i!i!i!i الحوار المفتوح i!i!i!i ماقبـل المباراة [ نادي الهـــلال Vs نادي الإتحـــاد ] (تحليلكم و توقعاتكم) - نادي الهلال السعودي - شبكة الزعيم

Nassassero · #11 10/04/2009, 02:36 AM

* الإتحاد يتسلح بفرصتي الفوز والتعادل والهلال يتسلح بعاملي الأرض والجمهور .. هل ترى بأن الفرص متقاربة ..؟ وماهي نظرتك لتأثير الحرب الإعلامية على نجوم الهلال ..؟

[ .. لا بالعكس , الأفضلية للإتحاد لأني أتوقع إن الجمهور الهلالي يبي يشكل ضغط على فريقه و على اللاعبين , و الإتحاد يمتلك لاعبين يمتلكون خبرة عريضة راح تصعب المباراة علينا .. ]

,

[ .. نظرتي للحرب الإعلامية , إن هذا دور مدير الكرة و الإدارة بشكل عام و المدرب , اللاعبين عندهم خبرة تكفيهم و تحميهم من الأمور هذي , أتمنى إن لاعبينا يستفيدون من خبرتهم و ما ينضغطون , و يلعبون زين و موب لازم يفوزون أهم شيء يرضون طموح الجماهير بمستواهم .. ]

* ماهي أسماء الـ ( 11 ) لاعباً الذين تعتقد بأن المدرب سيبدأ بهم اللقاء ..؟ وماهي مهام كل لاعب حسب رؤيتك ، ومن هو اللاعب الذي تعتقد بأن يستخدمه المدرب كورقة رابحة في المباراة ..؟

محمد الدعيع في حراسة المرمى [ و الدعيع معروف بنصائحه و خبرته و إبداعه في هالأوقات , و أهم شيء يوجه اللاعبين لأنه يشوف كل الملعب ]
,
الزوري [ يا ليت الزوري يصير مفتح و ينتبه من الكروت خصوصا أول المباراة , لأن الإتحاد يلعب في الأطراف و راح يضغط من جهة اللاعب اللي عنده كرت عشان يستفيد من طرد لاعب من لاعبينا , و الإتحاد قد سوى نفس الحركة إستفاد يوم خذ الزوري كرت , و من ناحية التقدم و المساندة الهجومية يحاول يصير دقيق و يسلم أغلب الكور صح , لأن الإتحاد في المرتدات خطير ]

المرشدي [ يحاول يثبت نفسه من جديد في خارطة الأزرق , لأن مستواه ضعيف في المباريات السابقة , و يحاول يصير خلف المهاجمين و موب جنبهم , و ينتبه من الكروت الملونة ]

هوساوي [ يفتح عيونه على هزازي و ما راح يقصر إن شاء الله ]

نامي [ راح يكون عليك ضغط بسبب الغلطة قدام الأهلي الإماراتي , ونبيك تنتبه من الكروت مثل الزوري , و عندك أبو شروان الله يعينك ]

عزيز [ لا تخلون وسط الإتحاد ياخذ راحته , عندك بوشروان و نور و ريناتو , الله يعينك عليهم و لا تعطون لهم مجال يسلمون كور و يسددون لأ، أبو شروان يمتلك قدم خيالية ما شاء الله ]

رادوي [ مثل عزيز الله يعينكم و يقويكم ]

ويلي [ ودي يصير دقيق شوي في التمريرات و الكنترول يضبطه و عارف شغله تمام و يحاول يضايق نور و أبو شروان ]

التايب [ يخلي عنه التفنن الزايد في مباراتنا قدام الإتحاد و موب مقصر أبونادين ]

سيول [ يسوي مثل مباراة الاهلي الإماراتي , و يضايق الدفاعات الإتحادية , و يضايق أطراف الإتحاد نور و بوشروان ]

ياسر [ يخلص لكور في الباب و لا يتفلسف كثير عن المرمى ]

[ الورقة الرابحه / محمد الشلهوب أو أحمد الفريدي أو محمدالعنبر ]

لو كنت مكان السيد جورج ليكنز ، ماهي أبرز التعليمات التي ستوجهها للاعبين لتحقيق الفوز ..؟

[ .. التركيز و الضغط على حامل الكوره , لأن لاعبين الإتحاد ما شاء الله عندهم حسن التصرف بالكرة , يعني ممن يسددون و ممكن يناولون كور اهداف ]

و فوق بينت كل شيء

ماهي رؤيتك الخاصه عن المباراة (( مساحة حره للعضو ))

مباراة الموسم و جميع اللاعبين يبون يطلعون كل ما عندهم عشان الأنظار ستكون عليهم و يبون يرضون جماهيرهم

و أتوقع نتيجتها 1-0