أبي وصف مقر النادي - نادي الهلال السعودي - شبكة الزعيم

فتى الذهب · #1 09/04/2009, 05:48 PM

السلام عليكم...
ياليت أحد يوصفلي مقر نادي الهلال وأنا جاي من شرق الرياض علشان بروح اشتري تذاكر مباراة الهلال والاتحاد يقولون المنصه ماتباع الا هناك.. ياليت الوصف واذا وصلت وين ألقى مكان بيع التذاكر؟ هل فيه شباك خارجي والا ادخل داخل والا وين؟

aboooodee · #2 09/04/2009, 05:53 PM

والله مدري

بس الظاهر يبيعلوونهاا بملعب الاستاد الحين

~أأأأأزرقـ هلاأأأألــــيْ~ · #3 09/04/2009, 05:55 PM

بالعريجاء على حد علمي

تحيااتي

يأس من جور الزعامه · #4 09/04/2009, 05:58 PM

دورها في قوقل ايرث ’_^

امزح امزح بس الشباب يجيو الحين ويصوفن لك زين ..

فتى الذهب · #5 09/04/2009, 06:07 PM

ياشباب انا ادري انه بالعريجا وكذا مره مريت من عنده بالصدفه..بس لو بروح له الحين بحوس ساعه كامله بذيك المنطقه ادوره..
ثاني شي اللي يقول يبيعونها اليوم بالاستاد غلطان... فيه موضوع مثبت التذاكر بتباع بكره الجمعه

رجل من عالم آخر · #6 09/04/2009, 06:19 PM

إقتباس


	شف يا طويل العمر وانت جاي من السفارات ودخلت الجسر بعد الجسر بيجيك مخرج اتركه ثاني مخرج خش معه هم بتجيك اشاره رح يسار رح امش سيد لين يلفبك الشارع اجباري يمين اذا لفبك تجيك اشاره رح يسار سيد اول اشاره رح سيده ثاني اشاره يجيك النادي بعدها على اليسار اتمنى اني اكون افدتك

منقووول من أحد أعضاء الشبكة

قلب الزعيم النابض9 · #7 09/04/2009, 06:19 PM

شمال غرب مستشفى الامير سلمان بن عبدالعزيز

فتى الذهب · #8 09/04/2009, 06:23 PM

إقتباس

الرسالة الأصلية كتبت بواسطة قلب الزعيم النابض20


	شمال غرب مستشفى الامير سلمان بن عبدالعزيز

عقدتني زياده وانا اخوك
وش يعرفني بهالمستشفى..انا من سكان الروضه...بجي من من عند مخرج عائشه وحمزه وذيك المناطق اللي بالدايري الجنوبي,,