|
أين أنت ياأيها الرقم الصعب..؟ بسم الله والصلاة والسلام على رسول الله..أما بعد: قبل قليل رحت لنادي الهلال أشتري 4تذاكر للمباراه..المهم..توقعت إني بلقى زحمه..ويمكن تخلص التذاكر..ناظرت..شفت الجماهير متجمعين عند البوابه..ينتظرون اللاعبين..والشباك حق التذاكر فاضي..قلت أكيد خلصت التذاكر.وتفاجأت يوم رحت..لقيت الموظف الي يبيع التذاكر..متكي..وماحوله أحد..مافيه جماهير ولاشي:no:أخذت التذاكر ومشيت..وأنا أقول في نفسي..الله يستر من بكره..ياجماهير الهلال..خصوصآ الي ناوين يروحون بكره..ياخي وش يضركم..لو تشترون التذاكر من اليوم؟أول شي ترتاح نفسيآ..إنك خلاص اشتريت التذكره..وثانيآ..عشان تكون الأغلبيه لجماهير الهلال..:smilie47:لأنه في اتحاديين جايين النادي يشترون تذاكر..فأتمنى إنكم تنشرون موضوعي..وأتمنى الي يقرا الموضوع..يحرك على النادي..أو أقرب مكان له..ويشتري تذكره من الحين..وفالكم الفوز إن شاء الله..تحيتي..:rose: |
يا للعـــــــــــــــــــار يا جماهيـر نصـف الأرض والله ماكان هـذا العشــم فيكـم آخــر شيء توقعتــه..!! بسم الله الرحمن الرحيم مســاء الزعـامــة عليكم جميعا والله بصراحة ماجعلني أكتب هذا الموضوع هو التفاؤل الكبير بالحضــور و إلى الآن ما بيع من التذاكـــر سوى عدد قليل الفريق الإتحــــادي يشحذ همم جماهيره و يسير الحافلات و يطالبون بحضور جماهيرهم من الظهر و حنا هنا نشوف مواضيع تقول تعالوا بدري الساعه 4 ...!! يعني إذا رح تجي بدري تعال الظهر يابن الحلال كلها يوم واحد فقط و يتوج زعيمنا بإذن الله بالبطولـة الأغلى على مستوى المسابقات المحلية يا شباب كثير منكم رح يتكل و يقول الجماهير مارح تقصــر أرجوك أن تلغي هذه الفكرة راسك و أتعب اليوم فقط من أجل من سهروا و تعبوا من أجلك موسم كامـــل دفعوا أزروا ساندوا و سهروا كل هذا لأجل إسعادك أنت إتعب يوم واحد فقط احضر من بدري وش يضرك لو حضرت من بدري من الظهر مثلا تعب هذا اليوم اللي تشوف إنه كثير عليك و تتكاسل رح ينسيك إياه طعم الفوز بالدوري والله رح تنسى كل التعب أتمنى من الجميع إنهم يحضرون هذه المباراة يعني أنا واثق البعض ما حضــر و لا مباراة من بداية الموسم تكفوون ياشباب الله يرحم والديكم حضوركم مهم لدعم الفريق لا لا لا و ألف لا للتفكير السلبي و أن الشباب رح يكفون أكيد مارح يقصرون بس أنت أيضا لازم تدعم الفريق بحضورك إذا ما دعمت الفريق هذه المبارة متى رح تدعمه أنتم روح الهلال أنتم جنون المدرجــات أنتم الرقم الصعب لابــد من إثبات ذلك و إسكـات كل من تطـول على الجمهــور الأزرق ** اتمنى أن يكون الحضــور مشرفا يليق بنادي الهـــــلال و يا للعــــار لو لم يكن كذلك..! يارب بإذن الله نحتفل جميعا مســاء الأحد بتتويج الزعيم بطلاً للدوري |
| الوقت المعتمد في المنتدى بتوقيت جرينتش +3.
الوقت الان » 11:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd