نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى المجلس العام (http://vb.alhilal.com/forumdisplay.php?f=1)
-   -   هل نحن شعب....((مهايطي)) (http://vb.alhilal.com/showthread.php?t=748720)

محمدالغفيلي 07/04/2009 11:16 AM

هل نحن شعب....((مهايطي))
 
استبيحكم عذرا على هذا العنوان
لكن بصراحة من يعيش في مجتمعنا يحس له اننا فعلا كذلك!!
سأتكلم هنا وبما انني اكتب في منتدى(الزعيم)عن سالفتين, الهلال فيها طرف,والسالفتين,انا سمعت عنهمانواع الروايات,من اناس كثيرين(اللي كلهم ماشاء الله واصلين,وعندهم علاقات يحسدون عليها)

السالفة الاولى
بعد اقالة الداهية كوزمين,اغلبنا سمع ان سمو رئيس النادي توجه للقاء الملك الله يطول بعمره في مزرعته في روضة خريم,من اجل شرح الظلم الذي حصل لهذا المدرب المظلوم..
بغض النظر عن صدق اوكذب هذي السالفة,مربط الفرس هنا ماترتب على هالسالفة..
انا يا محاكيكم اكثر من عشر اشخاص قالولي السالفة,وكل واحد يقول اعرف فلان وعلان,لدرجة ان احدهم والله قال لي اني اعرف (القهوجي) حق الملك,وهو حاضر السالفة(يعني بالعقل وشلون تجي هذي)
وواحد جاني وقال لي نفس السالفة,وسألته السؤال المحرج اللي يسألونه اهل المنتدى لمروجين الأشاعات,وش مصدرك يالحبيب؟؟
قال نسيبي ظابط بالمباحث!!
طيب نسيبك يابو الشباب بالمباحث وش دخله بمدرب كرة قدم؟؟
تلعثم,وقال لي نسيبي هلالي متعصب(جا يكحلها,واعماها)
اما كذبة ابريل فهي من الشخص اللي كان على قولتهم,رايح مع سمو رئيس النادي,للقاء الملك..
واحد يحلف ويقول انه مشعل بن عبدالله
والثاني يقولك لا ياشيخ عبدالعزيز بن فهد
وخذ وخل....

السالفة الثانية
اشاعة القبض على ياسر القحطاني بالخرج..
عاد هاذي من جد كشفتلي واقع(الهياط عندنا)
والله ياجماعة الخير اني سمعت اكثر من قصة,ومن هالمنطلق انا تأكدت انها اشاعة.
فجأة اصبح مدير شرطة الخرج صديق(نص الشعب السعودي)
لا بعد وازيدكم من الشعر بيت,مدير هيئة الخرج صار صديق(ربع الشعب السعودي)
عاد باقي ربع؟؟
منهو؟؟
منهو يارب؟؟
ايه,ايه,عرفت, باقي افراد القسم,وافراد الهيئة,هذولي اصدقاء(ربع الشعب السعودي الباقين)
اما الكذبة الكبرى هنا..
قالوا عبدالرحمن بن مساعد توسط له
وقالوا عبدالرحمن بن مساعد زعلان عليه
قالوا بندر بن محمد كفله
وقالوااحمد بن فهد بن سلمان كفله
وقالوا سامي الجابر كفله
ما بقى الا يجيك واحد ويقول(انا كفلته)!!


لكن الكسبان والله ولد القحطاني(ياسر)
تدرون ليش؟؟
لأنه وبأذن الله,اخذ من حسنات كل اللي تكلموا فيه.
ياحظك يا(ياسر)




عزيزي قارئ المقال بصراحة اذا خطر على بالك,تروح لأي دائرة حكومية,وش اول حاجة تطري على بالك قبل الروحة؟؟
انا عني اقولها وبكل صدق,اسأل ان كان اعرف احد يخلص اموري بسرعة,حتى لو ان الشغلة سهلة..
السؤال هنا ليش طيب؟؟
هل لأننا شعب مهايطي؟؟
ام ماذا؟؟
بأنتظار اجوبتكم..

تحياتي للجميع..

şηάķέ вℓùέ 07/04/2009 01:16 PM

والله صادقت ان شعب السعودي شعب مهايطي ورح لليوتيوب وشف مقاطع السعودين كلها هياط

كونتراتاك 07/04/2009 01:25 PM

أغلبية الشعب هيآط ،

مآنقول كلهمٍٍ

اللورد يوسف 07/04/2009 01:48 PM

اعجبني كلام الأديب عبدالله بن عسكر الظفيري على قناة فواصل قبل سنه تقريباً

يقول الولد لاجاء يجلس عند ابوه تلقى ابوه يسولف انا اعرف الامير وانا جيت من عند الأمير وسنعني بحاجه ولا من الوزير ويهايط ..

ولاجاء ولده تخرج من الثانويه يبي واسطه يتفاجىء بكلام ابوه انه هياط او يروح للأمير بس تلقاه يجلس بأخر المجلس ..

وعلى كلامه انه بينزل كتاب عن الفشخره وانا بالتحديد بإنتضار هذا الكتاب ..

لأن الفشخره بالمملكه مالها حدود ..


شكرا لك

عتيبية هلالية 07/04/2009 05:29 PM

هلا ..}



بتكلم بعامية :d



هل نحن شعب مهايطي ؟:smilie47:

بقدر ما نحن هكذا بقدر مانعيش من فراغ :no:

جعل الكثيرين ينشغلون (بالقيل والقال )

لدرجة ممكن الاشاعات تظر الاشخاص اللي حولك , والاكبر من ذلك ماتعرف كيف تنفي الاشاعه ؟


فكر قليلاً :smilie47::yes:

كثير من الناس لايفكر في مضمون الإشاعة الذي قد يحمل في طياته كذب تلك الإشاعة، بل تراه يستسلم لها و ينقاد لها و كأنها من المسلمات ..! وهناك من ينشرها أو يتجمل بها لكي يغشي ما نقص منه ..!

احفظ لسانك :smilie47::naughty:

هناك فئات وأصنافاً من الناس في كل مجتمع، قلوبها مريضة، أرواحها ميتة، ذممها مهدرة، لا تخاف من الله، ولا تستحي من عباد الله، مهنتهم ووظيفتهم وهوايتهم نشر الشائعات أو الكذب في أوساط الناس، تتغذى على لحوم البشر، ترتقي على أكتاف وحساب غيرها
فردة فعلك تكن بمادرة منك بأن تحفظ لسانك .!

فاصلة :smilie47:

كَمْ مِنْ حَسيبٍ كَريمٍ كَانَ ذَا شَرَفٍ * قَدْ شَانَهُ الكِذْبُ وَسْطَ الحَيِّ إذْ عَمَدَا
وآخَـرٍ كَانَ صُعْلُوكـًا فشَـرَّفَهُ * صِـدْقُ الحَدِيثِ وَقَوْلٌ جَانَبَ الفَنَـدَا
فصـارَ هَذَا شَـرِيفًا فَوْقَ صَـاحِبِهِ * وَصَـارَ هَذَا وَضيعًا تَحْتَـهُ أَبَـدَا



هل نحن شعب مهايطي ؟

تعرف على معناها ومن ثم عممها على مجتمعك ..!:d

تحيتي :smilie47:

:rose:

إحسااااس هلالي 09/04/2009 02:23 AM

بــــــــــــــــقــــــــــــــــــــــــــــــــوه

SMSM good 09/04/2009 02:36 AM

شعب مهايطـــــــــــــــــــــــــــــــــــــــــــــي
درجــــــــــــــــــــ1ـــــــــــــــــــــــــه
اخوك
ابومالك

الــفــارس 9 09/04/2009 02:55 AM

والله ياهي شويه مهايطي :d

يخوي كل شارع واحد حآد له واحد واقل شي هواش ويروحون والا الطبيعي كل واحد معه عجره تحت المرتبه عشان المواقف العظيمه اذا احد حده ولا شي << المشكله اني اول واحد بس الشكوى لله :d

أنا الي زماني تحداني 09/04/2009 08:04 PM

هــــآآآآآهـــآآآآهــآآآ من جد

hilali-arsenali 09/04/2009 09:37 PM

هذا نتيجة او ردة فعل الانتقال من مرحله الى مرحله اخرى
يعني بدوي طب في هريسه :d
.. ..
اصبحت الحضاره عندنا عباره عن مظهر :no:
و المظهر عباره عن هياط
يجب تصحيح مفهوم الحضاره و اعادة النضر من جديد
.. ..
من انواع الهياط ايضا انك تجد شخص موضف براتب 3500
سيارته bmw :bigeek:
كاسر ظهره قصد البنك
لو خرب فيها لمبه قعد يتسلف لين يسويها :razz:
كلها هياط و حب المظهر والفشخره
.. ..
نقطه اخيره احب ان اشير اليها
للأسف اصبحنا شعب ساخر لآخر درجه :confusedw:
يعني في احنك الظروف تجد الشاب يسخر من الموقف
و انا شخص وقفت على بعض المشاهد التي تهز البدن ويبكي لها القلب قبل العين
لكن اجد من البعض استهزاء وسخريه و ضحك :bigeek:
.. ..
يبقى كل هذا مرحلة طيش و مراهقة شباب
الحمدلله فيه ناس فاهمه و عاقله و فيها من الدين والعلم والحضاره الشيء الكثير:smilie47: :)
.. ..
شكرا لك على الموضوع الرائع وتقبل مروري :rose:

بريماكس 10/04/2009 01:05 AM

السالفه الاولى انا سمعت انه عبدالله بن مساعد راح مع احد ابناء الملك على ماعتقد مشعل:d
بس ممكن عبدالعزيز بن فهد وتراه خويي وعادي لو تبين اساله:d=> بدينا بالهياط:d

اما السالفه الثانيه وسالفة ياسر فاسمحلي .... اجل اشاعه سلامات :confusedw:
ياليت ماتاخذنا العاطفه ببعض الاحكام!!
صحيح كثرت الاقاويل عنه لكن الحادثه هي مانكذبه حنا شفنا شئ على الواقع ولا قلنا كلام من انفسنا !!
طيب من بكرى وبعده ليه قفل جواله و و و و و .... :confusedw:
ياخي يوم انتشرت الاشاعه اذا هي على كلامك اشاعه ليه ماوضح من بعده بيوم يومين!!

انا ماحب والله نشر الشائعات مهما كانت والواحد يفكر لو انه هو بمكان هذا الشخص:)
الله يحفظ ويستر على المسلمين جميعاً ..

ارسنال بوي 10/04/2009 01:11 AM

سالفة ياسر بالتحديد دريت ان كل الناس (خالهم ضابط في الخرج !!)

يا ان كل الناس تقرب لبعض و لهم نفس الخال ,, او ان كل سكان الخرج ضباط

:P

محمدالغفيلي 10/04/2009 11:40 AM

اخوي بريماكس,قناعتك الشخصية ان ياسر مذنب..
okمن حقك ياخوي..

لكن انا برضوا من حقي وبعد ان سمعت الاف القصص,اقول انها اشاعة,وبالتأكيد انك لا تستطيع اجباري على تصديقك,ولا انا برضوا استطيع اجبارك على تصديقي

تحياتي لك ياغالي

CR!S 10/04/2009 02:48 PM

خخخ

لكن اظنهم يقولون كذا عشان يقولون ان فلان يعرف واحد بالشرطه وجاب الخبر .. :d

واغلب الاشاعات تطلع من النت او الصحف الالكترونيه

وتلقاء ان الصحف الالكترونيه تحط لك عنوان الموضوع خطيير وهياط واخرتها كلها

خرابيط وكلام فآآضي ..

ومشكلة المجتمع عدنا على طول يصدقون اي شي .. :smilie47:

*زعيمة سدير* 10/04/2009 03:32 PM

السلام عليكم حنا عندنا ظاهرة جديدة وهي حب المظاهر ولاستعراض وانا والله ماادري ليه وش السبب كلن يبي يصير احسن من الثاني واكشخ منه وسبحان الله مايسوي كذا الا الي عنده نقص وعدم ثقة بالنفس وهذا الله يعلم من الحرماااان والفراااااغ ومانقول الا الله يهدي الجمييع ويصلح حالهم..

وولازم قبل لانتكلم باعراااض خلق الله لازم نتاكد لاننا راح نحاسب على كل صغيرة وكبيرة..
حررااااااااااااااام تبينوا تبينوا

جــــــــــمعه مباااركة...


الوقت المعتمد في المنتدى بتوقيت جرينتش +3.
الوقت الان » 10:25 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd