|| مباراة الوطني والكوري .. وجمهور الرياض والنصر . وعبدالهادي والرشيد ||
بسم الله الرحمن الرحيم ,,
السلام عليكم .
عدنا والعود عبداللهـ ^_^
اول شيء احب اوضح لنص آسيا انه هالنك يستخدمه 2 انا واخوي لان فيه ناس يحسبون عندي انفصام بالشخصية والا صداع بالامعاء من ردودي . يعني بالسعودي متقاطين بيوزر واحد يعني انا النمر وهو الأزرق
فهمتوا ,
نطب بالموضوع على طول لانها قفلت معي بعد القصة اللي قبل شوي ,
|| مباراة الوطني ||
ادري ان بعضكم ارتفع ضغطه بعد مباراة امس وخاصة على كوزمين , وهو اصلا مالهـ ذنب المسيكين يعني لعيبة المنتخب كلهم اساسيين ولعبو 120 دقيقة قبل يومين والتايب مصاب و العنبر موجود
مع احترامي للعنبر لكن المفروض يراجع نفسه وما ابي احد يقولي العنبر كمخة ومايلعب الا والتايب موجد , لان انا لو العب و وراي التايب أبجيب هدف بضروسي ^_^ , وامس والوطني لاعب دفاع وتشكيلة 8-1-1 والواحد الاخير يرجع مع الهجمة ^_^
|| الكوري الشبعان نوم ||
والله ياجماعة الربع *_* ان سول باين عيه لعيب من لمساته امس بس اول مباراة له وما معاه وسط وهجوم زي الناس وحكم راية مدري وش يبي , وشكله توه صاحي من النوم يعني ماينلام على هالمستوي ^_^ , بس والله انه كفو كسر بلعيبة الوطني الين ماقال عيوني فتحت ^_^
|| جمهور الرياض ||
ماقصرتوا لكن ماكان هذا العشم المفروض عالاقل زيادة 3 الاف واربع انفار ^_^ لان زي ماشفنا ان الهلال ناقص نجومه المفروض ان الجمهور يغطي هالنقص بحضورهـ وتفاعله , لكن ماعلينا الجايات أكثر ,
|| ماجد المرشدي ||
يالبيه بس ياوزير الدفاع . ماشاء الله تبارك الله عيني عليك باردة . مبروك الجائزة يبو << بدا الهياط
ونتمنى تواصل ابداعك انت والسد العالي أس أس ^_^ واهم شيء انكـ حيطت عبدربهـ << حاقد عليه من موضوعي اللي قبل سنة هع , مجودي >> يمون الجمعة بيلعب الأسمراني أبو سموع حسن ربيع لاعب عمان نبيك تنشبله لان فريق ابو لمبة تعاقدوا معه امس ,
|| مباراة النصر ||
تكفون نبيكم تملون الملعب لا تقولون قدام النصر وفريق مايسوى
لا نبيكم تهزون الملعب ونبغى تحية خاصة للمرشدي . وقولولهم من الحين 11 بالملعب اما حركات ايام زمان دخلوا 2 من برا وحنا ندخل 2 ترى بطلوها
|| فيصل عبدالهادي ||
أدلخ سعودي بالشرق الاوسط ^_^ . اجل استضافة نهائي اسيا تحطها بدرجك لعنبو ابليسك انت ماتترك حركات بيبسي ابو ريال << اجل هو بكم
. لا وعذرك ان الجمهور مابيحضر لو كان الطرفين ماهم سعوديين . اول شيء انت وش دخلك يالبطريق . ثاني شيء لو النهائي بجدو والا بالرياض كان لقيت الهلال والاتحاد مولعين طول البطولة عشان فرصة لعب النهائي على ارضهم , لكنك بقرة ماتعرف تفكر الا بدرجك , يقول انه بيخليها ذكريات بالدرج من الاتحاد الاسيوي , اه لو اشوفك بس لأخليك مطب قدام بيت جدي
لعن الله ذا الفيس .
|| طلال الرشيد ||
يدخل نعومي ومكياجي أكثر من أختي
استح على وجهك يالورع أجل نائب الكابتن ها حشى بطيارة حنا موب منتخب . تكفى لاجيت تصرح تروش يالخايس وحط عطر لان ريحتك واصلة بيتنا الله يقرفك ودامك زبون عند مكياجي اشتري عطر مرة وحدة . انا من تصريح اه ياليلي واه ياعيني وانا غاسل يدي منك يالتعبان . تحجب واللي يرحم والديك وفكنا من عضة شفتك لانها اشتكت من ضروسكـ
<<< هالفيس عاجبني .
|| عيسي المحياني ||
أنا اشهد ان الحر ماينشري بالفلوس . وافهموا يا اهل الفقر الرجال مايبيكم قال ابي نادي بطولات ومافهمتوا وعذرناكم قلنا يمكن عايشين الدور
لكن يقول ابي الهلال ومافهمتوا عاد هذي مشكلتكم والله . قسم اني احسكم زي الورع لا نشب بلعبة والا قال ودني الملاهي << كيف التشبيه بس ^_^ << برا
||سلطان بن فهد ||
مع احترامي للأسرة المالكة ولآل سعود كل ابوهم , لكن انا استكثر كلمة أمير عليك ياسلطان لان اللي سويته ماهو من اخلاق الأمراء , والله ثم والله لولا كلمة أمير ماكان سكت عليك فيصل ابو اثنين والحربي والرومي لكن الله عالظالم . اتمنى ياسلطان اشوف قوتكـ وعصبيتك اللي شفناها عالدغيثر والاخوان اللي بالاستوديو . مع دلال الرشيد واذاماسمعت اسال خويك الوليد بن بدر
<< اذا ماعاد شفتوني قولوا لاخوي ياخذ هالنك وشيلو كلمة النمر حقتي وخلوا كلمة الأزرق لانها لاخوي اوكيشن
ادري اني طولت علي لكن اللي يبيني أوقعله يوقف مع الصف الايمن والا كلموا تركي المقيرن وهو يتفاهم معكم <<< برا
![الصورة الرمزية الخاصة بـ [ kRooM ]](images2/images14/images/avatars/world/barc23.png)
الوضع العادي
