http://d.yimg.com/a/p/ap/20090407/ca...6HFUF713yAjA--
الحمدلله يارب .. بهالمستوى السيء والعك اللي شفته امس وقدرنا نتعادل .. اشوفها نتيجة جيدة .. حتى مباراة ليفربول وفولام ما كنا بهالسوء :) .. من المباريات النادرة اللي كنت اتمنى تخلص بس للمانيو !!

بورتو كان الافضل اغلب المباراة .. لو نحسبها من جميع الجهات .. ما تقدر تلوم احد .. الفريق كله كان سيء ما عدا روني وابو سار .. قبل يومين بس مباراة صعبة مع الفيلانز .. اللاعبين بذلو فيها مجهود لياقي خراافي .. و بورتو لاعب على هالجانب .. قابل فريق مرهق بس مع ذلك ما خسرنا :smilie47:

المشكلة فيه اخبار عن إصابة ايفانز وغيابه عن مباراتي سندرلاند و بورتو .. وفيه اخبار تقول ان فيرديناند احتمال كبير ما يلحق مباراة الدراغاو .. وجود الريو ضروري .. مالها داعي نلعب بأوشي قلب دفاع :no:

كاريك فيه انخفاض عجيب غريب بمستواه .. مدري وش جايه .. الموسمين اللي راحوا كان هو العلامة الفارقة بالفريق .. هالموسم عموماً مدري شفيه :confusedw: .. سكولز اخر المباريات نفس الكلام .. فليتش ما قصّر ويكفي مجهوده الاحد :smilie47:

عموماً نتيجة سيئة لما نحسبها على ارضنا .. بس واقع المباراة يقول نتيجة معقولة .. ان شاء الله تكون دافع للاعبين يعوضون ويراضونا الاربعاء الجاي :smilie47:

يعطيك الف عاافيه

بالتوفيق للجميع

^

طيب والمطلوب ؟! :d
...............

http://www.sport.es/vivo/recursos/fo...355018_CAS.jpg

ساعات اقول ليش مومباراتنا امس علشان ارتاح :to: وساعات اقول ليش ماانام لبعد المباراه واشوف النتيجه واعرف الزبده :to: وساعات اقول فريقنا زييييييين ياحسييييييين :to: بس خوفي يتكرر سيناريو كلاسيكو الكامب نو

الفرق الوحيد انه المدرب مستقر .. لكن الفريق يعاني من غيابات مهمه .. وهاالشئ ممكن يغير استراتيجية الفريق بشكل كامل .. لأنه هالمباراه حياه او موت بالنسبه لهم .. هي البطوله الأفضل بالنسبه للعملاق البافاري حاليا وهي الا ممكن ترجع قوة شخصيته في اوروبا بعد ماانخفضت مع ماجاث ..

عادة ما أؤمن بالمقولات التاريخيه .. الألمان مايوقفو الا لما يروحو بيوتهم وينامو :ap: والبرازيل بلد المتعه الكرويه الوحيد :d و الطليان اسياد الدفاع :d ووو

على عيني وراسي تاريخ العملاق البافاري .. وعلى عيني وراسي الصوره الا رسمتها الماكينات الالمانيه لنفسها على مدار التاريخ .. لكن .. كل فتره من الزمن يطلع شئ ويرتفع شئ وتنخفض اشياء ..

عندهم لعيبه حلوين .. ومدربهم جيد جدا .. وهالفريق محبب ليي .. لكن يرحم امكم لاتصعبوها عليي :d خلونا حلوين وخلونا نتأهل :d اوكي يالبايرن :d

ببساطه اكره واقع خروج المغلوب .. اكره واقع ان 180 دقيقه تغربل وتدمر عمل شهور .. ولأنها ايضا في احيان كثيره سيناريو المباريات لاتنصف المهزوم ..

اتمنى نخرج بدون اصابات .. بدون اهداف في مرمانا .. بدون اخطاء تحكيميه كبيره .. وان شاء الله نحن لها ..

هنري :smilie47: ابغا اشوفك ضبع صايم شهر كامل اليوم :d:to: ثقتي فيك كبيره يالغزال .. وان شاء الله جوعك للبطوله الوحيده الا غائبه عن خزائنك راح يوصلنا لـ روما ..

احس المدربين يبغوا يفاجئو بعض .. لو حسبناها على انه .. ( لام - ريبيري ) و ( ميسي - داني الفيس ) كلهم في جهه وحده .. اعتقد راح يكون شئ متعب .. مو للفريقين ولا المدربين ولكن الجماهير والمشاهدين راح يستخفو :to: تخيلو 90 دقيقه تطالعو فريقين يتقاتلو في جهه وحده :d ما حلو ما هيك :d << اخص يالزلمه ..

ممكن نشوف الليله .. هنري الكبير مثل مباراة فالنسيا .. وممكن نشوف اشباح في الملعب :bigeek: .. ماادري .. عموما تفاءلو بالخير تجدوه .. ولكن الاحترام وكل الاحترام للخصم الالماني ..

على فكره .. في اغنيه جديده راح يذيعوها الليله قبل المباراه وفي فترات التوقف برضو .. هذي الاغنيه الا فهمته انها قديمه ولكن اعيد توزيعها .. وراح تكون مثل you'll never walk alone ولكن الخاصه بالبارسا .. وعلى الرغم من اصدار هالاغنيه واعتمادها كشعار للبارسا في مبارياته الا انها ماراح تمنع من اذاعة نشيد البارسا العريق المعتاد قبل المباريات وبعدها ..

على فكره .. بامكانكم تهايطو .. واذا خسرتو .. تذكرو العذر الرهيب الا عندنا .. فريقنا هالسنه للاعداد وليس للبطولات :ap::ap:

لالا جد .. بيب مااعتقد يحتاج يثبت شئ زايد علشان يبين قدرته في قيادة الفريق سواء فنيا او اداريا .. ولكن للنجاح وللوصول لمنصات التتويج نحتاج الحظ .. انا اشوف بالنسبه لخط سير الفريق في البطولات هالموسم .. بيب يمتلك حظ كبير .. لكن هل هو حظ الأبطال ؟ .. نهاية الموسم تتبين لنا المعادلات النهائيه ..

الزبده .. خلونا حبايب يالالمان .. وخلوها تجي بالساهل وبالاخلاق السعوديه احسن من شغل الضرب تحت الحزام :razz:



متأكد مو اخوه والا شئ :d تراه يشبهه على خفيف :d

الله يوفق برشلونة اليوم

تقبل مروري

انس.. وش ذالنشاط اللي مع الفجرية :d

حسين .. بتفوزون


لي رجعة بعد شوي

يعني تقصد ياعبدالله ان الارسنال زلايب:to: والا تقصد ان اللاعبين الحاليين ماحولك احد:to:

وتتذكر ايام ارسنال قبل يظهر فريقك على الحياه:to: وتقول وين راحوا الريجيل:to:


ترى الدعوى مزح :ga:

تركي ما عليك منه :D

أبو عابد أي فريق يبرز يشجعه على طول ..

واللي يشجعون تشلسي متأكد إنهم ما طاحوا بمتابعة الكورة الأوربية إلا قبل أربع أو خمس سنوات على الأقل :D

طبعاً أستثني الناس اللي كانت تشجعه وهو مثل فولهام والخرابيط هذي :D

أسير >> أحبك وأكرهك بنفس الوقت :D