل وترك الفلسفة وسجل، وبين تايب اللي ينتظر التصفيق!
سول: ما توقعت منك الكثير، وبالتأكيد ما توقعت منك تحسمها، ولكن كنت من أبرز اللاعبين هذه المباراة ولو أن رفعاتك اليوم لك عليها
ياسر: تمر بك الأبطال كلمى هزيمة *** ووجهك وضاح وثغرك باسم
الفريدي: أنا مع اللي يقول أن يبيلك وقت عشان تنضج، وعندها بتصير أسطورة، لكن للحق، الفرق بينك وبين التايب شغلة: أنت إذا عديت ما ترجع للخصم عشان تعدي منه مرة ثانية!
العنبر: قتلوك برغبتهم باللعب بمهاجم واحد!
الصويلح: مادري ليه ما يدخلونك إلا إذا أعيتهم الحيلة!

وهارد لك لجميع الزعماء، ومبروك للإتي، وكان عندي إحساس أنهم إن سجلوا فبتكون براس هزازي ... بصراحة أثبت نفسه كأبرز مهاجم سعودي في الدوري في الفترة الأخيرة.

مبروك للأتحاد حنا الي نصبناه لدرع الدوري وبالنسبة للاعبين نامي ضيعنا وارجعو

للمباريات الاخيره وتشوفون كيف كان نقطة ضعف واجانبنا اتمنى الموسم الجاي

يكونو افضل من هاالموسم بوجود تياقو نيفيز ورادوي واتمنى فريد البرازيلي الان

يلعب مع تياقو نيفيز بنفس الفريق وظهير ايمن اسيوي بدل نامي الي ضيعنا اليوم

اظن انك ماشفت المباراة ؟؟

رادوي الافضل اليوم ولا يقارن به احد بس عزيز وهقه بالكرت اللي ماله داعي..

ويلي ماقصر داخ يراكض ماشالله عليه التايب out of service مايدري انه يلعب نهائي ؟؟ كويس انه طلعة المدرب ونزل شلوى الفريدي ..

اليوم الكل ماقصر بس الجاهزية التامة للاتحاد وكرت عزيز هزمتنا

إقتباس الرسالة الأصلية كتبت بواسطة شااايع اظن انك ماشفت المباراة ؟؟ رادوي الافضل اليوم ولا يقارن به احد بس عزيز وهقه بالكرت اللي ماله داعي.. ويلي ماقصر داخ يراكض ماشالله عليه التايب out of service مايدري انه يلعب نهائي ؟؟ كويس انه طلعة المدرب ونزل شلوى الفريدي .. اليوم الكل ماقصر بس الجاهزية التامة للاتحاد وكرت عزيز هزمتنا

يالغالي من قبل طرد عزيز اول ثلث ساعه شكل المباراه ماكان يوحي انها هلاليه حتى الهدف جاء قبل الطرد وجاء الطرد فزاد الطين به

رادوي لديه اكثر مما شاهدت واتفق معك نستطيع الصبر على مثله

تحيتي

..

ياخوان مافي سب

ولانرضى بالسب

واشكر الجميع على ماكتبوا

ووجدت المنتديات لمثل هذا كي تكون متنفس للجماهير بدون قدح او سب

بس بس بس

في الفم ماء

وش بنسوي امام هالبرود ومهاجم واحد

الحمدلله اولاً واخراً

التائب يحفر قبره بيده الله يهديه ..

سيول من اول اقولكم ماينفع ولازلت اقولها ..

الف مبـــــــــــــــروووك


للاتـــحاد


وبتوفيق لزعيم في البطولات القادمه

الحمد لله على كل حال.

لا حول ولاقوة الا بالله..

قدر الله وماشاء فعل...

اللهم وفق الزعيم وانصره يارب العرش العظيييم..

مبروك للاتحاد الفوز.

لاتقول الاعبين الاجانب ماقدمو مستوا

بالنسبه للتايب ماتقدر تحكم عليه مالعب الا ربع ساعه

وجاك اخونا فالله عزيز وحااااق المبارات كلها

ويلي ورادوي افضل من لعب والله ماقصروا

وارجع واقول مبروك للاتحاد

لو ابن مساعد يخلي المثالية على جنب ويتصرف بالمثل مع حقين الإتحاد السعودي ...


لو محمد بن فيصل رئيس النادي كان شفت الملعب فللل وشفت اللاعبين يحرثون الملعب حرث ..
ماعنده لعب يقرص آذاني اللاعبين ..

ولا خالد عزيز هذي حركة لاعب محترف وخبرة يسويها بمباراة نهائية ... نعنبو بليسك منتب متكي بحوش بيتكم وتعلب لحالك ..
هنا الجمهور حاضرين 21 مباراة نساند فريقنا وحاضرين اليوم من صلاة الظهر وأنت ترفس تحت الحزام ....

ولا التائب الي مدري ليش مستواه نازل ..!!! يعني ما تبي تلعب تبي تستعرض استعرض بالتمارين ماعندك شئ تعطيه لفريقنا قلنا ونطبب بدالك الفريدي من بداية المباراة ..

وأتمنى منكم ياجمهورنا الفاضل أنكم تخلون التبعية والإمعية عنكم شوي ..

الفريدي مستقبل الهلال وبببس ..
من المباراة الجاية أساسي ... قسم بالله أنه اليوم أكثر واحد لعب بالفريق ..
ولا أبخس حق رادوي وهوساوي ..

ياسر القحطاني تكفى إذا أنت مصاب والله ما نلومك لا تركض قسم بالله معذور بس وينك اليوم تآملنا أنك ترجع وتهدف ..


بإذن الله نتحصل على الآسيوية ... هي الأغلى ..
ملاحظة :\ حضوري للملعب من الساعة 1 الظهر إن شاء الله ما راح بلاااش .... إن ضشاء الله بن مساعد يقرص آذاني اللاعبين ويآدبهم ويحسون بالفريق الي يلعبون له ..

إقتباس الرسالة الأصلية كتبت بواسطة استثنائي لو ابن مساعد يخلي المثالية على جنب ويتصرف بالمثل مع حقين الإتحاد السعودي ... لو محمد بن فيصل رئيس النادي كان شفت الملعب فللل وشفت اللاعبين يحرثون الملعب حرث .. ماعنده لعب يقرص آذاني اللاعبين .. ولا خالد عزيز هذي حركة لاعب محترف وخبرة يسويها بمباراة نهائية ... نعنبو بليسك منتب متكي بحوش بيتكم وتعلب لحالك .. هنا الجمهور حاضرين 21 مباراة نساند فريقنا وحاضرين اليوم من صلاة الظهر وأنت ترفس تحت الحزام .... ولا التائب الي مدري ليش مستواه نازل ..!!! يعني ما تبي تلعب تبي تستعرض استعرض بالتمارين ماعندك شئ تعطيه لفريقنا قلنا ونطبب بدالك الفريدي من بداية المباراة .. وأتمنى منكم ياجمهورنا الفاضل أنكم تخلون التبعية والإمعية عنكم شوي .. الفريدي مستقبل الهلال وبببس .. من المباراة الجاية أساسي ... قسم بالله أنه اليوم أكثر واحد لعب بالفريق .. ولا أبخس حق رادوي وهوساوي .. ياسر القحطاني تكفى إذا أنت مصاب والله ما نلومك لا تركض قسم بالله معذور بس وينك اليوم تآملنا أنك ترجع وتهدف .. بإذن الله نتحصل على الآسيوية ... هي الأغلى .. ملاحظة :\ حضوري للملعب من الساعة 1 الظهر إن شاء الله ما راح بلاااش .... إن ضشاء الله بن مساعد يقرص آذاني اللاعبين ويآدبهم ويحسون بالفريق الي يلعبون له ..

مقدر معاناتك الله يوفقك يالغالي

شبيه الريح حرام يصير فيه اللي صار بس ان شاء الله تتعوض بغيرها ونهديها له

والله يالغلا اخوك لهاللحظه مانام وماله خلق شي الهزيمه وارده بس حنا هزمنا نفوسنا بنفوسنا

الحمدلله

يـــاســــر غيــــر انه مصــــــــاب م اللي بيعطيـــه كووورررر

وسط اليـــوم خـــرخــــر ورادوي برضو خرخريـــن

ولا ننســـا نامـــي نجيــب أبو شروااان ويعطيه أحـــلى قبـعة ويظفة للمدينــة

و برضو التايـــب يشوتــــه معه وســــول

اخوي سعد حنا او اغلبنا مو راضي عن المستوى الفني للاعبين ولا عن المستوى الفني للمجموعه .!
ما سألت نفسك ليه المستوى نازل في اخر مباريات للفريق الهلالي ..؟


اعتقد الجواب واضح ومعروف وهو اقالة كوزمين في وقت حرج جدا جدا ..
اتمنى ان يعمل رجال الهلال على ارجاع كوزمين للتأهل للدور الثاني في دوري ابطال اسيا
ولتحقيق كاس الملك للابطال
والا انهم يفكرون بالسنه الجايه ولا يطالبون اللاعبين بشيء بقية هذا الموسم .!!

إقتباس الرسالة الأصلية كتبت بواسطة abdulaziz54 اخوي سعد حنا او اغلبنا مو راضي عن المستوى الفني للاعبين ولا عن المستوى الفني للمجموعه .! ما سألت نفسك ليه المستوى نازل في اخر مباريات للفريق الهلالي ..؟ اعتقد الجواب واضح ومعروف وهو اقالة كوزمين في وقت حرج جدا جدا .. اتمنى ان يعمل رجال الهلال على ارجاع كوزمين للتأهل للدور الثاني في دوري ابطال اسيا ولتحقيق كاس الملك للابطال والا انهم يفكرون بالسنه الجايه ولا يطالبون اللاعبين بشيء بقية هذا الموسم .!!

هلا اخوي

طيب ووين دور اللاعبين؟؟

ياخي ع الاقل نبي حماس لعيبه الاتحاد

واذا المدرب مو كفو فالفلوس طايره هنا وهناك شوفوا لنا افضل منه

تحيتي لك

إقتباس ولا مرة عدا بالصقري

بعد الهدف الهلالي سحب 3 من لاعبين الاتحاد .!!
وكان بيجيب هدف بذكاء من فوق الحارس .!!