|
المكآفأه ..(نصوم نصوم ونفطـر على بصل).. بسم الله الرحمن الرحيم حيآكم ربي أعضآء وعضوآت مجلسي الغآلي , أعتذر عن الانقطاع بسبب اختبارات الجامعه [ دعوآتكم لي بالتوفيق] , أنقطعت عن الردود لكني لم انقطع عن متابعة المواضيع الشيّقه في المجلـس :) , موضوعي اليوم عن مكآفأة الجآمعـه طبعا ً أنا أدرس في جامعة حائل والمكآفأة تقدّر بـ 970 ريال :) , طبعا ً المكآفأة بطلعة الروح تجينـا يعني بعد كم شهر تقريبا ً ومستحيل تطلع بآخر الشهر مثل النآس والعالم :no: وقبل كم يوم كنت أفكر هل المكآفأة تغطّي احتياجات طالب الجامعه أو أن الطالب يحتاج لزيآدة المكآفأة ..؟ وكتبت قآئمة بسيطه عن الفلوس اللي أصرفها في كل شهـر :razz: وهذي القآئمــة :: بكل يوم أصـرف :: (( للفطور 5 ريآل + 4 ريآل للكوفي والكتكآت :smilie47: + 1 ريآل للمآء .. )) وبكل أسبوع أصرف :: (( 20 ريآل للحلاق :naughty: + 30 ريآل للبنزين + 40 ريآل للعشآء من المطعم <كل يومين + 4 ريآل لتصوير أورآق المدرس للمآث :cry: )) كل شهر :: (( 100 ريآل قطّه مع الشباب )) وكل 6 شهور :: (( 1500 ريآل قطّه للإسترآحة )) وبعد الحساب طلع لي الحسآب : ( أصرف كل يوم 10 ريال ,, وكل أسبوع 94 ريآل ,, وكل شهر 350 ريآل ) طبعا ً أنا أدرس في مدينتي وعشان كذا ما احتاج أدفع فلوس للشقه أو للغدآء أو للعشآء أو الاشياء الثانية اللي يحتآجها اللاعب اللي مغترب عن مدينتـه ..! أخيـرا ً لاتحرمووووونــي أرآئكــم وردوودكـم :):rose: |
سلآلآم .. عليكم ..!! بالتوفيق لجميع الطلآب ..!! والله حالتكـ صعبه ..!! استراحه وعيـــآل .. يعني تصرف .. كثير ..!! والمطاعم .. والفطور والغدآ .. هذا كل شخص لآزم .. في الشهر 100 [ ر ] < يعني ريــآل .. :d .. تقريبــآ .. أنـــآ عني .. توني .. في الثانوي .. يعني مابعد صرت كبير .. :cry: :d ومكـــآفـــآآة .. والحوسه هذي .!! :d مشكور .. أخوي [ ريـــآن ] .. على هيكـ .. مواضيع .. :rose::rose: تقبل مروري :rose: :smilie47: |
والله الموضوع اللي ودك كل يوم تتكلم فيه عجزنا و حنا نحتريها والله معاناة للطلاب الجامعيين لكن وش نسوي الشكوى لله حسبنا الله و نعم الوكيل هالحين هي من كثرها طيب ليش تتأخر أنا أبي سبب واحد للتأخير لو رواتب موظفين كان قلبوا الدنيا فوق تحت الله يعين و يظل الإنتظااار..... |
عاد مكافئات جامعه الملك سعود اخر شهرين او ثلاثه تنزل بالوقت المحدد :D لاتجيبون سيره مكافئات يتذكرون اللحين ويأخرونها :D ترىاها فاكه ازمه فواتير :D |
ههههههههههههههههه ياخوي احمد ربك انا ادرس بمعهد يعني مكافئه مافيش حنا نعطيهم مكافئه ياليت لو يتصدق علينا المعهد ولو بعشره ريال على قل نتذكرهم بخير مو كل شوي يجي المحاسب ويدق باب القاعه الاسبوع القادم اخر يوم لتسليم المبلغ ولا ترى نظطر لدردكم |
:rose: طيب والي مكافآتهم 840 :(:d وماكل تبن وساكت :d ومع اني اصرف صرف أكثر من الي تصرفه بمليون مره :to: يعني انا كل تقريباً باليوم الواحد أصرف من 30 إلى 50 ريال بالقليل :to: والصدز أن المكافآت تنزل عندنا بجامعة الخمام أول بأول ولله الحمد :smilie47::d لكن أول ما تنزل تخلص بأسبوع أو أقل :d بس الحمد لله ماشي الحال :yes: والله يعينكم ويوفقكم جميع :smilie47: ][ دمتـم بـود ][ |
إقتباس:
وشرايك في اللي عطوهم بطاقة الصراف وفيها 0 ريال :d ولاعاد تتنتز علي ههههههههههههههه :bx: مشكور اخوي ريان والله يعين الطلاب بس |
في الواقع لو جينا نحسب المكافأهـ للطالب اللي عايش عند أهله أشوفها مناسبة وأنت أحد الأمثلة ومكافأتك الحمدلله تعيشك شهر لكن بالنسبة لأمثالي اللي عايش بعيد عن اهله << مو بعيد مره بعيد شوي :D تكون جدا قليلة بحقه خاصة إذا عرفنا أنا الطبخ في الغرفة ممنوع يعني ما يأكل إلا من المطاعم قالوا عندكم مطعم الجامعه أسعاره مخفضه ولو تدخل مطعم الجامعه تجد جودة الأكل إذا ذاك اليوم الطباخ مروق وطبخ أكل زين تكون الجوده 0% ومع ذلكـ إذا ذهبت تبحث عن الأجود في المطعم راح يكلفك 11 ريال وش فرقت بالله .. ؟ عالعموم الحمدلله عايشين والـ 990 أفضل من تبن :D شكرا ريان |
إقتباس:
ماراح اعلق الا :bx: :ap: شلون 0 ابي افهم والله يااخوي انا بنت واحس انها شويه وفوق كذا اصرفها بخرابيط مو شي مهم افكر فيكم والله انتوا الطلاب اللي كل شي فوق راسكم الله يوفقنا ونتخرج ونتوظف |
ترا حنا بنعمه ولله الحمد والمفروض تشكرون الله على هالنعم أذكر وقت دراستي بالجامعة ، قابلت مدرس مصري توه جاي للسعودية ، وما يدري عن الأنظمةويبي يشتغل شغله ثانيه بالمساء أخذت وعطيت معه بأني مو محتاج لوظيفه مسائيه لأن المكافئه تكفيني لنهايه الشهر هو بقق عيونه ، وسألني وش مكافأته!!. علمته إن الحكومة تصرف مكافأه شهرية للطلاب الجامعيين وللمعاهد الحكومية ناظرني بنظره غريبه وقريت بعيونه ( القهر ) وتذكره لدراسته وهو يجمع أيه مبلغ علشان يكمل دراسته. وحنا نتبطر على النعم ______________ أخوي الصغير مثلكم ما أدري وين يودي مكافأته. أسأله وين توديها ؟ يقول : ما أدري !!!. أجل من اللي يدري !!!. ما أدري هل تتطالبون بزياده بالمكافأه!!. هي مكافأه لمساعده الطالب على مصاريفه ، ما هي ( راتب )!!. ولو هي راتب - ما أحد راح يتخرج من الجامعة لأنه بتفكيره ما راح يلقى وظيفه!!. للمعلوميه فقط فيه ناس كثير من الطلاب يصرفون على أهلهم من مكافأه الجامعة فأحمدوا ربكم على النعم. |
اللهم لك الحمد ... جامعة طيبة من بداية السنة وهي تنزل المكافآت بأقصى تآخير خمسة آيآم ... ونظام جديد مسويته الجامعة .. النظام هو المكافآت تنزل بآول ثلاثاء ببداية الشهر ... لكن تظل المكآفآة قليلة مقارنة بظروف المعيشة .. |
اقـــول احــمدوا ربكــم منتم بجامـــعة تبـــوووكـ >> قسم بالله قهــر:cry: يعنـــي بعد 3 شهــور صرفوا المكافأه >>> قلنـــا بداية خيييير:smilie47: لكن انهم يسحبونهــا بعد اسبوع :bigeek: خمسطعشر الف طالب يورو تبلعهــم الصراااافاات بس ترى صـــارت سرقـــه >> اغبياء يعطونك بظرف الصرافه والرقم السري وسرقووهـــا ناس >>> انا اقول انه الشايب هذاكـ ( ما ابي اظلمه لكن ياخي يقهر كأنه مديـــر الجامعه ) :d ما اقول الا الله يصبــــر اللي اهلهم مهم بتبــوكـ :yes: الواحــد برطمه ييبس وهو ما اخذ شي >>> لاياشيخ ابوك مخلفك وناسيكـ ( الله يخلي لي الواااالد :smilie47:) تشـــكراااات خيوووو |
سلآلآم عليكم والله هالموضوع مهبل بأغلب الطلاب المكافأهـ المكافأهـ.. كل شوي مفلس .. ياخي كثيييير طلاب متأزمين منه ويخلص لك اياه باسبوعين بالكثير وان سئلته وين طيرتهـ؟؟!!! يقول لك :- مآآآآآآآآآآآآدري !!!!!!!!!!!!!!!! طيب حاول كل مكافأهـ .. ترفع منه شوي .. يعني ع الشهر الجاي ممكن يساعدك بشي المكافأه انه ماتكفي للطالب .. مشكله ... وتأخر المكافأه مشكله ثآنيه عاد مثل بكلية بجدهـ للتربيه الفنيه .. اللحين بادين يطبقون عليه نظام الجامعات .. ولا اول تنزل لك بعد شهر ونص او شهرين .. لا وميب كامله بعد يعني لو نزلوها للطالب بوقتها .. ممكن يدبر روحه يحلق على نفسه .. اما انه على نهاية الشهر ولا شي .. تلقاه متسلف بعد بس انت تهون عن اللي برا ديرته ..شي لشقه اجار وشي لأكله يعني اشياء كثير يدفعها اكثرمن اللي بديرته لا وزيادهـ بعد مكافأته اقل منك احمد ربك وان شاء الله قريب الجامعات والكليات يصير نظامه واحد .. وكل شهر بشهر .. وينزلون لطلاب المدارس مكافأهـ بعد <--- تعرف تحلم الله يعيييين بـس .. |
أنا فــي مــعهد سكيــكو وســكيكو قالت رح ادرس في كلية التقنية والسنة الثانية تعال والمكافئات 1900 1000 على الكلية ... و900 على الشركة اي واحـد في التقنية يعرف ان ماينزلون المكافئات الا كل شهرين ينزلون حق شهر ههههه عاد انا خارج مدنتي تعالوا شوفوا المصاريف 900 ريال أجـار الشقة 400 الى 500 ريال أكل ( فطور - غداء - عشاء ) مطااااااااااعم شهــريا 100 كونكت موباااااايلي 200 مصاريف من مغاسل الى كتب الى تصـوير ولكن نقــول الحمد لله على كل حااااال غيرنا مو حاصله والوالد مايقــصر ههههه |
جامعة الملك سعود كاااااااااارثة في المكافئات الحمدلله انا اشتغل مع الدراسه و مضبط وضعي :D بس دراستي مسائيه لكن سابقا كانت الدراسه صباح ومساء يعني ماعندي وقت اشتغل والمكافئات تتأخر الحمدلله على كل حال وخذها قاعده دائما .. مد ارجولك على قد لحافك واترك عنك الهياط .. :D وقتها تكفيك المكافئه وزود :) |
الحمد لله على كل حاال ياخي فيه طلاب مغتربين .. عنده مصارريف شقة .. الاكل .. وكل اسبوع او اسبوعين ينزل لاهله !! انا اشووف انها كاافية للي ساكن عند اهله !! لأن المكافئة ترووح تسديد فواتير وبنزين وتصوير المذكراات .. وذا يقى شي يرووح كماليات !! إقتباس:
:d |
وطلاب كلية المجتمع وش يقولون طيب :bx::bx: |
فيه احد هالايام عايش على المكافأة .. !! طلبات الجامعة اكثر من المكافأة .. واللي يبي يدرس ويعتمد على المكافأة ما اتوقع رح يكمل دراسته .. |
الله يعينكم وبارك في رزقكم ... عندي كلمة ودي أقولها ..الشباب مبذر جداً ..أنا مع الذي يقول كل شيء غالي والمصاريف كثيرة نعم ولكن مع قليل من التنظيم والتدبير تستطيع العيش بستر ...ويجب على الجامعات أن تنزل المكافأت نهاية كل شهر...أخي يدرس في جامعة الملك فهد (الظهران) ومعهم شاب متفوق ومجتهد ويحول نصف المكافأة لأهله ..ومدبر أموره ... الله يوفقكم ويعينكم ويرزقكم حسن التدبير ويبارك لكم في الوقت والمال يحفظكم ربي جميعاً.... |
اعذرني اخوي ريان على الرد مرة اخرى .. :rose: إقتباس:
إقتباس:
اعتقد فيه شئ من المبالغة .. :confusedw: |
إقتباس:
يعني باليوم 10 تصير بالأسبوع 70 وشدخل 94 .!!:to: // ندخل في صلب الموضوع .. ياخي والله تنرحمون ياجامعين ياكبآآآر انتو ياحركآآت ..:d يعني اانتم اذا نزلت مكافئتكم كأنها كنز طآيح من السماء :bx: والله مدري وش تحسون فيه!! ترا راس مالها 840 ماتوكل عيش :d موب متجرتكم ولا مفقرتكم <-- مايمديكم ع اللهجه :d يعني انتم الحين ماعشتوا الا ع راتب الجامعهـ ؟!!!! :bigeek: ذي مصيبه !! // والله الجامعه قلق ..! يحبون خشمي ماأكملها :d :rose: |
إقتباس:
تمنيت اني ما عقبت على الموضوع بعد ما قريت ردك .. انت فهمت ردي غلط .. اللي اعنيه ان هالالف ريال اللي يستلمها الطالب ما اتوقع نهائيا تكفي مصاريف الطالب حتى يبقى منها شئ لاهله .. والمشكلة انها مو منتظمة حتى يعتمد عليها الطالب واهله في مصاريفهم .. وعمري ما فكرت بالطريقة اللي وصفتني فيها .. واللهم لك الحمد على كل حال .. |
إقتباس:
أبشر طال عمرك بحذف ردي وأعتذر لك إني فهمتك غلط s13s أحسك يا فهد فهمت من ردي إني معصب ، ما أدري ليه بعض ردودي لما أرجع أقراها أحس إني معصب ، وأنا بالأساس أبين وجه نظر بس :d |
اقول احمدو ربكم ... الناس تدفع فلوووووووووس علشان تدرس وحنا تندفع لنا فلوس علشان ندرس لا وبعد نشكي . |
والله انكم مبذرين يا طلاب الجامعة انا كنت ادرس في معهد الإدارة العامة ... وكانت المكافأة 1000 ريال والحمد لله تنزل بانتظام .... وغير كذا متزوج ... والحمد لله كانت كافيه وزيادة 300 ريال مقاضي بيت ... في الاسبوع 30 ريال بنزين يعني 120 ريال 100 ريال شحن لي ولزوجتي 100 ريال في يوم المكافأة (حقة فله وتمشية ومطعم) يبقى تقريبا 400 ريال (تروح للأشياء الثانية مثل حلاق مغاسل ومقاضي يومية من خبز ولبن وحليب وزبادي وبيض وصامولي للفطور ودبات مويه )) والحمد لله ... الحين متخرج ومتوظف زي العسل |
في الوقت الحالي ما اتوقع تكفي شي خصوصاً باللي يحاول يوفر منها !! متطلبات الدراسة تقصم الظهر .. وفوق هذا احتياجات الطالب سواء من معيشه او غيرها ارتفعت !! والاهم انها مهيب تنزل بإنتظام بالعكس اغلب الاوقات تتأخر .. فالواحد يبي يواجه صعوبة من حيث التوفير !! كان الله في عونكم يالطلاب .. خصوصاً من كان مغترب وبعيد عن اهله .. والله يسهل اموركم ويوفقكم .. مواصل ياخي ليش انت دايم معصب ههههههههههههههههههههههههههههههههههه |
يعطيكـم العآفيـة على آرآئكـم اللي أستمتعـت بهـا .. وهنا بعض التعليقآت :: إقتباس:
أنا قلتهـا بالموضوع قلت المكآفأة ولله الحمد بالنسبة لي جيّدة .. لكن بالنسبة للي مغترب عن أهله ماتوكله عيـش :rose: إقتباس:
الحمدلله حمدا ً كثيراُ طيباً مباراكاً فيـه .. كلامك صحيح لكن دولتنا ولله الحمد ماناقصها شي أنت شفت كم فايض الميزانية العام الماضي؟ أنا اقول تزود ولو 500 ريال للطالب بسسسسس :) والصراحه مع كامل احترامي لك مافيه مقارنة بين حال دولتنا الميسور ولله الحمد مع حال بعض الدول مثل : مصر .. !! إقتباس:
معكـ حق هالأيآم مستحيل الوآحد يعيش على مكآفأة الجامعـة .. لكن مع كذا الطالب مافيه امل يستغني عن المكافأة :rose: إقتباس:
أرجعي للموضوع وستجدين إجابة شافية لسؤآلكـ :d , والصرآحه اذا بغيتي تكملين الجامعة فهذا شي لنفسكـ وماراح يتسفيد أحد الا أنتـي :rose: إقتباس:
الحمدلله على كل حال .. ومجرد تشكيّنا مايعني أننا مانشكر النعمة حنا عارفين ان فيه طلاب بدول ثانية يدفعون فلوس ويخسرون عشان يكملون دراستهم لكـن الانسان دآيمً يبي الأفضل :yes::rose: بالاخير يعطيكم العافية على ردودكم وأرآئكم .. أتمنى من الأخ مواصل أنه مايعصب علينا :bx: |
إقتباس:
صدقني يا ريان حتى لو وصلت المكافأه إلى 5.000 ريال راح تشتكون من قلتها لأنك الآن تفطر بـ 10 ريال ولما تكون مكافأتك 5000 ريال ، راح تفطر بـ 20 ريال وتتغدى بـ 30 وتتعشى بـ 20 وبدال ما تفصل الثوب بـ 150 أو 200 ريال ، راح تفصله بـ 400 ريال وقس عليها كل ما تحتاجه هي قاعدة ( كل ما زاد الدخل زادت المصاريف ) أما عن العصبيه فأبشر طال عمرك :d |
إقتباس:
عادي خيو عندك وعندنا خير :razz: لدرجه احياناً ستة شهور ولايصرفونها إلا بعد هالمدة وبالنسبه أنها تكفي للطالب الجامعي 1000 ريال شهرياً مكأفتي اقولك لا وهذا أنا بنت :smilie47: ماوراي بنزين :d وثياب بالمغسله :d ألف ريال يا الله أغراض هالقسم :to: فمابالك بالشباب ولا أتوقع فيه احد حالياً يعتمد على دخل الجامعة اشوف المحيط الي حولي ماتمشيهم حتى نص شهر :yes: موفقين ياربي :smilie47: |
يا نااس اي مكافئه طوول ذا السنه ما شفت منها الا شهرين و انا الحييين ع الحديده بس الله يخلي الاهل |
تصـريف باليوم عشـرة ريآل بـس !! لآ غريبة ما آصـدق عشـرة ريآل وش تسـوي بآلله آنا صرفيتي يوميآ ما تقل عن 50 ريآل وبعض الايآم ما تقل عن 100 ريآل |
انا بجامعة الملك سعـود ، والحمدلله عايش مع أهلي وفوق كذا أشـوف المكافأة مجرد ترفيه للأسبـوع الأول من الشهر فقط لاغير ، عاد أفكر في إخـواني المغتربين !! أح بس الله يعينكم ، متى يصدر قرار بمضاعفة المكآفآت دبل ؟؟ < طمـوح هـع مشكورين |
| الوقت المعتمد في المنتدى بتوقيت جرينتش +3.
الوقت الان » 07:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd