|
هل يصدق ذلك العجوز اللي قابلته في الملعب [gl]بسم الله الرحمن الرحيم [/gl] اعزائي الاعضاء مرحبا فيكم الله يحيكم ..... ...... بلا مقدمات اثناء مباراتنا المأساوية كنت اجلس في الدرجة الاولى بعيدا عن الضجيج والازعاج لاشاهد الفوز الكاذب الذي خدعنا به وبالصدفة اذا بجانبي ذلك الرجل العجوز الذي كان اتيا ليؤازرالهلال الذي خيب الظن ... الاهم من ذلك وقبل المبارة بساعة ..... دار بيني وبينه حديث طويل عريض لعلي الخثه لكم في تلك السطوووور ... **** سبب الحوار الذي دار بيني وبينه ((عشان ماتقولون ذاب وجهي)) قبل المبارة بحوالي ساعة كان ماتورانا قريب من حيث وجودي فاشرت اليه بكل حماس وقلت باعلى صوتي: ماتورانا o.k فاشرلي بيديه قود فيري قود فبدا العجوز الاشهب بالحديث تعالوا شوفوا وش اللي دار وصار مين .. (((( قالي يارجال لاتصيح يقولهابكل ثقة ... قلت : ليه ياعمي خلنا نشد من الازر ))) (( قمت من كرسيي وشفت في عيونه الغضب والحزن في نفس الوقت وقالي اقولك ليش انا قلتلك لاتصيح لانك ماتصيح على سنع قلت ليه ياعمي ... (( قالي : لان المدرب ماخذا راحته عليه ضغوووط من كل جهة لعب فلان ولعب فلاان ,, ويوم جا للجمعاان قاله انت احتياط الجمعان يقول في البداية كعادته اقتنع .. لكن احد اعضاء الشرف لزم انه يلعب اساسي ويوم شاف ان وراه ظهر قام يتدلع )) طيب قلتله ياعم وش عرفك بهالامور ؟؟ قاللي : افا ياولدي قلت: لاتروح بعيد ياعمي .. قال : لااعتبرك مثل اعيالي لكن انا ياولدي احضر للنادي بشكل متواصل من عام 77!!!!! تصدقون يقولي كان اسمه الاولمبي ... ويقولي التحقت فيه لمدة عامين وكنا صخرة في الدفاااع هو وعدلي بعض الاسماء اللي والله نسيتها .... المهم بعد حديث طويل دار بيني وبينه (( وضخ انه ماهو راضي على اللي يدور داخل اورقة الناادي ... وكان مشدد على الغليقة والمسعد ...... ويقول هم السبب في ضياع ابو اثنين والتيماااوي ,,,, ويقولي رحت للامير هذلول وشكيتله الحااال .... لكن يقول الامير يقول بيرجع والله يعين وسالته عن اسمه قالي خلنا نخلص حديثنا بعدن ابشر باللي تبيه قلتله: سم .... قالي ماسمعت باللي اسس ملاعب النسيم ... قلتله لاوالله ... قالي انا واسمي العبدلي واسال عني ..... اها اها ذكرت قلتله بس اسمعبه قالي انا اللي جبت الحيائي وعيد العنزي وعدلي بعض الاسماء لكن ماربي كتب لهم قسمة طيبة في النادي وجبت ناس ثانين لاندية ثانية سالته مثل مين : قالي لعيبة الشباب (( الرزقااان والحاارثي والعنزي ))) *** تخيلوا ياجماعة من عام 77 يقول من يوم كان عمري 17 ومافاته ولا تدريبات ولاممباريات ... (((((((((( وين الادارة واعضاء الشرف عن هذا العجوووووز )) قلتله ودي اخاذلك صور اوديها للمنتدى قالي وش الننتدى هههه قلتله شبكة في الكمبيوتر تحكي عن الهلال .. قالي اي تكفى ياولدي .. خلهم يشوفون لي صرفة وحل .... والله كان مواعدني يبي اخذ تلفونه لكن الهزيمة اثرت فيني وطلعت ونسيت عمي الشايب ... وانا اناشد الامير الطيب الغالي اللي كرمه يمتد للضعوف ((( بندر بن ثامر)))) يساعد هالمسكين ويشوفله حل وعلى الاقل يكرم ... وشاكر لكم وش رايكم في اللي قاله الشايب اللي قارب الستين من عمره ... |
ياجماعة تصدقون بالله ان هالعجوز ماهو غريب علي كني قد شفته نسيت اقولكم (( ترا يقول قد صار معي خوار بسيط في الياضية ))) للتذكير |
الله يعطيك العافية على نقل هذا الحوار المفيد بس من هو هذا العجوز |
مشكووور والله ماتقصر انا اقرأالحوووار كأني معكم في الملعب اسمعه وصف دقيق تسلم والله تحياتي |
هذاك هو الجيل الطيب اللي يرفع الراس ونفتخر فيه مو جيل النيدو هذا اللي عندنا وينكس الراس (صدق انه مو دايم ) بس مقارنه بالجيل الاولي ينكس الراس ونص |
سلمت اخوي سامي عبدالله لنا على المقال الجميل .... اما الشايب صاحبك فترى اشكاله واجد والغيورين على النادي اكثر لكن وين اللي يقدر هالشعبيه والاخلاص للنادي |
اخوي الزعيم الابن : مثلي مثلك لااعرفه لكن يقولي انه العبدلي صاحب ملاعب النسيم محامي الزعيم : هذا من طيبك ياجعلك تسلم اســـالحزن ــــير: يارجال مهما كان فيه ناس لسا فيها خير falcon1515: كلامك درر |
شكرن ياخى سامىعبدالله........ على هذا الحور............... وشايب ماكذب!!!!!!!!!!!!!!!!!!!!!!!!!!!!!!! وشكرن عاشق دكتور الفان والفلفسه/ابويعقوب |
هذا هلالي اصيل ولازم يكون له يد في النادي |
هذا هو اخلاص الجماهير......... الحين الجماهير اذا انهزم الفريق الى شجعه قال ماعد بحضر مباره ثاني مره................ |
اعزائي الثلاثة : النمر الازرق : شكرا على الاطراء ولكن احد قال انه كذب ..!! هلالي الرياض : انا قلت نفس كلامك ... قلبي الزعيم : اي بالله صدقت جمهور الاولين مهب زي جمهور التالين .. واله يكتب اللي فيه الخير |
يبيلنا حوارات مع هالشخص عبر المنتدى وعبر الجرايد ايضا لانه بصراحه جوهره لازم نستفيد منها وشكرا اخوي سامي عبدالله |
هلا نصف الارض كلامك سليم وفعلا يستفااااد منه وبشكل كبير ايضا وانا متاكد انه يملك حقائق لايعلمها احد سواه |
واللة قصة حلوة وشكرا لك... |
يا رجال .......... بعض بزران اليوم يحلل كل الاحداث التي يهتم بها والجمعان معروف انه مدعوم من قبل خالد بن الوليد وخالد وراه ابوه وملايينه ... والرياضة بصفة عامة عندنا كلها تدخلات في عمل المدربين واللي يدفع اكثر يفرض رآيه كلامي صحيح والا فيه ؟ وسلامتكم |
| الوقت المعتمد في المنتدى بتوقيت جرينتش +3.
الوقت الان » 10:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd