|
^^ جماهير الزعيم لاتحضرون مباراة الاتحاد والاسباب والاعذار موجوده ^^ السلام عليكم ورحمة الله وبركاته الموضوع واضح من عنوانه جماهير الهلال مو ضروري تحضرون مباراة يوم الاحد مع نادي الاتحاد تبون الاسباب :- * بنص الاسبوع وتخبرون ورانا دراسه ودوامات. (( يعني سبحان الله ضاقت على يوم واحد )) * والملعب تخبرونه بعيد على حدود ايران او مالقيتوا احد يوديكم (( والله ياهو مشوار ))(( ترا في اختراع اسمه تكسي )) * وبالذات انكم طول الموسم صاكين الملعب لين البوابات حتى الخيمه اللى فوق الملعب شفنا فوقها جماهير (( كأن الامير عبد الرحمن وسامي الجابر والتايب والدعيع وياسر والشلهوب ماترجوكم طول السنه تحضرون )) * ولا تنسون ترا اللعيبه راح يقهرونكم ومايلعبون زين ليه تجون الملعب علشان تنقهرون (( بالذات مقولة ؛ وشوله اجي واخرتها مباراة ترفع الضغط وتجيب السكر )) * والاهم من هذا وذاك لاتنسون ان الجماهير الاتحاديه بالرياض تشبه الانتخابات المصريه 99.99 % من سكان الرياض يعني مالكم مكان (( انتم الجمهور الصعب والله واللاعب الاول والاتحاد جماهيره بالرياض 1 % فقط لاغير والباقي جمهور المسيار وجماهير الحقد الدفين وبالذات قهرهم من مستوى فريقهم اخر 4 مباريات بيحضرون يساندون الاتحاد كرها بالهلال فقط...)) * وعاد اللي بيجي لاوصيه الملعب كبييييير جب معك وساده وبطانيه اسبانيه علشان الدفا والنومه تضبط مع الهواء الطلق (( مانبي جماهير سايلنت على الصامت كأن الملعب مدينه اشباح )) هزوا الملعب ليه مانقتدي بجماهير الاتحاد بالشي الصح ليه مانقتدي فيهم ورابطتهم اقدم رابطه وتشجيع صحيح وترديد اسم كبتنهم نور 90000 مره وترديد اسماء محترفينهم المحترف يصير بدال ماهو ددسن 79 يصير شاص 2009 * لاتنسون امورنا كانت مستقرة بهالموسم والنقاط جمعناها وحنا منسدحين مافي عندنا اصابات التايب مااصيب ياسر ماسوى عمليتين الرئيس مادفع شي مدربنا ماانطرد وصفقاتنا ماخربها البلوي ابدا هي تخرب لحالها والامور كلش كلش زينه (( مابقى جهه ولا اى طريقه نحارب بها مامورست ضدنا وهنا ينكشف معدن الرجال وقت الشدايد نتكاتف او نتفرق )) ** النقطــــــــــــــــه الثانية ** ياجماعه الخير ابو فيصل دفع اكثر من 150 مليون من جيبه المفروض نقدره ونجي لعيونه وعيون الزعيم فديت عيونه ياسيدي يابو فيصل طالبك طلبه انت والعجلان (( لانه يتكفل دائما بمصاريف الرابطه )) او اي عضو شرف امسكوا رئيس الرابطه غندر وودوه ورشه بدلوا البطاريه الصيني ماينفع جيبوله الماني او ياباني دقيقتين ويطفي لايبح صوته قبل المباراة وزع جهدك المهم 90 دقيقه لاتوقف ** اخيرا نقتين ** جمهور القصيم والشرقية والغربيةلاعدمناكم دايما حضوركم ايجابي وتشجيع وحماس وجمهور الرياض جمهور النهائيات والديربيات هذي مباراتكم اعذاركم ماقبلناها تعالوا احضروا وبعدين انتقدوا اللعيبه اذا مالعبوا واغسلوا شراعهم بس ان ماحضرتوا لاتفلسفون زيادة لاتجيبون اعذاركم قبل انتقادكم لان وقتها مالكم حق همسه اخيرة اذا فاز الاتحاد يجب علينا مانزعل لانه فعلا هو الخصم الوحيد للهلال اخر 3 مواسم والباقي ماحولك احد وان فازوا نباركلهم ومثل مابذلنا هم بذلوا تحياتي لكم جميعا واللي يزعل من كلمة الحق بكيفه زعيمي واحبه اخوكم :smilie47:غزاوي الهلال:smilie47: |
اخوي ماضر ان شاء الله بأيام الاختبارات حاضرين حاضرين |
ماعندك سالفه يالمريض UUUUUUUUUUUUUUUUUUU |
إقتباس:
شكلك جيت معجعج مع العنوان اقرأ كلامي اخوي المرض تراه حولك ماهو بعيد سلام |
اخوي اللي يجيب الضغط والسكر هو جمهور الهلال في الرياض ... وبالنسبه لمباراة الاحد لاتوصي حريص بيجون لاكن المشكلة انهم يجون ينتظرون التتويج والاحتفال فقط ,, يعني ماتشوف تشجيع مؤثر للفريق زي مانشوفه في جده ولا الشرقيه ,, مشكور على موضوعك وبالتوفيق ان شاء الله للزعيم |
مافيه مممممريض الا انت اقوول اقرا الموضوع احسنن وانشاء الله الجماهير يملون الملعب ومايبقى ولا مكاان باذن الواحد الاحد |
انشالله الكل بيحضر بوسط الاسبوع بأخره بأوله لازم يحضرون هذا الزعيم .. |
نحضر بس ياخوفي نشوف مستوى يفشل لان بصراحه الهلال مستواه سيء يارب يكون توقعي خطأ |
مشكوووووور اخوي على الطرح الجميل جدا |
والله صادق لا نزعل لو ذهب الدوري للاتحاد وانشاء الله هلالي مشكور اخيو موضوعك حلو وجميل |
ماعندك سالفه يالمريض ماتستحي على وجهك ماغير تجي مدرعم ولا تقرا الموضوع وترد بعد وبعدين من اللي انت تقيم انت واشكالك وان كان ماتربيت حنا نربيك >>> تحمد ربك ان كاتب الموضوع محترم ولاهو مثل .....ولا كان كتب لك كذا عموما انت اللي الله يشفيك كاتب الموضوع اشكرك على موضوعك في محله واوفقك في كل كلمة كتبتها ماعندكم عذر يالجمهور كل 90 دقيقة لاتستخسرونها فالهلال تحياتي |
إقتباس:
وان كنت انا المقصود اتمنى تكوني فهمتوني قبل الحكم علي |
إقتباس:
وانا تركته لاني متأكد بيجي واحد فاهم ويقرأ الموضوع ويرد عليه وانت طلعت قدها تحياتي لك |
شوف يالحبيب إن شـاء الله حاضرين حاضرين ... إن شاء الله الهـلال يحسمها من بدري بنحضــر ولاحنا مقصرين اللعيبة إن شاء الله يلعبون بالروح المعروفـة عن الهـلال |
هههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههههههههههه ههههههههههههههههه ههههههههههههههههههههههههههههههه |
| الوقت المعتمد في المنتدى بتوقيت جرينتش +3.
الوقت الان » 05:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd