|
( والله من البرابيس) !! " رسالة لمن يهمّهم الأمر " !! اذكر مبطي كان يدرّسني شايب أعمى .. ورغم إنه ضرير ولا يشوف .. إلا إنـه كان يرجمّنــا بطباشير و قلامــة خط !! ويوم انتصف الترم و بدا يمون .. قام يرّجم بنعاله و اذكر مرة كنت غافل ما دريت إلا يوم مرّت بجنبي ميدالية مفاتيح ذيك اللي على شكل "بوصلة" وأثره موجهـّها لواحد وراي .. يلعب ببيجره !! كان (وقيعي) والإنسان الوقيعي هو اللي إذا رجم عليك شي .. اعرف إنه (صاقعك صاقعك ) الله لا يعوق بشر !! طبعا كان هيبة ودينه ودين الحـَب المصرّي !! وإذا جلد جلد .. بلا حقوق الإنسان بلا كلام فاضي !! اذكر مسك واحد يقشــّم بالقاعة .. يقولون إنه من قوّ الطق .. إلتزم وصار منشد بعد هالسالفة !! ما علينا من هذا كلــّه .. كان هالشائب (الله يرحمه) يعطينا بعض (الحكم) و الكلمات اللي ما زالت ناشبة براسي من ذيك الأيام إلى هاليوم !! و كان يوجهنـّا بأسلوب راقي .. وممتع !! كان رغم شدتـــّه في تربيتنا .. إلا إنه ليّن في الجوانب الأخرى الكثيرة اللي تستوجب (اللين ) لجذب انتباهنا .. والاستحواذ عليه !! كان يردد اسم ( روديارد كيبلينغ ) و هو الكاتب البريطاني .. أصغر من حصل على جائزة نوبل !! وكان يعطينا أجزاء من فلسفته وإبداعاته !! وكانت له مقصوصة بعنوان ( إذا ) !! وكأن ( كيبلينغ ) يخاطب ( ياسر القحطاني ) : إذا وثقت بنفسك حين يشـّك بك الجميع !! وإذا استقبلت النصر .. كاستقبالك للهزيمة ( بنفس الأسلوب ) !! وإذا استطعت أن ترى المعول يهدم كل ما كرّست حياتك من أجله .. فتنهض مجددّا لتبني كل ما قد تهـّّدم !! وإذا استطعت أن تعامل الناس دون أن تتخلى عن فضائلك !! وإذا استطعت أن تسير في (ركاب الملوك ) دون أن تفقد (مزاياك المعتادة) !! وإذا عجز ( المحبـّون ) و ( الأصدقاء ) و ( الأعداء ) عن إثارة حفيظتك بإيذائهم إياك !! فقد ملكت الأرض وما عليها .. وعندئذ ٍ : تأكد و ثق أنك ( حقا ً أصبحت رجلا ً ) !! ---------------------- تصدّقون ما بعد شفت من اللي أوغلوا بتتبع قضية ياسر .. وناقشوها .. إلا ( حثالة مجتمعنا ) !! و أقلهـّم ( نضجا ً و فهما ً ) !! ، لكن تعليقي إن كان لابد من تعليق .. وهالتعليق مهوب لـ(ياسر) لحاله .. هذا لنا كلنا : - هي أن نعيد النظر في اختيار ( من يلتـّـفون حولنــا ) !! - هي فرصة للجميع أن يحضروا قلمـا وورقة و أن (ينسقوا من لا تغني ولا تسمن صحبتهم من جوع .. من قائمة أصحابنا) !! - هي أن نجعل طابورا طويلا لقائمة ( الزملاء ) وأن تعايش معهم بسلام !! ولكن يجب أن لا نجعلهم يتسّربون لقائمة ( أصدقائنا ) !! فهناك فرق بين هاتين القائمتين - أن نعي جيـّدا ً أنه ليس بالضرورة أن من (يجاملك) (يسايرك) (يكرّر مهاتفتك) (يلاصقك) أنه (صديقك الصادق ) !! بل ربما " كان ألدّ أعدائك " ويتحيّن لك الزلات !! - أن يكون حسن الظن (حاظرا ً) فلا نعممّ نظرتنا (السوداوية ) !! ولكن : هناك بعض الأحداث والقصص يجب أن نأخذها بعين الاعتبار كي لا تتحول طيبتنا لـ(سذاجة ) و طهارتنا لـ ( غباء ) !! - يجب أن نتوقع الخطر دائما .. إذا كنا نسير بين حقول ألغام !! ------------------------------------------ للمجموعة اللي أشغلوا أم أمـّي بالبرايفت و المواضيع .. تعالوا نقرأ هالقصة : على طاري المطر والسيول وسعة الصدر .. اذكر مرة من المرات كانت مباراة الهلال والأهلي يا هي عام 1413 أو هي 1414 هـ <<- أجل وش ضنك ميلادي أنت ووجهك ؟! المهم كنت متحمس لذيك المباراة اللي يشوفني يقول يبي يلعب بدال (محمد لطف) !! المهم كان الوالد توه شاري جمس صالون .. وطافرينن به طفرة .. لدرجة لو يبي يروحون للبقالة ركبوا كلهم وراحوا يجيبون خبز ورجعوا !! جتني الوالدة قالت .. ترانا نبي نروح هالخميس لمكة .. منها نعتمر ومنها نشرب من موية زمزم ؟! قلت لها : ليه هم معلنين إن زمزم يبي يقضي هالويك إند ؟! قالت لا .. بس ودنا نعتمر قبل الزحمة والغثاء ودايم نشتري جموس ولا نتهنىّ بهن !! قلت أما ما تهنيّتوا به .. فهذي كثري لي منها !! ما بقى إلا تدخلون الجمس بالحوش وتنامون بوسطه !! قالت المهم .. مشيتنا الخميس بدري !! المشكلة إن مباراة الهلال بالليل !! وما أدري يمدي أشوفها وإلا لا !! اذكر بذيك السفرة وقفنــّا تسعمية وتعسين مرة !! وأهلي بهم فرحة بهالجمس اللي يشوفهم يقول شارين : ماي باخ .. وإلا كدلك <<- يا شين اللي ما يعرف للمواتر !! لا ومن زين الطبايع مشغليّن (صوت من الصحراء ) شعر يحومّ التسبد وكل ما قضت قصيدة صاحوا الحريم !! قالوا شفت وشلون ؟! قلت وأنا وش دخلّ أمي بالسالفة !! وصلنا على آخر العصر !! وعلى بال ما أخذنا عمرتنا وحوستنا أذنّ العشاء !! قلت لهم أنا ابروح لمقهى أناظر المباراة !! المهم طلعت .. يوم جيت ألبــّق عند المقهى .. مار أذكر إني ما فصخت الإحرام !! هذا والله اللي ما حسبت له حساب !! المهم لبــّقت وجيت أدخل إلا ذاك الزيدي اللي تحس إنه يبي يطلعـّك من المقهى لو إنك لابس ( هيلا هوب ) !! قلت السلام عليكم !! قال عليكم السلام ..بس يا أخي إيش اللبس هاااذا ؟! خاف الله في نفسك !! قلت .. والله لو إنّي لابس دراعة مطرزّة ومطلـّع سرّي !! ياخوك أخذت عمرة .. ونسيت أبدّل ملابسي .. وجاي أناظر المباراة وأمشي !! وأثر الزيدي فيه حماس على غير سنع !! مثله مثل هالشباب المتحمس اللي كاثرين هاليومين !! وما فيه إلا ( قوة فتاوي وتلفيق على الدين ) !! بدون أي (نص شرعي ) وبدون أي (خلفية دينية ) !! وقلت للزيدي يخوك ترا ذا ( قطعة قماش ) !! ولو إنه ( مقدّس كان ما دخلنا به لدورة المياه ) !! يوم أكل تبن وخلانــّي أدخل و أناظر المباراة !! الشاهد من هالسالفة كلها : إنه للأسف كثروا ( المفتين ) في الفترة الأخيرة في منتدياتنا !! اللي يحللون ويحرّمون !! و بكل موضوع وهم ناطيّن لك والمشكلة ما يدرون وش الطبخة !! وتلقاهم يسردون لك من هالآيات والأحاديث اللي مالها أي صلة أو دخل بالسالفة !! لكن ( فهمهم القاصر ) قادهم لـهالتحريف وهالتلفيق اللي أوقعوا أنفسهم فيه بدون أي علم !! و ديننا أكرم وأجـّل إنه يكون ( هوى ) و ( تلفيق ) بيد هالعابثين !! فالواجب إننــا نردعهم عن هالتلاعب .. فمثلهم مثل ( المتطاولين على الدين ) كلاهم ( وجهان لنفس العملة ) !! ------------------------------------- Privates The 1st Message رسالة إلى حيث يقيم ( سلطان الخير ) : والأمطار تتراقص ُ زهوا ً و انعتاقا ً من سحائبها !! و قطراتها تقبــّل الأرض َ توقا ً و اشتياقا !! بصفاء ٍ يعلوه ( خضوع ٌ) !! و نقاء ٍ يكسوه (خشوع ٌ) !! و كأن ( هطــْـلُ السماء ) و ( احتضان الأرض ) .. ( بهاء ُ محيّاك ) و( حنين ُ شعبك ) !! فما أشبه (ثغر السحاب ) بـ مبسمك !! و ما أشبه ( تدفـّق القــــْطر ِ) بـ ميمنك !! و ها هي أياد ٍ مدّت ، بدعاء ٍ يحدوه رجاء ٌ : أن يبرأك من الأسقام والأوهان ، وأن يقرّ أعينـنا برؤية سلطان !! يا جذوة َ نار ٍ أدفأت أيدي الواهنين !! و يا رداء َ طهر ِ كسا أجساد المستضعفين !! ---------------------------------- The 2nd Message: جمهور الزعيم : أقل واجب نقدمــّه لزعيمنا في المرحلة القادمة .. هو حضور مبارياته المتبقية .. دون انتظار ٍ لدعوة !! أو تأكيد ٍ لمشاركة !! فالزعماء تكفيهم إشارة !! The 3rd Message : ليكنز Leeknes" مدرب الهلال البلجيكي " : I would like to thank you before you do any thing , in fact i can inform you that i'm feeling glad when i heard : you 're gonna keep focus on the soul side !! keep focus on the thinking side !! i really get on with you , and i'm certain that all of us will be satisfied with you also soon , don't change your perfect way , that what our team exactly needs . unfortunately you will face so many silly troubles via the media , especially some of newspapers , so don't blame us later , we should have tell you right now , because as you know there're couple of people feel great when they could make you mad , basicly they're so negative . I'm sure you don't look for those advices , because you have got enough experience, anyway you're most welcome here in KSA and AlHilal club , and you can be informed , we 'll be with you , support you , beside you too :The 4th Message لاعبي الزعيم : الله يــــــوفقكم !! * تم تعديل (البرابيس) الخارجة عن الإرادة . |
ياهلا بمغااااااط موضوع ياسر كشف الكثير من الأقلام حاقدة والغير واعية والحمدلله سقط من كان مستتر خلف قناع مزيف ,, اما المدرب فهو يستاهل الدعم وهو كما قلت صاحب خبرة ولا أعتقد انه سيكترث للإعلام السخيف ’’’ تحياتي لك |
هـــــــلآ وآلله بمغـــآط .. أكــيد موضوع رآئــع .. لي بآك بـعد آلقرآءه بــآكـــ .. :d إقتباس:
آلكلآم هذآ أنـآ أعتبره للكـل مو بس ليــآســر .. إقتباس:
أيـــه وآلله إنـك صــآدق .. كل يوم وآلثآني نآزل مليون موضوع وكلهم صآروا مشآيخ ويحللون ويحرمون .. إقتباس:
آمـــين يآ رب آلعــآلمــين .. آللـه يـعطيك آلعــآفيه ع آلموضوع آلآكــثر من رآئــع وعــســآك ع آلقــوهـ .. |
يـآ هـلآ بآلآبدآع يآ هلآ بـٍه .. // كلآإمـكـ منطقي .. /// رحم آلله مدرسكم كآن مضربآ للآمثآل .. // مآإ قصرت يآ بطلـ *_ْ~ |
يعطيك العافية موضوع رائع من جميع النواحي..! مشكوووووور ويعيطيك العافية..! تحياتي..! |
والله مدري وش الســـــــالفه |
الكلام والكتابه فيها غلط اتمنى ان تعيد بتعديل الموضوع مره ثانيه اخوي مغاط |
محجوز إلى إشعار آخر :D مدري وش هالمطرسة :D --------------------------- بااااااااك ,, إقتباس:
والله أنه صادق :smilie47: إقتباس:
والله صارت لي :no: إقتباس:
حسبي الله عليهم هذولا , إقتباس:
وحنا رهن الإشارة إن شاء الله :smilie47: إقتباس:
آمين إقتباس:
:bx: |
إقتباس:
إقتباس:
إقتباس:
رساله الى مغااط : مواااااااااااضيعك تعجبني .. لا تقطع .. :rose: وبس .. :rose: |
مبدع يا مغاط في كل مواضيعك حقيقه طرح يمتع القاري .,’ |
يا اخي الخط خربآآآآآآآآآآآآآن يارب تعدله ونرجع نقراه لاني ما قريته ... |
مشكور ومآقصرت ويعطيك العافيه على هذا الموضوع للأمآم يآرب ..}~ |
مشكور اخوي على الابداع ولاتحرمنا من مواضيعك الشيقه :) والمفيده بالتوفيق |
ياخي ماشاء الله عليك مبدع كعادتك ......والله يرزقكم بجمس يوكون...ههههههههههه |
- - هلابك اخوي مغـــــاط هلا في صاحب الذوق الرفيع انا اشوف بعض الاعضاء يقولون وش السالفه وبعضهم يقول مافهمت شيء والله ياحبيبي لو تحط (رجلك) على الكيبورد وتلخبط بالحروف والارقام وتكون السطور مثل تخطيط القلب( بفهم )عليك لانك لوسويت هذي الحركة وربي بتكتب موضوع افضل من الف عضوء يكتبون بدووون فائدة تذكر للزعيم00!! الى الاماااام ياسر الكااااسر نحن معك نحن اصدقائك فكن صديق للشباك تحياتي يا (مغاط) يابطل لك كل الشكر لكل كل التحايا لكل كل التقدير لكل كل الاحترام لكل الحب لااريد اضافة شيء جديد للموضوع لان مابعد قلمك قلم ولابعد انامك انامل ولابعد ذوقك ذوق ولابعد روائعك روائع ولابعد جمالك جمال شكرآ صاااحب الذوووق الرفيع شكرآ على الموضوع الرائع وتقبل مني الرد المتواضع ==== |
| الوقت المعتمد في المنتدى بتوقيت جرينتش +3.
الوقت الان » 12:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd