|
180 دقيقه والدوري هـلالي بأذن الله ( رساله الى جمهور الزعيم ) بسم الله الرحمن الرحيم مالكم بالطويله بدخل بصلب الموضوع على طول زعيمنــا بينه وبين الدوري مبارتين مهمتين مع اتي الشرقيه واتي الغربيــه والمطلوب ست نقـاط كفيلـه بالمحافظه على الدوري وفوز الزعيم بالدوري بيسجل له الاولويـه بدوري المحترفين بنسخة الاولى وزعيمنا معودنا دايم على الاولويـه بكل شي الكل يشوف الظروف الي مر فيها زعيمنا المحارب من الاتحاد السعودي وبقية الانديـه الي تلعب امام الزعيم وكانها في مباراة نهائية والكل شاف مباراة الشباب والوحده طبعاً من حقهم الفوز على الهلال يعني لهم بطولـه .. وابعاد الهلال عن المنافسـه ايضاً يعني لهم الشي الكبير والكل يشوف الانقسام الي حاصل بالرياضه السعوديه مابين ( هلاليون ) و ( لاا هلاليون ) ماعلينـا بدينـا بسالفة كوزمـين الي ابعد في عز الاستقرار بالبيـت الهلالي وحسو بالنجاح يوم تعادلنـا مع الشباب بس فوز الزعيم على الوحده قلب عليهم المواجع طلعو لنا بسالفة ياسـر المفبركـه ونسو انفسهم ونسو انديتهم بس من اجل زعيمهم كلهم وحارق دمهم فريقهم يخسر ويتمسخر من فريق ماله كم موسم بالدوري الممتاز ومنتداهم ماجاب طاري الهزيمه و 14 موضوع بالصفحة الاولى عن قضية ياسر المفبركة وباقي المواضيع عن عدد بطولاتهم الي موب مقتنع فيها غيرهم زبدة الموضوع يالرقم الصعب ياجمهور الزعيم فريقنـا بحاجتنـا بالحضور والموؤزرهـ بالملعب والمنتدى نبعد شوي عن الانتقادات نبي فلان اساسي وعلان ماينفع وفلانتان فيه وعلانتان مافيه ........... الخ خلونا نبعد عن المواضيع الي مامنها فايدة فترة تسجيل وانتهت بتاثرون على المدرب بتبطون المنتدى ماراح يتصفحه المدرب ماراح يتصفحه الا نجومنـا الي مايبون منكم الا الكلمة الطيبه والتشجيع عشان تشدون من عزيمتهم ومنتدى الجمهور الهلالي هذا صوتكم اليوم قدامنـا مباراة مصيريه اكون او لا اكون خسارة او تعادل وفوز الاتحـاد سلام يادوري مطلوب من كل هلالي عاشق الوقوف مع فريقه قلباُ وقالباُ الحضور اليوم وتشجيع اللاعبيـن حتى لا سمح الله وفريقنا خاسر اثناء سير المباراة مطلوب الى اخر لحظه نبي حضورنا اليوم على سنع موب عدد على قل سنع نبي ترحيب بمدربنا الجديد وبنجمنا الكبير ياسر وبقية النجوم نبي نجومنا يدخلون مباراة الاتحاد بروح عاليــه وبثقة الكبـار الي عودونا عليها نجوم الزعيم http://www.alriyadh.com/2008/04/19/img/224618.jpg صورة ان شالله بتتكرر بعد توفيق الله ووقفتكم جمهور الزعيم سر انتصاراته سر يازعيم وكلنا معك والدوري ان شالله هلالي |
سنقف ان شاء الله معك يآآهلال هااا 180 هي حــصــاد الموسم ويااا رب عد الافرااح الهلاليه بدرع الدوري والاسيويه يآآآآرب |
مشكور اخوي انا بالنسبه لي صراحه ماعندي مشكله يحضر 5000 ألاف مشجع يكونون مأثرين ولا 20000 ألف مشجع ساكتين تكفون ياجمهور الزعيم نبي نهز الملعب اليوم الي يحب الهلال راح يحضر والي يحب الهلال راح يشجع تراها 90 دقيقة ياليت الجمهور الهلالي يكون واقف من أول المباراة الى اخرها تكفون هذا وقتنا بس الهم شوي وان شاء الله وبإذن الله المباراة هلالية وانا صراحه اتوقعها 2/1 للهلال وراح يجيبها سول هذا الي ماقتنعنا فيه هههههههههههههههه |
اللهم وفق الزعيم فوق كل ارض وتحت كل سماء آمييييييييييييييييين جمهورنا حضوركم مهم جدا v v v خلوها تزرق |
في هذآ الوقت يبـآن اللي يحب الزعيم من قلبه واللي مـآ خذهـآ موضه بالتوفيق للزعيم |
ياناس خلنا نعلمهم أن جمهور الهلال مايهمه أي شئ وخلونا نساند زعيمنا وترى كلها ساعه ونص ماراح تفرق معانا تكفوووووووووووووووووون اليوم الحضور واللي مايحضر اليوم لايجي ويقول الفريق ما أدى المستوى المطلوب يعني لانطالب الاعبين بمستوى واحنا مانحضر اللهم وفقم زعيمنا وأنصره على أعداءه |
ان شاء الله ان الدوري للهلال باذن الله وباذن الله الفوز على الاتفاق والاتحاد والدوري للهلال ان شاء الله |
اللهم وفق الزعيم فوق كل ارض وتحت كل سماء جمهورنا حضوركم مهم نبي استاد فيصل فل ............ |
اللهم وفق الزعيم فوق كل ارض وتحت كل سماء آمييييييييييييييييين ان شاء الله البطولة هلالية |
يارب وفق الهلال وان شاءالله الثلاث نقاط لنا ان شاءالله |
الله يسمع منكم وفوزنا اليوم بالثلاث نقـاط يعني قطعنا 90% من الحصول على الدرع اليوم يومنا يازعماء |
| الوقت المعتمد في المنتدى بتوقيت جرينتش +3.
الوقت الان » 12:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd