|
إقتباس:
انا ماقول يلعب انا اقول اهم شي الجمهور اذا مايبي يشجعه يتركه في حاله بس وبعدين الفريدي كلامك صحيح لياقته ماتخليه يلعب شوطين .. تحيآتي :rose: |
إقتباس:
هنا المشكله كلامك صحيح .. تحيآتي :rose: |
الفريدي ماعليه كلام ويعتبر لاعب أساسي في الهلال حتى لو كان احتياط مشكلته في البرود الزايد والاحتفاظ بالكورة اكثر من اللازم اتوقع يكون له بصمة في المباريات القادمة .. خصوصاً إنه لاعب هادئ والهدوء مطلوب في مباريات الحسم |
شف انا اقولك كلامك موزون ومضبوط وعلى العين والراس بس اتوقع يمكن فيه احسن منه بس انا اقولك لا انا ولاانت نقول هو افضل ولا غيره اللي يشوفه المدرب احسن هو الاحسن تقبل مروري اخوك هلاليروماني............. |
الفريدي طلع فتره وبيض الوجه ولكن بدأ بالتدني لضغوط الجماهير عليه لأن غياب التايب في تلك الفتره اثقل عليه اللوم فأصبح لوحده يمول الهجوم ولوحده الملام وان شاااااااااااء الله يعوود لمستواااااهــ |
شكرا لك اخي العزيز وكل لاعبو الهلال بحول الله سندعمهم ونقف معهم وهذا مايحتاجه كل الاعبون والفريدي كموهبة راهنت ولا زلت أراهن على هذا اللاعب على الرغم من صغر سنه لأنه جمع مميزاته نادرا أن تجدها في لاعب مقاتل من الدرجة الأولى صانع ألعاب ماهر هداف من طراز هناك أشياء بسيطه فقط يحتاج فيها لتوجيه وبحول الله سيكون في القريب العاجل من أفضل اللاعبون العرب ولا أبالغ لو قلت مكانه في الدوري الأوروبي دعواتي لأحمد ولنجوم الهلال بالتوفيق دوما |
انا مستغرب من برووده ويمووت الهجمات هذا وهو صغيير ,, اجل اذا كبر طيف بيسير ؟ , بيسير ميّت بالملعب |
طيب الجمهور وش دخله في الموضوع(هو اللي حاط الفريدي احتياط) وبعدين مستوى الفريدي منخفض في اخر مبارياته مع الهلال ونتمنى التوفيق للهلال في مباراة الليلة وكسب الثلاث نقاط |
لاعب ممتاز بس ينقصه بعض التركيز ، ويعيبه البرود في اللعب ، و فقد الاعصاب احيانا ، نرجو له التوفيق الفيلسوف القادم |
والله يالغلا موضوعك رائع ولكن عندي تعليق بسيط عليه الحين للمعلوميه الجمهور ماله دخل في اي شئ صار لاحمد احمد هو اللي ضيع نفسه بنفسه الولد عنده غرور مو طبيعي وهذا اللي دهور مستواه والبلا انه صغير للحين مااكتسب الخبره تشوف انه يتنرفز ويحصل على كروت مالها اي داعي او انه يتسحب بالكوره ويضيع هجمه او انه يحتفظ بالكوره مده طويله للحين مافيه احد عرف يضبطه ويخليه يتكي بدكة الاحتياط عشان يعرف ان فيه غيره واحسن منه وخله يثبت نفسه بالتشكيله مو تجي انت وغيرك ويبغونه يلعب على حساب اعصابنا سول الى آخر اربع مباريات وانتم تسبونه وتشتمونه ولا كأنه يلعب للهلال لكن احمد لا خله يسوي اللي يبغى وياخذ راحته ويرفع ضغطنا ورب البيت ان سول عندي احسن من احمد الفريدي << وجهة نظري وآسف يالغلا على القسوه بالكلام بس وربي طالع من قلبي |
فعلا كلامك صحيح والفريدي موهبه كرويه عظيمه لكن كان بمستوى افضل عكس آخر مبارياته مع المنتخب والهلال ايضا وقلنا انه يحتاج لقرصه اذن وفعلا اهو يحس بالقرصه حاليا الين يركز باللعب صح مثل ماكان اول.. |
الحقيقة الفريدي .. أنا من المعجبين فيه لكن فيه مشكلة في تفكير أحمد اللي هي يحسب انه يلعب بالحارة يعني مثلاً تنقطع الكورة منه يوقف مايرجع ياخذها ,,, يكسره أحد وهو يشوف إنها فاول والحكم يعتقد إنه غير فاول يوقف ويطالع بالحكم سلامات تطالع الحكم يعني تتوقع الحكم يبي يخاف منك ويرجع الكورة فاول ياخي الحق اللاعب وخذ كورتك اللعب قتالية مو مزاجية وغرور .. وأيضاً بطئ باللعب كذا كورة يواجهة بها المرمى يتأخر بالتسديد .. الفريدي لابد أن يركن بالإحتياط ويلعب الدوسري أو الشلهوب أما إننا نقعد نتفرج عليه وهو يتدلع بلعبه ونقول لازم نعطية فرصة لا المشكلة مو في لعبه المشكلة في فكره ولو كان في غير الهلال أجزم إنه منتهي من زمان مثل الثقفي وغيره من اللاعبين اللي مشكلتهم ماعندهم فكر احترافي ويلعبون بمزاجية .. بالتوفيق للهلال .. |
مااااااايحتاج احمد لاعب ممتااز وأتمنى وجوده اساسيا في مباراة اليوم أو الاحد لاعب من طينة الكباررر لله درررررررررك ياأحمد |
أشكرك أخوي على طرح الموضوع وأنا على فكرة ما أدافع عن أحمد فهو غني عني وعن غيري لكن المشكلة في كثير من جمهورنا العزيز للأسف ماحد سلم منهم ياسر ابتعد عن التهديف بسبب الارهاق والاصابات قالوا مكانه احتياط الدعيع الله يطول عمره ويعطيه الصحة والعافية أخطأ في مباراة وحده قالوا شيب وكبير ولازم ندور غيره الفريدي مع تحفضي على عصبيته الزائدة فهو نجم قادم بقوة بس نصبر شوي المفرج قالوا نسقوه أو أبعدوه وبعضهم شتموه ذكرت هؤلاء لأنهم هم الأقدر بالرد علينا ليكن عندنا قليلاً من الوفاء أليس الفريدي من أنتزع الكرة من المدافع الإتحادي بقتالية منقطعة النضير أليس ياسر هو من جلب الأفراح الهلالية في الدوري وغيره من المناسبات أليس محمد الدعيع أبو عبدالعزيز الله يخليه هو من وقف سداً منيعاً ضد هجمات الإتحاد في الدوري الموسم الفائت أليس فهد المفرج هو من أهدى الهلال بطولة ولي العهد ؟؟؟ أقول لأحبتي لنقف مع نجوم الزعيم كلهم فهم بحاجة للتشجيع ولا نقول نمنع الانتقاد ولكن نبتعد عن التجريح ونختار الوقت المناسب والمستقبل بإذن الله كفيل بأن يصقل موهبة الفريدي وغيرة من نجوم الزعيم |
والله هذا اللي نقوله من زمان الفريدي لعيب لكن اصبرو عليه صبرتو على سيول وماصبرتو عليه |
| الوقت المعتمد في المنتدى بتوقيت جرينتش +3.
الوقت الان » 01:24 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd