|
بخصوص التذاكر ,, انا قبل دقايق جاي من ملعب الملك فهد السلام عليكم ذهبت الى ملعب الملك فهد ورحت لبوابة 3 وخذيت 3 تذاكر ورجعت للبيت والحين انا اتقهوى والحمدلله على العافية ماطقيت خبر لبعض السوالف اللي يقول البلوي شرا التذاكر واللي يقول التذاكر خلصت واللي يقول المشكلة ماحلوها للحين ياعمي ياخالي ياحبيبي اذا انت هلالي صميم وتبي تحضر وتشجع ناديك رح لاماكن توزيع التذاكر وقص تذكرة وصلى الله وبارك لكن التباكي بالمنتدى والتحذيرات وإحباط الجمهور باشاعات لااساس لها من الصحة لان البعض يقول ان التذاكر نفذت ومن هالكلام الفاضي جالس ورا الكيبورد ويكتب كلام محبط ويثير الشكوك بين الجماهير من المناطق البعيدة لو انا من اهل الشرقية والا المجمعة والا سدير والا من المناطق القريبة من الرياض وقريت مثل هالكلام اكيد بأعتقد ان التذاكر بح وان حضوري من مدينة بعيدة لايفيد في ظل اخبار تقول ان التذاكر نفذت مثل هذه الاشاعات لاتساعد على الحضور الجماهيري لان الجميع ماوده يجي من ديرته وهو ماهو متاكد من التذاكر واكيد بيقول اجلس في ديرتي ولا اطق مشوار للرياض وبالاخير مافي تذاكر ويصير مثل معايد القريتين لاهو اللي شافها بالملعب وحصل تذاكر ولاهو اللي جلس في بيته وشافها يااخوان التذاكر موجودة والبيع موجود في ملعب الملك فهد والأماكن الاخرى اللي يحب الهلال يتعب شوي ويروح ويشتري التذاكر بدلاً من التباكي بالمنتدى تحياتي لكم ولكل محب هلالي وان شاءالله الفوز هلالي دعواااتكم |
احسسسسسسسسسسسسسسسسسسسسسسسسسسسسنت كلام العقل |
اذا تبون الدوري عبو استاد الملك فل |
تمام بالبركه . يعني البلوي ح يشتري تذاكر 70 الف ؟! هههههههههههههه . هو اشترى على عدد القادمين من جده ومدن اخرى ... حوالي 5 الاف فقط . |
تسلم ياحمد وان شاء الله الجماهير ماتخيب الموووووج الازرق |
عيـــن العقـــــــــــــل |
اللي تكتب ان البلوي شرا التذاكر ناس فاضيه بالعكس منصوور البلوي هو فاكهه الكره السعوديه لانه يحمس الفرق بتصريحاته هو والامير بندر بن محمد |
يعطيكـ العافيــة اخوي الغـــآلي وللاسف بعض المواضيع من بعض اعضاء المنتدى تثبط الواحد عن الحضوور |
عين العقل وهذا الصحيح الحمد لله تذكرتي معاي |
وسع صدرك يا رجال ... انت اهم شي ضمنت التذكره يعني معليك من غيرك |
طيب انا في الظهران يمدي بكره الصباح القى ؟؟ ياليت تعلموني ضروري |
الله يوفق زعيمنا مشكوور ع المروور |
اذا تبون الدوري عبو استاد الملك فل |
التذاكر موجودة والبيع موجود في ملعب الملك فهد والأماكن الاخرى اللي يحب الهلال يتعب شوي ويروح ويشتري التذاكر بدلاً من التباكي بالمنتدى ((التباكي بالمنتدى والتحذيرات وإحباط الجمهور باشاعات لااساس لها من الصحة لان البعض يقول ان التذاكر نفذت ومن هالكلام الفاضي جالس ورا الكيبورد ويكتب كلام محبط ويثير الشكوك بين الجماهير من المناطق البعيدة لو انا من اهل الشرقية والا المجمعة والا سدير والا من المناطق القريبة من الرياض وقريت مثل هالكلام اكيد بأعتقد ان التذاكر بح وان حضوري من مدينة بعيدة لايفيد في ظل اخبار تقول ان التذاكر نفذت )) يبيض الله وجهك على هذا الكلام السنع والله يعطيك العافيه. |
إقتباس:
يمديك اخوي........................ واذا حبيت اقصلك تذكره حاضرين للغالين |
| الوقت المعتمد في المنتدى بتوقيت جرينتش +3.
الوقت الان » 03:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd