20/07/2002, 03:02 AM
|
زعيــم نشيــط | | تاريخ التسجيل: 25/03/2001 المكان: حبيبتــ الرياض ــي
مشاركات: 500
| |
وش ذا الحتسي اللي مهوب حول يمه افا ياذا العلم وانا اقرا بعض الردود فيه من يقول ان الفريق الكوري استاهل الفوز .. نعم الكره فوز وخسارة لكن مو معناته اننا نقلب الحقائق حتى نكون مثاليين .. الزعيم اليوم ماقصروا رجاله وحاولوا بماتوفر لهم من جهد وماوضعوا فيه من ظروف وكانوا الافضل .. وهالفريق الكوري بصراحة مايستاهل الفوز ولا بنسبة 20% وعلشانكم بنزيد النسبة ونقول ان كثروا كثرو 30% .. شوفوا كم مره تبطحوا وضيعوا الوقت وعدو كم رقم 17 خاشن التمياط وكان سيء الخلق كروياً .. وعدوا هجماتهم وعدوا هجماتنا .. كرتين في العارضة وثلاث من حسين العلي فرص ضائعة ومثلها للكاتو غير الهجمات الضائعة من بقية اللاعبين ..
والأمرّ ان فيه من سيلوم ابو يعقوب او انه انتهى ولامه .. فهذي عاد اللي ماتنهضم .. معقولة ضربة ترجيحية تنسينا جهد الثنيان ولعبة من اول مانزل . الثنيان اليوم كان ضمن ابرز من لعب ولا يعني اهدارة لضربة الترجيح ان نهضم حقه .
ان كان من عتب او ملامة فالمفروض ان توجه لطيب السيرة عبدالله الجمعان اللي طلع في مثل هالوقت واعتقد انه وضع المدرب ماتورانا في احراج ان ماكان عدل الخطة بسبب تصرفة الارعن .
وطبعاً لاتنسون رئيس نادينا من الملامة .. ولا اقولكم لاتعكرون مزاجه مو وقته نلومه .
وسلامتكم .. |