乂 محطات رياضية 乂 - صفحة رقم 2 - نادي الهلال السعودي - شبكة الزعيم

عـز الهلال · #1 11/04/2009, 10:55 PM

[ .. و عليكم السلام ورحمه الله وبركآته .. ]

..

مـآشآء الله .. " عبدالله " .. منزل موضوع

الــسآعــه المبآركه و الله ..

.

..

بــ خصوص التشفير ومآ التشفير .. فــ
الله يعين مشتركين آرتي على الدفع الي يدفعونه .!

أعرف شخص .. [ قعيطي ] ..

أشترك في آرتي .. و يبغى يحلل فلوسه .. والله مآفيه دوري مآ يتآبعه

حتى الدوري الأرودني و السوداني

,, و يسولف مع الأجآنب عن دورايتهم

.

..

بس بيني وبينك .. الدريم بوكس .. له مخآطر

لأن فيه قنوآت ابآحيه .,, بشكل خرآفي .!!

يعني وآحد يشتريه .. عشان يتآبع الدوري الإنجليزي مثلاً

و هو يقلب على القنوات .. // ..يشوف مبآراه من نوع جديد [

/

] ..

ويسحب على الدوري الإنجلـيزي والي يجآبوه بعد

.

..

ع العمووم أمتعني موضوعك ..

و أنا نآوي أكتب موضوع " دآج " يمكن بقدره قآدر يتحول لـ نصحي

.

تبآري هيلو

.؟

سلاميشو ...

هامور البورصه · #2 11/04/2009, 11:20 PM

حبيبي ألبي عبوود ولكم بااك

بالنسبة للبزران والي يحدد ميولهم مهوب شرط الاب والام والاخوان فيه واحد

من عيال خالي ابوه هلالي وامه مالها علاقة بالكورة بس للأسف الولد طلع نصراوي
تخيل يا عبدالله طلع نصراوي ويقرب لي بعد لا حول ولا قوة الا بالله

تدري ليه
عشان خواله نصراوين كانو هارين بالبساكين لين اقنعوه يصير نصراوي والولد
تنصر <-- يعني صار نصراوي مهوب نصراني

إقتباس


	ويغدي هالبزر تسنه في بيت شيعة اللي بيعطيه دراهم وبيجيب له ألعاب بيصف معه ) !!.

عبوود اهنيك ع الشطحه

لا عمرك تشطح الله يرحم والديك ..!

قبل ياعبدالله كنت هلالي متعصب والحمدالله الحين احس اني خفيت بعد ماتركت
الكورة وطحت بالبنات والشراب <--

اقولك كنت دايم هواش مع النصراوين
واذا انهزم الهلال هاك اليوم اغيب وانوااع الهواش مع الوالده عشان اغيب كله
خوف من المسخره يقعدون يتنتزون علي

واذا فاز امششش اروح المدرسه
لابس فنيلة سامي الجابر الي فيها خط بالنص سلكي لا سلكي

والمشكله انهم
يمسكوني حارس انا للحين مو مقتنع البس فنيلة سامي ويمسكوني حاارس

الحين مثل ماقلت تغير الوضع وصار النصراوي يستحي يقول اني نصراوي

لدرجة انك لما تفتح موضوع عن الرياضه تشوفهم يتصددون ويحاولون يغيرون
الموضوع وقسم بالله ينرحموون لكن نصيحه لا تناقش نصراوي المشكله ان فريقهم
زلاابه ولاهم كافين الناس من شرهم ياخي خلك بفريقك وانطم <-- حاقد على كحيلان

شف حنا ما يعجبنا العجب وبالذات انت يا عبدالله قسم ان وضعك مزري جداً جدا

يعني الحين صرنا نمبسط على الدوري السعودي نقل وتصوير زي العالم ومعلقين
مثل الناس يتكلمون مثل الناس يعني مهوب مثل الجابر تخلص الهجمه وتصير مرتده
وهو توه يقول خطيرة خطيرة خطيرة

بس الي يعيب العارتي بنت الكلب <-

انهم غالين تخيل وصل سعرهم بالسنه 1750 الظاهر لان الاستراحه بينتهي اشتراكها
وشايلين همها

لن النت مايوصلها ولا كان ركبنا دريم بوكس مثل ماهو عندي بالبيت
أكثر شي حببني بابو بكس صالح كامل فتوته حقت الدريم بوكس يوم يقول حرام حرام حرام

اقطع وخس يابو بكس وهالافلام الي مدهور فيها امثال بريمكس ومواصل من عام الفيل مهيب حرام ..!

إقتباس


	( والليأقص يدي إذا ما كان مدربين الأندية الأردنية يحضرون المباريات ومعهم لابتوبات وداخلين شات صوتي يضيع الوقت لحد ما تنتهي المباراة )

ههههههههههههههههههههههههههههههههههههههههههههههههههههههههههه
عبدالله واصح انك مش متابع كويس ما تعرف نادي الفيصلي الاردني

ونادي الوحدات امس الظاهر توج ببطل الدوري الاردني

في منتدى
كورة منزل واحد موضوع يقول تابعو المباراة بغيت اطب في بطنه

وانت تقول
مايتابعون دوريهم اتق الله ييا عبدالله انا شريت دريم بوكس قبل ست شهور وابن الكلب
امس قطع عندي بس الحقيقه انه قعد عندي 6 شهور وعشر ايام وناوي هاليومين اروح
اجدده بـ 200 ريال بس الله يديم الرخص

على فكرة بس للتوضيح دريم بوكس
مايطلع قنوات الـ XXL وذيك القنوات

الا اذا كان عندك راس اوروبي واذا عندك
راس اوروبي دايركت تطلع عندك القنوات حتى لو ماشتركت في دريم بوكس

<- ترى مهوب خبره الولد بس اصدقاء السوء فهموني كذا امثال ليو ميسي

عبدالله موضوعك زريف وجميل واستمتعت وتحسفت اني قضيت فيه فترة من الزمن

البرنـــــــس كاكا · #3 11/04/2009, 11:34 PM

مواصل هلا والله بالزكرت بتاع المجلس

بدخل في الموضوع دايركت

إقتباس


	( خمسه ضد خمسه بمجلس واحد صار خمسة حاشرين لهم واحد )

في هذه معك حـق وأحس الأمور بتطور إن شاء الله
يعني النظام الجاي بحول الله وقوته عشرة جالسين في مجلس
متفقين وش حليلهم الإبتسامة العريضة على وجهيهم تكاد أن
تشق قسمات وجهيهم ولكي أكون أكون أكثر دقة في التشبيه
كحالتي حينما رد ابو مقبل

على موضوعي

إقتباس


	2- الدوري الأردني !!. ( والليأقص يدي إذا ما كان مدربين الأندية الأردنية يحضرون المباريات ومعهم لابتوبات وداخلين شات صوتي يضيع الوقت لحد ما تنتهي المباراة )!!.

بس تبي الصدز قد شفت مباراة بين الفيصلي والوحدات
والله ياهو ديربي بحــل عنه ديربي الكالتشيو الإيطالي

إقتباس


	في حين أن ART تقوم بدفع مبلغ يفوق الألف ريال على ( دوريات غريبه ) !!.

تدري قيمة الدوري السوداني بمليون ريال

إقتباس


	ولربما سيخرج بهي الطله صالح كامل ببدلته ذات القطعة الواحده واللون الواحد ( تسنه مدرس رياضيات مصري ) متباكياً لتحول الشارع الرياضي من مشتركين رسميين إلى مشتركين باحثين عن ( الزنوب ) !!!.

تسنك بديت تشطح في حضرة الشيخ علامّة زمانه صالح كـامل

اقول بكتفي بكلمة قالها في احد لقائته (الزنوب) وماأدراك مالزنوب

صرنا نبحث عن الزنوب بأنفسنا وغلاء الأسعار بسبب (الزنوب )

إقتباس


	البلوي صرف أكثر من 300 مليون بفترة رئاسته وما عرف يطّرف 5 آلاف ريال يسوي عملية ربط لمعدته ويشوف حل لكرشته

ياخي إنت متحامل على البلوي ترى سعيد العويران لاعب عليه
قايل له إن جسمك مثير ومغري يعني وش عليك منــه عاد تبي الصدز
عطني نص ثروته وأحط تسرشة تمتد من بيتنا إلين سواحل الخليج العربي

اصلاً الكرشة برستيج عند رجال الأعمال

إقتباس


	ولا أحد يجيني يقول رد على الردود ، متى ما كنت رايق أبشروا

اهم شيء ترد على العضو اللي مراهن عليه ماجد مقبــل

بالفهم والإستيعاب

الكلاسيكي · #4 12/04/2009, 02:54 AM

وعليكم السلام ورحمة الله وبركاته

هلا وغلا فيك عبدالله .. والله يصبحك بالنوروالسرور ..

اتفق معك بما ذكرته في بداية حديثك عن الحال في الرياض , وبشكل اوسع بمنطقة الرياض ..
وهذا الحال هو مادفع التجار باستغلال تلك الاتجاهات التي تهتم بمشاهدة الرياضه ..
والله ماكاان هذا الحال , ولن اصبحج كل شي لابد ان تدفع , وهنا يختلف الدفع ..

منهم من يهدف للكسب , بشي معقول مرضي الطموح التجاري ..
ومنهم من يهدف لافلاس المستهلك .. وعلى رأسهم ماذكرت من القنوات السعوديه ..

المشكله ان حتى رياضتنا عاجزين يحتكرون الدوري السعودي !!
ولانهم المستفيدين , والمتضرر الوحيد المتابع المسكين انا وانت ..

إقتباس


	وحتى مشجعي النادي المنافس يقومون بتوجيه أبنائهم للإنضمام للفريق الأفضل ( خوفاً على صحته

بهذي اتفق معك تماما .. اقربائي كثير متعصبين نصراوين سمحوا لانبائهم
بتشجيع الهلال , حتى لايتعقدوا من الرياض << حسب كلامهم ..

عبدالله, الف شكر لك ولطرحك المميز ..
وتقبل ودي واحترامي ..
دمت بخير

ملاك بطبعها ! · #5 12/04/2009, 06:29 PM

أهلين مواصل ~

و لكم باكـ

إقتباس


	وإن كانت الميول مختلفة بالمنزل الواحد كأن يكون الأب ( هلالي ) والعم ( نصراوي ) فسيقع الطفل في حّيص بّيص

أنا أبوي

نصراوي

بس أنهـ مو متعصب زي أول يوم كان على أيام ماجد

وأخواني طالعين هلالين و صرت مثلهمـ

مع أني مدري وشو الهلال بس أشوفهم يشجعونهـ و شجعته "مع الخيل يا شقراء"

مدري وش طيحني في الكورهـ أول كنت أكرها كرهـ
بس وش اللي قلبني من كره لي حب مدري

و
بصراحهـ تحس بطعم الوناسهـ و الحماس كلن يذب ع الفريق الثاني ~

أبوي يكرهـ شئ اسمهـ الهلال

عشان كذا ماأجيب الطاري لهـ
لوتكلمت عن الهلال قام يدعي عليهـ و شخليني أتكلم بس

\

ولا إذا شاف المبارة معنا و جت ركلة جزاء للهلال لو صح يقول خطأ نصابين
يتدلعون عاد أقولهـ :عِرق النصر ينبض فيكـ

يمكن حنا طالعين على خوالي هلالين

~
أعرف وحدهـ أهلها كلهم نصراويهـ

إلا هي
طلعة من بينهم هلاليه يا لبى قلبها

و عادي عايشهـ حياتها
و مستانسهـ أكثر منهم ~

إقتباس


	ولا أحد يجيني يقول رد على الردود ، متى ما كنت رايق أبشروا

هو لازم قل شكراً لكم ع المرور وريح عمركـ

يعطيكـ العافيهـ ..

بندر الهلباني · #6 12/04/2009, 10:07 PM

السلام عليكم ورحمة الله وبركاته ..

يعطيك العافيه على الموضوع .
انا من رايي انو ( الدريم بوكس ) ساعد الشعب شوي
الواحد بدال مايدفع للـ اي ار تي 750 كل ست شهر
ادفع احداثيات الدريم بوكس 220 لكل ست اشهر

ومن ناحيه الافلام الاباحيه تقدر انك تمسح القناه
او تسوي لها باسووورد >>> عشان ترجع لها

ومن اللي مافي بيته انترنت يعني اللي يبي ياصل للفلام ياصل لها لا ومن غير رقابه
بس حبيت انوه لها النقطه

الف شكر لك اخوي مواصل

مَاهِينُورْ · #7 13/04/2009, 10:41 AM

وعليكم السلام ورحمة الله وبركاته
هلا ومرحبا عبد الله

من موضوع ديني بحت إلى رياضي بحت

أتخيل هالموضوع نازل بالاسلامي

~> مانت ببعيد اذا فكرت أكتب موضوع يتحول بقدرة قادر الى أخبار المجلس

..
بالنسبة لموضوعك

تشجيع الصغار وتأثير البيئة
صح زمان يتأثرون لكن الحين من يوم مايطلع وهو رافع هالشعار

أرحم اذا شفت مشجع صغير يشجع النصر

ماهو حقد على النصر بس وش يبي بالنكد

تصدقون كنت أشجع الاتحاد

لكني ولدت هلالية

~> هلالية بالاسم ماتابعت الفريق الا يوم تخرجت من الثانوي

قصة تشجيعي للاتحاد

كان في المتوسط أيام حفل الجوالة |:هاني مقبل وعيد الدوسري :|

كان في حفل لهم سووه بدعوه من نادي الاتحاد وأعجبني

كانو ينشدون :

اتحاديا أتينا

~> ومادري وش الباقي

فـ استانست قلت هالنادي نادي مطاوعة وشجعته

~> لا تقولون مندسة

ماكان تشجيع بس محبة

والحمد لله رجعت لفطرتي وشجعت الهلال

..
اي وش بعد

~> ارد على قراءتي للموضوع اول مانزل

صالح كامل
استغلال للشعب المغلوب على امره

جعله مايتهنى بفلوسنا

صار الواحد يشترك بقنواته حتى لو ماله بالكورة بس يخاف على عياله من المقاهي
ليتنا زي مايقول ولد كندا نقاطعه ومانشترك لعله يخفف قيمة الاشتراك

..
اشتركنا 6 شهور وبعده هوّنا ~> كرهنا الكورة

بس فكينا التشفير

الا صدز أسأل اخوي أقوله ممكن حراام فك التشفير!!
قال على الاي ار تي مو حرام يكفيه اللي جاه منا العام

حرام لو بفك تشفير المجد

~> أفتاني جزاه الله خير

..
..
وش بعد ؟

إي رجال الاعمال ومظهرهم

دائماً كنت أتعجب منهم من وانا صغيرة

مو بس رجال الاعمال
اذكر معلمة درستني الله يذكرها بالخير معلمة قدييييييييمة وربي منعم عليها ما شاء الله

لبسها أحيانا اللي تكرره الظاهر ثلاث بس

والحين تدرس اختي والى الان تكرره

~> الله ربنا وربها مادري لو تحب هاللبس وتشتري منه كميات

لو تشوف اللاعبين بعد الواحد مايقدر يحط مبلغ على جنب يحط تقويم للأسنانة

~> ماتقصد المنتشري

ماودي أطول بهالفقرة أحس فيها غيبة

الله يغفر لهم ويتوب علينا وعليهم

~> خافت من الغيبة

الحمد لله الذي عافانا مما ابتلاهم به وفضلنا على كثير من خلقه

والله يزيدهم و يرزقنا مما عندهم

..

موضوعك جميل يا عبد الله الله يعطيك العافية

..

إقتباس


	ولا أحد يجيني يقول رد على الردود ، متى ما كنت رايق أبشروا

أنا المقصودة في هذا الكلام : (
أعتذر لك عن ردي في موضوعك السابق

أحيانا نتهور ونكتب ردود نندم عليها حتى وإن كانت مزح

..

Hictar · #8 13/04/2009, 11:21 AM

إقتباس

الرسالة الأصلية كتبت بواسطة مَاهِينُورْ


	أنا المقصودة في هذا الكلام : ( أعتذر لك عن ردي في موضوعك السابق أحيانا نتهور ونكتب ردود نندم عليها حتى وإن كانت مزح

هلا بتس يا ماهيتاب

لا ما أقصدك إنتي بالضبط أقصد الجميع
لأني أعرف نفسي - ما راح أفيدكم بشئ بالتعقيب !!.

____________

يا إخواني اليوم صاير ملطشة للجميع
العالم حاشريني حشر ( بعد الهزيمة )

من أمس والمرتزقه ( النصراوية ) يرسلون لي رسايل ( شرشحه )
طيب إنت وش دخلك

ومازال المرتزقه ( حاشريني - لكني أقاوم )

________

أما بخصوص حذف القنوات
فتكرم صدى الامس
بالطريقة للحذف

maistro2t · #9 13/04/2009, 11:45 AM

اهلا و سهلا مواصل
مثل ما قلت ركب الدريم بوكس و أبلع العافيه

و بخصوص النصراوية ما تشوفهم إلا إذا انهزم الهلال الله يخلفهم عليهم بس

إقتباس

الرسالة الأصلية كتبت بواسطة مواصل من عام 1413هـ


	____________ يا إخواني اليوم صاير ملطشة للجميع العالم حاشريني حشر ( بعد الهزيمة ) من أمس والمرتزقه ( النصراوية ) يرسلون لي رسايل ( شرشحه ) طيب إنت وش دخلك ومازال المرتزقه ( حاشريني - لكني أقاوم ) ________

طنش لحاك شادو سلجاقو

هذا كوم و اللي حاضرين اليوم الجامعة بشالات الاتحاد كوم ثاني و الله اعرف واحد فيهم نصراوي و معه شال الاتحاد
ناس متخلفة بالفطرة

يعطيك العافية مواصل و ما ننحرم من مواضيعك

مَاهِينُورْ · #10 13/04/2009, 12:57 PM

..
هارد لك الخسارة مواصل

اسمح لي بشطح

إقتباس

الرسالة الأصلية كتبت بواسطة مواصل من عام 1413هـ


	يا إخواني اليوم صاير ملطشة للجميع العالم حاشريني حشر ( بعد الهزيمة ) من أمس والمرتزقه ( النصراوية ) يرسلون لي رسايل ( شرشحه ) طيب إنت وش دخلك ومازال المرتزقه ( حاشريني - لكني أقاوم )

اربط الجرح وقاوم ........ وامسح الدمع الحزين

لن ينال الحزن منا ........ لن نساوم لن نلين

لن يدوم الظلم كلاآآ ............ نور فجر الحق آت

من دجى الليل سيبدوا ......... طعمه حلو فراات

^
^
^
استغفر الله تقل بجهاد

اتذكرت هالانشودة يوم قريت ردك

..
الله يعينك عليهم

..
قلهم ماوصلتوا للي وصلنا له

..
اليوم أكثر فترة أجلس فيها بالجمهور

# في موضوع يوسع الصدر

مجلة عالم الزعماء

لقاء ممتع مع حامد الضبعان لا يفوتكم اللقاء والمجلة ما شاء الله

~> كم تعطوني على الاعلان يا كتاب المجلة

..
..

لا تعصبون علي

لو ماكتبت الرد يمكن يصير لي شي

..

MaRoUaNe · #11 13/04/2009, 02:38 PM

وعليكم السلام هلا وغلا بمواصل

وهلا بالموضوع الرياضي الإسلامي

ولله الحمد كل العائلة الكريمه هلاليه

حتى الوالده الله يحفظه

تشجع الهلال عشان عياله ماتضيق صدورهم

إقتباس


	أما بخصوص حذف القنوات فتكرم صدى الامس بالطريقة للحذف

ياليت تقولنا وشي الطريقه لأن اللي أعرفه ماينمسحن القنوات أبد .

بس تقدر تقفلها وتخفيها << برقم سري طبعاً
<< يعني بهذي الحاله ما أستفدنا 100%

إقتباس

الرسالة الأصلية كتبت بواسطة مواصل من عام 1413هـ


	يا إخواني اليوم صاير ملطشة للجميع العالم حاشريني حشر ( بعد الهزيمة ) من أمس والمرتزقه ( النصراوية ) يرسلون لي رسايل ( شرشحه ) طيب إنت وش دخلك ومازال المرتزقه ( حاشريني - لكني أقاوم )

ههههههههههه ههههههههههههههـــ

والله أنا من أمس مقفل الجوال

لقوها عيال الذين كنت دايم أحشرهم بالرسايل بس المره خسر الزعيم وماصدقو خبر يرسلون

شكراً مواصل

بنت فهد · #12 13/04/2009, 04:43 PM

إقتباس

الرسالة الأصلية كتبت بواسطة مواصل من عام 1413هـ


	يا إخواني اليوم صاير ملطشة للجميع العالم حاشريني حشر ( بعد الهزيمة ) من أمس والمرتزقه ( النصراوية ) يرسلون لي رسايل ( شرشحه ) طيب إنت وش دخلك ومازال المرتزقه ( حاشريني - لكني أقاوم )

هههههه وسع صدرك من زينهم عاااد

خلهم يشوفون انفسهم الله وأكبر يعني خسرنا هالبطوله جايين يحكون

وانت يا شاطر رد عليهم

ذكرهم بذيك الايااام

<<اي ايام الله واعلم

ع العموم اسفه ع الرد الثاني

hilalemooot · #13 13/04/2009, 11:24 PM

السلام عليكم

يعطيك العافية اخوي عبدالله

بالنسبة للتشجيع ابشركم انا بعايلة كلها نصراوية

والله يا جاني تهزيء امس

لا هذا وانا راقد عقب المباراة .. ابوي من الوناسة يصحيني الصبح وانا ما وراي شي علشان يتشمت بس

.. بس الحمدلله قدرت اغير مسار اخوي الصغير بالابتدائي صار هلالي

بالنسبة لصالح كامل .. ذاك اليوم اسولف مع معلق بالارتي مسن .. يقولي صالح كامل كسبان اضعاف مضاعفة حالياً من الدوريات العربية .. يقول الزيادة بنسبة الارباح زادت بنسبة 40% من ورى هالدوريات العربية

! وهو هذا اللي يهمه !!

يعطيك العافية

متآبعه بصمت · #14 14/04/2009, 04:16 PM

إقتباس

الرسالة الأصلية كتبت بواسطة هامور البورصه


	والله يا اخوان البلد مشااكل انا عندي برنامج غزه دريم ماقدرت احذف منه قنوات او اشفر وحتى سالت الي باعني اياه قال ماتقدر تحذف !! على العموم يا المحبره انتي وبريمكس انتم صح وفاهمين الدريم بوكس صح هههههههههههههههههههههههههههههههه خلاص اخر مره اتفلسف بعدين يالمحبره متحسفه على دعوتك لي امس ابشركم اختبار زين أوي أوي عبوود اسف على الرد العاشر طعش خلاص ماراح ارد ثاني مره حطموني

يا شين الهياط يا هامور

شوف وين وصلك

إقتباس

الرسالة الأصلية كتبت بواسطة hilalemooot


	بالنسبة للتشجيع ابشركم انا بعايلة كلها نصراوية والله يا جاني تهزيء امس لا هذا وانا راقد عقب المباراة .. ابوي من الوناسة يصحيني الصبح وانا ما وراي شي علشان يتشمت بس

هههههههههههههه

خلهم وياك

أصلا بالله فيه أحد يشجع أندية وكورة بعد سن الـ 21 ؟؟؟

والله أستغرب من الأعضاء الكبار

هامور البورصه · #15 15/04/2009, 02:39 AM

إقتباس

الرسالة الأصلية كتبت بواسطة متآبعه بصمت


	يا شين الهياط يا هامور شوف وين وصلك

ايه والله يا شين الهياط وياشين ثقالة الدم بعد

شغاله بكل موضوع تتصيدين على الناس

بعدين دريم بوكس عباره عن برامج انا البرنامج الي عندي
غزة دريم لما شريته قلت له ابيك تحذف القنوات البايخه قالي ماتقدر تحذفها
ولا حتى تقدر تسكرها لما شقت رد المحبره الي دعت لي وتحسفت

قلت الي اعرفه والفكرة مبنيه على كلام الرجال الي باعني اياه

مواصل معليش ع التدخل مع اني والله ماحب اتلقف واحط نفسي بهالمواقف
لكن كلمة حق وحبيت اقولها .. مهوب مثل بعض الناس اتدخل بكل شي
<== ترى ماقصد النفسيه متابعه

بـس انا اشوف ان كلام الاخ الرشيدي
صحيح مع انه الله يهديه انبرش عليك ولوهو وصل الفكرة صح كان أفضل
انا هينا بالمجلس نستفيد ونفيد <--

ونمبسط ياليت نبتعد عن القبايل والسب
وفيه شرط من شروط المنتدى يمنع الاشياء هذي