|
ظهر اليوم االصويلح يجدد للهلال خمس سنوات .. جدد اللاعب تركي الصويلح ( 28 ) سنة ظهر اليوم عقده الاحترافي مع الفريق الهلالي لمدة ( 5 ) سنوات بمقدم عقد يقارب المليون ريال وتم توقيع العقد في فندق الفهد كروان ( ما ادري ليش فاتحين النادي !! ليش ما يأجرونه بالصيف !! علشان العجز المالي) بحضور ممثلي الادارة الهلالية فواز المسعد وفهد الغليقة وممثلي الفريق الاول مدير الكرة فهد المصيبيح ومسئول الاحتراف فهد العوين. صراحة يعتبر التجديد للصويلح مكسب كبير جداً وقطع للمحاولات التكرونية التي قدمت عرض افضل للصويلح من العرض الهلالي ولكنه فضل البقاء هلالياً .. خصوصا وهو قادر على شغل مركز الظهير الايمن .. في ظل اصابة الدوخي و ( نفسيته الزفت ) بعد حصوله على مليون و 700 الف (فقط) كمقدم عقد لموسمين قضى الاول منها مع المنتخب الوطني (!!!) .. والموسم الثاني مصاب (!!!!) سلموا لي على الاحتراف سلاماً كثير !! @@ بخصوص مرتبات لاعبي الفريق الاول والتي اثار البعض انها لم تصرف منذ اربعة اشهر .. تأكد ان جميع اللاعبين تسلموا جميع الرواتب حتى شهر ربيع الثاني .. اي الشهر الماضي ترانا بشهر جماد الاول الحين :) <== علشان اللي ما شين بالميلادي .. @@ الكابتن سامي الجابر لا توجد اي بوادر للاختلاف حول تجديده مع الفريق الازرق .. ولا صحة لما كتبت (جريدة اليوم ) عن اختلافه مع رئيس النادي حول تجديد العقد .. @@ اما عبدالله الجمعان فسيأتيك بالاخبار من لم تزود انت ووجهك .. قال ابلعب اساسي قال !! والله لو انك مرجان علشان تطلب اللعب اساسي ! @@@@@@@@@ بس هذا اللي عندي قلت اكتبه لكم .. على السريع .. تحياتي .. |
تسلم يا محامي الهلال |
اخخ وينـــــــــــــــــك يا سامــــــــي تجي وتطيب الجراح |
تسلم لي على الأخبار الحلوة أخوي بس الكلب القبيح اللي على يمين سامي يذكرني بواحد يهاجم سامي على طول بس أنا مستغرب ليش مو مبتسم مثل ابتسامته اللي في جريدة ؟؟؟؟ |
يعطيك العافيه والله اننا تعودنا على ابداعاتك |
مشكور |
تركي الصويلح نجم كبير وكبير جداً ... وهذا بدون ادنا شك مكسب في ظل ظروف غياب الدوخي كما ذكرت ... !! أتمنى له الإستمرار والتوفيق والنجاح وأن يستمر على مستواه المتطور :) ... & .. شـكراً لك :) ،،، |
اخوي ابو هيا..... تسلم على هالخبر المفرح لكل الجماهير الهلاليه والتي كانت قد وضعت ايديها على قلوبها خوفاً من انتقال ايٍ من نجوم الهلال. عموماً الايام القادمه كفيله بتوضيح كل من يحدث من جديد خصوصاً بموضوع المهااااجم (الدولي) عبدالله الجمعان الذي ساوم فريقه في وقت قد يكون الفريق بأمس الحاجة له. تحياتي لك ابو هيا:) |
تــــــسلم يا ابو مشــــعــــــل بس لنا طلب ..... وهو انك ترفع عن الكتابه للنكره الجمعـــــا ن لأنه ما يستاهل .... بكل ما تحمله من معنى ! مشتاقين لكتاباتك يا قا هر هم يا سا مي ( الجــــــا بر ) مع تحيات صديقك ايام زمان ......... ما بعد عرفتني أو ماعرفتن حلوه تـــــن !!! ( انا مادري وشلون تاكلون ... الخرابيط ) ابــــــــــــــو مــــــجـــــــــد |
عزيزي ياقاهرهم يا سامي شكرا لك على خبر الصويلح المفرح ، وعقد لمدة 5 سنوات والله إنه مخلص حقا رغم بعض العروض المغريه له ، ،، يامن تكتبون عن الإحتراف وعصره وكيف يتعامل اللاعب معه ها هو تركي الصويلح يضرب أروع الأمثلة للاعب المخلص فلم يساوم الفريق كما يفعل غيره. يارجال توقيع عقد في فندق الفهد كراون أهون من إجتماع في جنيف على شان توقيع العقد |
والله ونعم بتركي اثبت انه من ابناءالنادي المخلصين تسلم على الخبر الحلو |
سلمني على الصويلح بس ونعم والله وصراحة الصويلح لاعب كبير وانا افضله كثيرا على احمد الدوخي .. ما ادري ليه .. احس انه جاد فعلا في ان يكون لاعب كبير .. اتمنى يوفق ويصير اساسي حتى لو كان الدوخي موجود وانا من خلال متابعتي للدوخي والصويلح في بعض التمارين شفت ان الصويلح لعييييييييييييب صراحة .. والجمعان .. ان شفته طاقها مع الهلال تراني بانتظر لين ما يعتزل او ينقلع لاي نادي ثاني عشان ارجع اشجع هالفريق اللي ساكت للبزارين انا لو استهبل في حارتنا واقول بالعب اساسي والا منيب لاعب طردوني من الحارة بكبرها ؟؟؟ :( |
والله أبو صلوح يستاهل كل خير. |
الغريب أن هناك مصدر أخبار موثووووووووووووووووووووووق وما يجيب إلا الأخبار الصحيحة و المؤكدة يقول اللاعبين لم يتسلموا رواتبهم منذ أربعة أشهر وبصراحة يا أبو هيا قصدي يا أبو مشعل أووووه خلاص ياقاهرهم يا ساميييييييييييييي أنا أصدقه ولا أصدقك لأن مرة من المرارير اختلفتوا في الأخبار وصار خبره صح وأنت خرطي عشان كذا اسمح لي ترى باصدقه لا تقول ليش علمتك تسمع ولا لا باروح اصدقه هناك عندهم . |
تسلم على هالأخبار الي تفرح!:D :D :D ويستاهل تركي والله يوفقه. |
| الوقت المعتمد في المنتدى بتوقيت جرينتش +3.
الوقت الان » 01:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd