乂 محطات رياضية 乂 - صفحة رقم 6 - نادي الهلال السعودي - شبكة الزعيم

zaeem 10 asia · #76 15/04/2009, 03:05 AM

سُبحآن الله فيه معالم في الموضوع

كنت تتكلم عن التشجيع وتحولت لـ صالح كآمل
وأشترآك ART غالي وعلى قلت سنع والمصيبة أبطال أوروبا بتروح لـ الجزيرة أبو 200 ريال وأذا أنتها الموسم بـ 100 ريال

والمصيبة شوتايم تشوف الدوري الأنجليزي أطلق من أبطال أوروبا وأحمس منه

على فكرة أحمس يعني حمآس

على طاري الحشرة التشجيع أخوي غاب بعد المباراة خايف ينحشر

بس بإذن الله يحشرهم بعدين

Hictar · #77 15/04/2009, 07:58 AM

إقتباس

الرسالة الأصلية كتبت بواسطة هامور البورصه


	بـس انا اشوف ان كلام الاخ الرشيدي صحيح مع انه الله يهديه انبرش عليك ولوهو وصل الفكرة صح كان أفضل انا هينا بالمجلس نستفيد ونفيد <-- ونمبسط ياليت نبتعد عن القبايل والسب وفيه شرط من شروط المنتدى يمنع الاشياء هذي [/right]

أولاً :
يا طارق أنا لي سنتين بالمنتدى ( يمكن أول مره أكتب مثل الكلمات هذي )
لما يحترم الناس - راح أحترمه وأبين له وش المقصد!!.
لكن أسلوب ( أعضاء منتدى الجمهور الهلالي ) لا ينقله هنا!!.
ثانياً:
أنا إنسان ما أهتم ( للقبايل ).
أنا أحترم الشخص ( لشخصه ) فقط ، مو علشان قبيلته!!.
إذا وقف قدام ربه يوم القيامة ( والله ما راح تفيده قبيلته ولا أبوه ولا أمه )!!.
متى ما آمن مجتمعنا بما كتبته باللون الأحمر إنه حق ، راح يغيرون كثير من أفكارهم المتخلفة.

المحبره · #78 15/04/2009, 08:13 AM

إقتباس


	رد المحبره الي دعت لي وتحسفت

هامور .. ترى أمزح ماتحسفت

<< أنبني ضميري

الله يوفقك

إقتباس


	إنت جيت وإلا الهواء جابك !!. الله يحرم يديه من النار اللي سحب القرعة وحطكم قبالنا

وش هالتوقيع ؟

ياشين لونهم سبحان الله !!

عاد تصدق !
كنت أتمنى إن أول دور يكون معهم .. أحس ودي أنتقم منهم بعد مصايب راعي يحلمون !
بس يوم دخلت الجمهور و إلاهم ضايقة صدورهم و شايلين هم التخدير و التراخي خفت

بس ماعليه إن شاء الله هلالية

<< كم مرة ردت بهالموضوع ؟

LBa your heart · #79 15/04/2009, 08:40 AM

هلا والله بعبوتتشي هلا بالفشل كله

والله ماعمري اشتركت عند المدعو صالح كامل ال زنوب

لما تشوف اشتراك ب600 لمدة ست شهور وجهازك بـ500 ريال مع اشتراك لمدة 6 شهور بميتين ريال وفيه كل القنوات المشفرة

اكيد كلن بيفكر بالاشتراك الثاني

بس مشكلة الدريم تكون فيه قنوات اباحية صريحة

وفيه قنوات اباحية غير صريحة مثل الشوتايم واوروبت

انا مقفل كل القنوات الاباحية وربي بعد نسيت رقم القفل وزين اني نسيته بس الله يستر من الشيطان لايذكرني بالرقم

لابغيت شي بالدريم قلي .. تراني مدرسة بالدريم واسأل مهند

للمعلومية غزة دريم مو برنامج هذا فريق اسمه غزه دريم هو اللي يعرب الصور حقت الدريم ويسوي حاجات ثانيه

متآبعه بصمت · #80 15/04/2009, 10:02 AM

إقتباس

الرسالة الأصلية كتبت بواسطة هامور البورصه


	ايه والله يا شين الهياط وياشين ثقالة الدم بعد شغاله بكل موضوع تتصيدين على الناس بعدين دريم بوكس عباره عن برامج انا البرنامج الي عندي غزة دريم لما شريته قلت له ابيك تحذف القنوات البايخه قالي ماتقدر تحذفها ولا حتى تقدر تسكرها لما شقت رد المحبره الي دعت لي وتحسفت قلت الي اعرفه والفكرة مبنيه على كلام الرجال الي باعني اياه مواصل معليش ع التدخل مع اني والله ماحب اتلقف واحط نفسي بهالمواقف لكن كلمة حق وحبيت اقولها .. مهوب مثل بعض الناس اتدخل بكل شي <== ترى ماقصد النفسيه متابعه بـس انا اشوف ان كلام الاخ الرشيدي صحيح مع انه الله يهديه انبرش عليك ولوهو وصل الفكرة صح كان أفضل انا هينا بالمجلس نستفيد ونفيد <-- ونمبسط ياليت نبتعد عن القبايل والسب وفيه شرط من شروط المنتدى يمنع الاشياء هذي [/right]

نمبسط = ننبسط

يا كثر أخطائك الإملائيه يالشين

MaRoUaNe · #81 15/04/2009, 10:41 AM

لقيت طريقه لحذف القنوات أسهل من الإغلاق الأبوي بكثير

لأن الإغلاق الأبوي متعب لو أبمسح قنوات كثيره داخل باقة معينه

مثلاً داخل النيسات أبـ مسح قنوات معينه تقريباً 200 قناة وأبي قنوات تكون عاديه عند الأطفال والعائلة الكريمه

<< بطريقه الإغلاق الأبوي متعبه يعني أبمر على 200 قناة أقفلها

<< حتى تقسم القنوات اللي موجوده بالصور برد مواصل مو كل رسيفر مقسمه زي كذا

لكن الحمد لله لقيت طريقه للحذف مثل أي رسيفر عادي

واللي يبي الطريقه يدفع خمس ريال وهناك عرض مجاني لأول 4 طلبات

الدفع عندي والطريقه بالضبط عند مهند عشان يجيبها لكم بالصور

^
^
^
^
^

ماعاش من يتغلى عليكم

قريب إن شاء الله ينزل مهند الطريقه بالصور

صدى الامس · #82 15/04/2009, 10:58 AM

Mr.Marwan ..
ليش مصعب المسألة .. تقدر تسوي لك باقة خاصة .. وتحط فيها كل القنوات اللي تبي الكل يشوفها العائلة والاطفال ..
وباقي الباقات قفلها بالإغلاق الأبوي .. كذا اريح لك ..

إقتباس


	حتى تقسم القنوات اللي موجوده بالصور برد مواصل مو كل رسيفر مقسمه زي كذا

هذا ملف قنوات معين .. وكل ملف يكون مختلف عن الثاني على حسب اللي مصممه ..

وبالنسبة للحذف .. ياخي قسم بالله اطلق شي بالحياة الحذف

..

<< انسان يموت في شي اسمه حذف .. اذا ما لقى شي بالكمبيوتر حول على الدريم واذا خلص منه راح للجوال هههههههههه .. طيب وش رأيك تعطيني جهازك وابشر باللي يحذف لك كل اللي تبيه هههههههههههه

مواصل وش رأيك تغير العنوان لـ محطات دريم بوكسيه

..!؟؟

MaRoUaNe · #83 15/04/2009, 11:49 AM

إقتباس

الرسالة الأصلية كتبت بواسطة صدى الامس


	Mr.Marwan .. ليش مصعب المسألة .. تقدر تسوي لك باقة خاصة .. وتحط فيها كل القنوات اللي تبي الكل يشوفها العائلة والاطفال .. وباقي الباقات قفلها بالإغلاق الأبوي .. كذا اريح لك .. هذا ملف قنوات معين .. وكل ملف يكون مختلف عن الثاني على حسب اللي مصممه .. وبالنسبة للحذف .. ياخي قسم بالله اطلق شي بالحياة الحذف .. << انسان يموت في شي اسمه حذف .. اذا ما لقى شي بالكمبيوتر حول على الدريم واذا خلص منه راح للجوال هههههههههه .. طيب وش رأيك تعطيني جهازك وابشر باللي يحذف لك كل اللي تبيه هههههههههههه مواصل وش رأيك تغير العنوان لـ محطات دريم بوكسيه ..!؟؟

ياحبيلك والله ياصدى ماتقصر

أنا مصعب المسألة لأنك ماشفتني كل أسبوع أقعد أحذف 400 قناة أول ماشريته

أحذف ويرجعن

طبعاً يرجعن لأن الجهاز يحدث تلقائي

والحل بكل بساطه تلغي التحديث التلقائي وتحذف حذف عادي

واللي يعيب الإغلاق الأبوي تقدر ترجع القنوات برقم سري

يعني بكل صراحه أخوي عمره 12 سنه ما أبيه يشوف قنوات الأفلام مثل الشوتايم وغيره

والمشكله إنه بأسبوع يطلع الرقم السري ويطلع القنوات يعني الولد بلشه

لو أحط رقم أبن كلب يطلعه

لو أغيب يومين عن البيت ألقاه فاتح النيسات كله << طبعاً الحمد لله ماعندي إلا نيسات

فالو ألغيت التحديث وحذفت القنوات أتحداه يطلعهن من جديد

وشي جميل إن الموضوع تحول للدريم بوكس عشان العالم تعرف تحذف القنوات الشينه
وللجميع الأجر إن شاء الله

abo_nasser · #84 15/04/2009, 12:39 PM

إقتباس

الرسالة الأصلية كتبت بواسطة مواصل من عام 1413هـ


	أولاً : يا طارق أنا لي سنتين بالمنتدى ( يمكن أول مره أكتب مثل الكلمات هذي ) لما يحترم الناس - راح أحترمه وأبين له وش المقصد!!. لكن أسلوب ( أعضاء منتدى الجمهور الهلالي ) لا ينقله هنا!!. ثانياً: أنا إنسان ما أهتم ( للقبايل ). أنا أحترم الشخص ( لشخصه ) فقط ، مو علشان قبيلته!!. إذا وقف قدام ربه يوم القيامة ( والله ما راح تفيده قبيلته ولا أبوه ولا أمه )!!. متى ما آمن مجتمعنا بما كتبته باللون الأحمر إنه حق ، راح يغيرون كثير من أفكارهم المتخلفة.

هلا وغلا عبدالله..

اوقفني ردك يا اخا العرب..

فيه الكثير اللي ما يهتم للقبايل مثلك وانا منهم...يعني ما ادقق بهالامور..

واللي يحترم شخص او يقلل منه بسبب قبيلته..فهذا مريض والله لا يرده غير مأسوف عليه..

لكن لاني ما اهتم في القبايل ..اقوم اذب عليها..؟؟

هنا اخالفك ..ما فيه احد يرضى الكلام على قبيلته
واللي ما بيحترم قبيلتي اللي انا منها..الله يسامحه لا يحترمني..

بالنسبه للون الاحمر..اتوقع المجتمع اَمن فيه وبقوه...بس الشعب شويتين مهايطي..عطهم جوهم..

بالنسبه لموضوعك...الاعضاء اشبعوه ردود ولا عندي اضافه

لكن هالدريم بوكس..تعبت ادوره بينبع ولا حصلته..

عندي جهاز ما اعرف اسمه

..بس مشكلته يقطع كثير
هل الدريم بوكس يقطع مثله...؟؟

واذا ما يقطع من الكفو اللي يشتري لي من الرياض ويرسله بـ DHL..؟؟
واذا ضبط حولت له القيمه..

سلاااااااااااااااااااااااااااااااااااام

Miho · #85 15/04/2009, 01:22 PM

طريقة حذف القنوات في الدريم بوكس

اتبع الخطوات التالية:

الخطوة الأخيرة مايحتاج تشوف القناة أهم شيء كرر الخطوة مع كل قناة تتحذفها

وإذا انتهيت من حذف القنوات لازم تعيد تشغيل الدريم بوكس علشان يحفظ شغلك

وبتسذا انتهت المحاضرة

الأسئلة والاستفسارات في المحاضرة القادمة

<< لا يكثر بس

ملاحظة: الغاء التحديث التلقائي يعني القنوات الجديدة مايطلعن لك تلقائي لازم تبحث بين كل فترة وفترة.

&فيصل111 · #86 15/04/2009, 02:55 PM

مع احترامي لجميع الاعضاء الا ان تشبيهك بايخ وعيب عليك تقول مثل هالكلام ....

وإذا أتتك مذمتي من ناقص ....فهي شهادة لي بأني كامل

Hictar · #87 15/04/2009, 03:02 PM

شاكر لك من رد ( حتى اللي غلطوا علي )
وأخص بالشكر ( صدى الأمس و مهند )
وياليت يا سالم تفيدنا بأيه معلومات نجهلها
لأني بطلب إقفال الموضوع يوم الجمعه إن شاء الله
الموضوع يكفيه أسبوع

إقتباس

الرسالة الأصلية كتبت بواسطة &فيصل111


	مع احترامي لجميع الاعضاء الا ان تشبيهك بايخ وعيب عليك تقول مثل هالكلام .... وإذا أتتك مذمتي من ناقص ....فهي شهادة لي بأني كامل

برضوه شايف ردك ( وبطنش )

&فيصل111 · #88 15/04/2009, 03:06 PM

لا تكفى لا طنش بنموت من تطنيشك هع هع طير

هامور البورصه · #89 15/04/2009, 05:04 PM

إقتباس

الرسالة الأصلية كتبت بواسطة مواصل من عام 1413هـ


	أولاً : يا طارق أنا لي سنتين بالمنتدى ( يمكن أول مره أكتب مثل الكلمات هذي ) لما يحترم الناس - راح أحترمه وأبين له وش المقصد!!. لكن أسلوب ( أعضاء منتدى الجمهور الهلالي ) لا ينقله هنا!!. ثانياً: أنا إنسان ما أهتم ( للقبايل ). أنا أحترم الشخص ( لشخصه ) فقط ، مو علشان قبيلته!!. إذا وقف قدام ربه يوم القيامة ( والله ما راح تفيده قبيلته ولا أبوه ولا أمه )!!. متى ما آمن مجتمعنا بما كتبته باللون الأحمر إنه حق ، راح يغيرون كثير من أفكارهم المتخلفة.

هلا وغلا حبيب قلبي عبدالله
عبوود انت من الاعضاء الي يعجبني تفكيرهم ويشهد علي الله اني صادق بكلامي
وموضوع انك ماتهتم بالقبايل هذا شي راجع لك أخوي عبدالله وردي يا عبدالله ماكان
عن القبايل انا رديت بعد ماشفت الأخ الرشيدي راد عليك انت بنفسك تقول انك اول مره
تكتب مثل الكلمات هذي الي هي بالرشايده طيب العضو الي رد عليك يمثل الرشايده كلهم ؟
انا مقصدي كله ماكان له داعي تكتب الجمله هذي ومدام انك كتبتها المفروض انك اعتذرت
استاذي عبدالله انا مهوب مقصدي اعلمك وش تقول ووش تكتب

بس هذا رايي وحبيت اقوله وانت حر حبيب قلبي

برايفت لـ عبود عبدالله لا تصدق تراك اوب استاذي :

إقتباس


	نمبسط = ننبسط يا كثر أخطائك الإملائيه يالشين

متابعه اذا بتدققين قسم ان تتعبين بـس عـ الاقل انقص حرف ازود حرف مقبوله
اما اني ارد بموضوع واحد عشرين رد كل رد ثلاث كلمات

وكل رد يقول
ثقالة الدم عندي ثم اروح انتقد الاعضاء على بعض ردوودهم هينا المصيبه

متابعه تراني امزح

لا تاخذينها جد

Hictar · #90 15/04/2009, 06:50 PM

خلوني أعترف لكم بنقطة ضعفي
أنا لو تسبني - تغلط علي ما أهتم.
لكن إذا تبي تستفزني تكلم عن ( القبايل )!!.
أنا ما غلطت على القبيلة ولا وصفتهم بأيه صفه سيئه!!.
والجميع يعرف وش كنت أقصد بالتشبيه.
يعلم الله إني ماسك نفسي علشان ما أكتب رد يمكن أغلط فيه على الجميع.
لكن أتمنى ، أتمنى أيه شخص ما يعقب علي بخصوص ( القبايل )!!.

الجميع ماهم بأعز علي من أبوي لما يناقشني بأمور القبايل ويزعل مني.