أشغلتونا بالتحليلات.. ونسيتوا شي مهم .. والله اني شايل هم دوام الاثنين
قبل ابدأ...
تراي الحين قاعد العب بالوقت بدل الضايع 
وسوف يقام حفل اعتزالي قريبا في ملعب الصايغ بحضور فريق فنار بخشه التركي 
حيــــــــــــــاكم
ماراح اتكلم عن مباراة الاحد
قسم بالله مانيب قايل ولا كلمة
انتفخ راسي من كثرة المواضيع 
صار لنا ثلاث ايام والمنتدى يدّهر ماشاءالله تبارك الله
محللين ... نقّاد ... تحفيزيين ... حتى عصافيرنا المندسين يالبى قلوبهم 
انتم شايلين هم المباراة
وانا بوادي ثاني المباراة ماشلت همّها.. لأني مؤمن بالقدر وكل شي مكتوب
ان فزنا ... ماهي غريبة وهذي عوايدنا وفريقنا بطل وزعيم 
وان ما توفقنا ... فالحمدلله من قبل ومن بعد وفريقنا ماقصّر انا مثل ماقلت شايل هم شي غير المباراة
شايل هم الدوام يوم الاثنين 
بصراحة من له خلق يداوم بعد المباراة 
ان كانك فايز.. فانت بتسهر الى الفجر
طق وطقيق وهستره وذبايح وفرفرة بالثمامة والعليا والتحلية 
وماراح تشوف سريرك الييين اذان الفجر... و ألا ياقايم قبل الظهر
وان كانك مهزوم لاقدّر الله
مايحتاج اشرح لكم الحالة علشان ماتقولون عني وجهك نحس 
بس المهم انك من ضيقة الصدر ماراح تنام الا الصبح
يعني بكل الحالتين الوضع دمار 
الدوام فيك فيك مهما صار
قسم بالله موب وقته ابد ابد
مدري وش يحسّون به راعين الخطط المدروسة يوم يحطّون المباراة وسط الاسبوع 
ياخي تقلدون اوروبا
يا ( بـجم ) هذولاك عندهم السبت والاحد اجازة فكروا شوي قبل تجيبون بنا العيد
وش ذنبنا حنا طيب نسهر الى الساعة اربع... ثم ماتجي ثمان الا وانت مرتز على مكتبك 
العيون مغمصة والنفسية معجونة بعصير عفاريت
يخرب بيت المباريات السبت والاحد
قالها المسكين الدغيثر ذاك اليوم وراح وطي جاه استدعاء ودخلوه غرفة التأديب وعلموه الاخلاق السعودية خوذوها نصيحة مني يالموظفين
زبّن عمرك من يوم السبت
وادخل على مديرك وقل له :
ترى الاثنين امي عندها موعد بالجامعي وانتم يالطلاب
اجتمعوا على الوكيل وقولوا له نبي رحلة يوم الاثنين لمتحف وزارة الدفاع ولا جاء الاثنين اسحبوا عليه كلكم هههههههههه . . . . في خاطري شي
شعرة معاوية وحدها من تفصل بين الثقة بالنفس والتعالي..
الثقة بالنفس لا تعارض الثقة بالله, لأنه لا تعارض بين الثقة بالنفس و الاعتماد على الله عز وجل, والتوجه إليه في طلب الحاجات ودفع المكروهات
كما ان الثقة بالنفس لا تعني الاعتماد على النفس و الركون إلى قدرتها و الاعتداد بها دون الالتجاء إلى الله تعالى, بل إن من الثقة بالنفس أحسان أظن بالله تعالى و الاعتماد عليه دون تواكل
اما التعالي فهو الذي يتعارض مع الثقة بالله تعالى بالإفراط في الاعتداد بالنفس و تفضيلها على الغير
كما قال إبليس{ قَالَ أَنَا خَيْرٌ مِّنْهُ خَلَقْتَنِي مِن نَّارٍ وَخَلَقْتَهُ مِن طِينٍ }
أو كما قال فرعون {أَمْ أَنَا خَيْرٌ مِّنْ هَذَا الَّذِي هُوَ مَهِينٌ وَلَا يَكَادُ يُبِينُ }
أو كما قال قارون { قَالَ إِنَّمَا أُوتِيتُهُ عَلَى عِلْمٍ عِندِي}
و كل من سار على هذا الدرب ممن يعتد بنفسه اعتدادا زائدا زائفا فهذا هو الذي يتعارض من الثقة بالله
ألا هل بلّغت.... اللهم فاشهد
>> خلآص أبدوام بدالك بس كم تعطيني 
<<<يؤلف
الوضع المتطور
