وربي شوف عيني ولأول مره ( عزاء ) داخل المدرج الازرق .. للأسف
 

السلام عليكم ..

تحيه طيبه لزعماء الكره السعوديه واسياد آسيا ..


..


في تصريح للأمير عبدالرحمن بن مساعد .. وجه فيه رساله للجمهور الهلالي

وكان يعاتب الجمهور الهلالي اللي حاضر ( يعزي ) ومو ناقص الا يرفعون شعارات ( عظم الله اجركم )

وش هالجمهور هذا ؟؟

ما اتوقع ابد هذا هو ( الموج الازرق )

وين حركات الموج ؟؟؟؟؟؟؟

وين الزلزال طيب ؟؟؟؟؟؟؟؟

بصراحه علامة استفهام على كل هلالي يدخل المدرجات


..

شباب شكلكم فاهمين غلط واكيد هذا اللي صاير وبكل أسف

لا تفهمون ان بمجرد دخولك للمدرجات وتواجد كالـ التمثال يعني انتهى دورك !!

لانك لو كنت تفكر كذا فأنت غلطان

دورنا كمشجعين هي المسانده بالمقام الاول والاخير

عشان ..

1 ) تدعيم للاعبين الهلال

2 ) ارباك الفريق المقابل

3 ) الضغط على الحكم ( شوفوا الجمهور الاوزبكي كيف كان يسير الحكم )


..


انا مقدر انكم جالسين على اعصابكم لانها مباريات كؤوس في نظري

ولو خسر الهلال نقطه وحده بس .. لكانت كفيله بتسليم الاتحاد درع الدوري

ولكن .. مساندتنا كـ جمهور هي الدافع للاعبين

ولا تفكرون تصفيق وصراخ لمدة دقيقه و بعدين 20 دقيقه صمت .. رح تكون مفيده

ابد ما منها فايده وعدمها احسن بعد

..

وفيه موضوع ثاني ابي ادخل فيه

رئيس الرابطه كم شركة عقار عنده ؟؟

لهدرجه مشغول ونص مباريات الهلال نشوف رئيس رابطه ( غير شكل )

اذا مشغول بالبزنسس يترك المكان لناس أكفئ منه

وحتى لو حضر .. الاحظه ( ابرد ) من الجمهور نفسه

وغنيه مبعدها يسكت شويتين وبعدين صفقتين وصرختين وانتهت السالفه وقضت المباراه



هذا كلام فاضي !!

..


ثقتي بالجمهور الهلالي ( كبيره )

والمباريات الجايه اتوقع انها مباريات ( كؤوس )

ومتأكد اني بشوف الموج الازرق

ورح اشوف اقوى زلزال بالمدرجات الزرقاء

والأكيد ان ( غندر ) رح يغير اغانيه شوي بدل العذاب اللي نسمعه والتقليد


..


ملاحظه : فيه اصوات نشاز ( تشترط ) شراء تذاكر المباراه لحضورها

واحب اقول لهم .. الكيان الهلالي عمره ما وقف على جمهور ( المجان )

..


شاكر ومقدر

مشكورين على سرعة النقل ..

اي والله وأكبر دليل على كـلآمك
7

http://upload.alhilal.com/img/014/sharq-zae.jpg

رئيس الهلال: صمت جماهيرنا حافز للمنافسين ويريح الحكام

.......................

أتمنى من جماهيرر الزعيم ألآنتباه ومسانده الاعبين بقووه

الله يوفقهم ونتمنى من الهلال حصد النقاط الثلاث كاملة بالتوفيق للزعيم يارب

وأهم شي هو الحضور الجماهيري والتشجيع طوال المباراة مثل ما قال أبو مساعد

لابد من التشجيع وارباك الخصم

كلكم شاهد الجمهور الحاضر مباراة السعودية والامارات وكيف كان سلبي رغم انه ملئ جنبات استاد الملك فهد

لكنه كان صامتا طوال لحظات المباراة مما جعل المنتخب الاماراتي يظهر بصورة أفضل من المنتخب السعودي في الشوط الاول

نريد الحضور فقط الجمهور الهلالي ..!! المخلص الوفي ..!!

لانريد جمهور المجان ..!!


يعطيك العافية ع النقاط اللي تطرقت لها .!! واتمنى من اي شخص يحضر المباريات القادمة يعاهد نفسه ع التشجيع حتى نهاية المباراة ..!!



:)


لك مودتي

السلام والله انت صااااااااادق جمهورنا ياخي كانهم يطالعون فيلم ياخي انا بقول لك حاااااااجة انا مابي اظلم محمد غندر انا كنت معه في الرابطة مباراة الاتفاق والله الرجال جاب لنا اغاني جديدة تجنن والصراحة مووو الغلط منه الغلط في الجمهور النايم لما غيرت مكاني الشوط الثاني عشان انا كنت ابي اكون عند مرمى الاتفاق صراحة قلت للجماهير اللي عندي يله نسوي الموج قالوا انت مكانك الرابطة يعني اش معنى الرابطة بس اللي تشجع ولا كيف الصراحة جمهووووورنا ناااااااااايم وبس ياخي تحركوا تحركوا مباراتين وبعدها ارقدوا

كلامك جميل وهو تأكيد لما قال
الأمير عبدالرحمن بن مساعد
صمت الجماهير يريح الحكم
بالتوفيق لزعيمنا

والله صـدقت حتى انا كل اللي اعرفهم يقولولي علييكم جمهوور يجيب النوم ومدري كيف يلعبون اللاعبين وأنا والله ماعررفت كيف ارد عليهم لأنهم صــآدقيين


تكفــــووون هزوووا الملعــب وبعدين لا تهتموون باللي يقولون اجلسوا ،، مصيرهم بيطفشون وبيوقفون معكم

تكفــــووون تنشطووووا لعيوون الزعيم وشبيه الريح واللاعبين ؛،


آلـــف شكـر لك ع الكــلام الرائع ؛،

ولله انك صآدق ,,

ودك تلمخ الي جنبك عشان يشجع ويآزر ,,

وقسم بالله هذا غندر ,,

ولله مع احترامي له ماهو رئيس رابطه ,,

ولله ما اسمع صووته ,,

الله يذكر زمان أول
صحيح ماكنا نشجع طول المباراة
لكن كنا نشيلها دون رابطة ( أيام المشجع الطويل اللي يغني ياهلال عزك عزنا )
قسم أنه كان رجل
كان يحرك المدرج لحاله


على فكره وينه ماعاد أشوفه ؟؟

كلامكـ صحيح وانشاءالله نتفاد هذا البروود
الذي طغى علينا
نبيى كاس هالسنه

اتم تفهموا يــ جمهور
الله الله بالحضور والتشجيع

والسلام عليكم

انا اصفقك لك كلام الصريحه والله ماهي سالفه لازم رابطه تحرك الواجهه شوي