قناة art الزعيم الى اين ؟ - نادي الهلال السعودي - شبكة الزعيم

e.a.g.l.e · #1 03/04/2009, 07:30 PM

قناة فرحنا بقدومها ومجيئها

فوجئنا بسعرها المرتفع اذا اردت الاشتراك فيها والتمتع بالحصريه

لابد ان تدفع 504 ريال قيمه اشتراك الباقه الاساسيه وتضيف لها art الزعيم لمده 6 اشهر فقط

قلنا ندفعها مرة وحده ونخلص فدى الزعيم

تفاجئ الان بما يعرض على القناة

تبحث عن خبر عن تغطيه عن موجز انباء الزعيم لايوجد

مجرد فديو كليبات اعاده مباريات قديمه حفظناها

مايكلفون نفسهم يحطو موجز اخبار الهلال هاذي من الاساسيات اللي المفروض تنحط ومن ابسط الاساسيات

يعلم الله اني اكتب هالكلام لمصلحه القناه لانها قناتنا

اخبار الهلال اخذها من النت او من قنوات اخرى

يالله يالله برنامج اسمه الهلال في اسبوع يجي مادري متى يجيب الاخبار الفائته البايته حقت اخر اسبوع

بصراحه مايعرض على قناه الزعيم لايوازي سعرها المرتفع يعني اشترك في الشوتايم والجزيرة

اصرف بدال هالخمسميه اللي نشوف افيها غاني ومباريات قديمه فقط !!

لازم الاخبار تعرض بشكل يومي مرتين على الاقل مساء وصباحا

يكون موجز ثابت للاخبار الواحد يطمن ويتاكد من الشائعات اللي يسمعها نبغا نتاكد خبر

ننتظر وندور في باقي القنوات وعندنا art الزعيم ماتفيدنا باي خبر اومعلومه

مومعقول ابدا ؟؟

من هنا اخاطب منسق القناة الاخ العزيز ابو لما المتالق والنشيط ان ينتبه لهذه النقطه

ويضعها ضمن نطاق جدولت اعماله القادمة هو والاخ عادل التويجري وجميع القائمين على قناتنا العزيزة

لاننا بصراحه ملينا مباريات قديمه واغاني فقط نبي تواصل نبغا مواد حيه اخبار التدريبات يوميا ليس فقط لمن يكون تدريب مفتوح

الموجز شي اساسي

طفشنا من المعلبات

في النهاية شكري وتقديري للجميع في هذه القناه واتمنا التطوير في القريب العاجل

لان لو ماشفنا تطور ماراح اجدد الاشتراك انا طالب وال504 ريال تفيدني في التزامات كثيرة

بدل الاغاني اللي ماصرنا نحس بقيمتها من كثرة ماتعرض بمناسبه وبدون مناسبه

خصوصا هدف الخراشي على الطائي وهدف ياسر على الفيصلي حفظتهم صم من كثر الاعاده

تحياتي للجميع

زعــيــمــتــهــم · #2 03/04/2009, 07:35 PM

من جد

بصراحه القناه ماهي مرتقيه للمستوى المتوقع منها

صرت ماشوفها الا بالنادر

برنامج الجوله يجيب اخبار الهلال احسن منها بكثير

مالها اي فايده

عسل سدير · #3 03/04/2009, 07:36 PM

والله انك صاااااااااااااااااادق

sho0o0ter · #4 03/04/2009, 07:38 PM

ارجو من القائمين على القناه تطويرها قبل الافلاس ماشتركنا للاغاني والمباريات القديمه

y-qnas_20 · #5 03/04/2009, 07:41 PM

بصراحه القناة لم ترتقي للمستوى المتوقع حسبي الله عليهم

sho0o0ter · #6 03/04/2009, 07:52 PM

المهم انهم يخصصون ناس محترفه فقط للتطوير

من حق الجمهور معرفه اخبار الزعيم

عاشق البرنس الليبي · #7 03/04/2009, 08:02 PM

من يوم انفتحت الى اليوم ماقالت خبر الى واحد وطلع خاطئ وهو :

الهلال يقترب من المدرب دي دي تيجانا.!!

هلالي طول العمر 902 · #8 03/04/2009, 08:10 PM

يعطيك العافيه طرح جميل وفي محله .......

الجوهرة · #9 03/04/2009, 08:15 PM

إقتباس


	خصوصا هدف الخراشي على الطائي

هههههههههههههههههههههههههههههههههههههههههههههههههههههههههههههههههههههه

يووووه الخراشي غبار , وش اخباره

يا حليله , اما ذيك الهدفين اللي في الطائي تصك فيه الكورة وتدخل !!

انا معك في انتقادات قناة الزعيم , لا وابشرك انا قصتي قصة معهم

انا مشتركة في رمضان لمدة ستة شهور من سبور 1 الى 9 , و رحت واضفت في الكرت قناة الزعيم في ذي القعدة

المهم يوم خلص اشتراكي في شهر صفر قطوا معه قناة الزعيم !!

ليش يا حلوين عدلوا بدلوا , قالوا لا اللي عندنا انك مشتركة في كل شي في رمضان !!

عاد وش اسوي رحت وجددت الاشتراك برضو من 1 الى 9 وما جددت في الزعيم خير بيصكوني بـ 1300 الظاهر
800 + الزعيم 500

عاد ناوية اشترك في الزعيم الاسبوع الجاي لعيووووووون شباب الهلال << قّمة الفضاوة في هالآدمية

انا كاكا الهلالي · #10 03/04/2009, 09:56 PM

والله انك صادددددددددددددددددددق اخوي ازعجونا في ها الاهداف كل ما فتحت القناة حصلتها مدري ماعندهم غيرها والله يا فيه اهدف ومباريات ما انعرضت كثير وااااااااااااااااااااااااااااااااااااااااااااااااااااااااالله قهرررررررررررررررررررررررررررررررررررررررررررررررررررررررررررررر

سراب911 · #11 03/04/2009, 09:59 PM

يمدحو الجهاز الي يفك الشفرااااااااااات

e.a.g.l.e · #12 03/04/2009, 11:05 PM

هههههههههههههههههههههه

اشتريت جهاز يفك الشفرات ويوم واحد خربت الشفرة ومارجعت