|
هزازي موجود في الهلال.... نعم هزازي موجود في الهلال ولكن ربما يكون الذي لدينا افضل محمد العنبر مواصفات نايف هزازي وربما يكون افضل منه ولكن ينقصه وقفتنا معه هل نسينا ماذا فعل العنبر بكوريا في كوريا هل نسينا اهدافه في نهائي الامير فيصل بن فهد رحمه الله محمد العنبر مهاجم من نوع الفريد ولكن لم ياخذ الفرصه الكافيه نعم رجع من الاصابه وعوده كانت تدريجيه هل نسيتم ماذا فعل بالشباب في مبارة الدور الاول ينقصنا ان يلعب العنبر بجانب ياسر القحطاني ويعطي الفرصه كامله وصدقوني بيثبت انه افضل من هزازي ملاحظه:- عبدالعزيز الدوسري ياليت ياخذ فرصه الفريدي وصدقوني بتصير جهة الاهلال اليسرى اقوى لاعبين اخذوا فرصه وابدعوا حسن خيرات مبدع ومشكلة انه احتياطي للاعبين كبار وهم دفاع المنتخب المرشدي وهوساوي البيشي لاعب جميل ينقصه الخبرة ولعب مباريات اكثر الفريدي لاعب ممتع وينقصه احد يوجهه وينصحه وويوجد في شباب الهلال مبدعين كثر ولكن مشكلتهم انهم في فريق كله نجوم... العنبر انت افضل من هزازي لا نريد هزازي |
اسعد الله مساك اخوي بصراحه أنا أؤيد رأيك فيما يتعلق بالهزازي وتشبيهه بالعنبر فالفرق أن هزازي تم أعطائه الفرصه كامله بعكس العنبر لكن بوجهة نظري المتواضعه أن اللاعبان يمتلكان نفس المواصفات لكن هزازي قد يتفوق بالحماس الزايد بعكس العنبر الذي تحسه في بعض الأحيان إن لم يكن في كثير منها في قمة البرود شاكر لك طرحك وتقبل مروري |
كل الي يتكلم عن العنبر ويقول نكبه مايفهم فالكوره.. طيب يالي تقول نكبه .. عطني دليل على نكابه العنبر.. خسرك في مباراة؟ حرمك بطولة؟ من حسم نهائي كأس ولي العهد اما القادسيه 2005 من حسم كأس الامير فيصل امام الاتفاق 2005 من حسم كاس الامير فيصل امام الأهلي 2006 العنبر كان لاعب خرافي لكن الاصابه في معسكر (المنتخب) قبل كاس العالم 2006 حرمتنا من ابداعاته وابعدته عن الملاعب موسم او نص موسم |
العنبر لم يأخذ فرصته لتقديم كل مالديه وأكبر دليل مباراة الوحدهـ الماضيه لآهنت على موضوعك الذهبي تقبل مروري |
الله يوفق العنـبر ان شاء الله مع الهلال ،، وخلونا نوقف يد واحده مع لاعبينا الابطال |
معليش والله لابد اننا نعترف في الحقيقه ولا نكوون عاطفيين زياده عن اللزووم وطبعا هزاازي افضل وبمرااحل من العنبر |
وش الفائدة من فتح مثل ها المواضيع هذاك هزازي ويا حليل ناديه بيه ، وحنا عندنا العنبر ويا حليل نادينا فيه اتمنى عدم فتح مواضيع مثل هذه لانه مضؤتها اكبر من نفعها |
وزيدك من الشعر بي ان العنبر اقوى جسم والطوال بس العنبر ناقصه تركيز شوي ونحنو معاك يا العنبر |
جمهور مدروخ مع احترامي تقهر بعض الردود العنبر افضل من هزازي بمراحل ياناس خلوا عنكم النظر لجسم او كواريزما اللاعب وركزوا بس على عطائه بالملعب.. انتهى |
بصراحه العنبر لاعب جيد وهزازي جيد جداً فروقات بسيطه بين التركيز والحماس والنزعه للتسجيل وما إلى ذلك بالتوفيق للأثنين مع فريقنا والأشقاء في الأتحاد |
من زين هزازي والله مايسوى المؤشر |
نعم العنبر نفس اسلوب هزازي لكن مشكلة العنبر انة لايحصل على الثقة من جمهور الهلال |
كل الاعبين فيهم الخير و البركه. |
الله يوفق الهلال يوم السبت ويوم النهااااااااااااائي |
الهزازي من كم مباراه اثبت انه لاعب كبير والعنبر لنا خمس سنين مره نقول لاعب كويس ومره نقوول لاعب سيئ !! معقوله لنا خمس سنين عجزنا نعرف هل العنبر لاعب جيد ام لا ؟؟؟؟؟؟؟ اترك الحكم لكم موفقين |
كلام سليم العنبر افضل من هزازي وتستاهل ياشبيه رونالدينيو |
العنبر من لاعبين الصندوق ولو اخذ نص الفرصه اللي اخذها غيره ماكان بهالحال وكان طالبتوا فيه العنبر لاعب صندووووق .. اوقفوا عند هالكلمه وتمعنوا شكراً لطرحك عزيزي |
هل تعتقد أن تسجيل هدف في منتخب كوريا الجنوبية مقياس للمقارنة؟ اتمنى أن لا تأخذك العاطفة كثيرا .. العنبر مهاجم جيد ولكن إذا اردت أن اضعه في مقارنه مع نايف هزازي فالأكيد اللاعب نايف هزازي يتفوق بأمور كثيرة ولعل أهمها السرعة وقوة الإرتقاء .. أنت من حيث لا تدري وضعت الأفضلية لهزازي ولعل عنوان موضوعك خير دليل عندما وصفت العنبر "بهزازي" |
العنبر.. يشبه هزازي. يمكن بالضربات الراسيه. لاكن هزازي اخذ فرصته بالاتحاد.. والعكس العنبر مااخذ فرصته.. بس الي يعيب العنبر. مستواه مافيه تطور. بعكس هزازي مستواه يتطور من مبارة الى مباره.. بالتوفيق للعنبر.. بس جاء المحياني.. يعني فرصته بتكون اقل.. |
اقتباس للكل محمد العنبر لم يعطى الفرصة الكامله وهزازي كل مباراة موجود محمد العنبر لديه فكر عالي وراس تعرف الشباك لكن قلة المبارات لو يعار الى نادي ضعيف ويلعب اساسي ياخذ هداف الدوري اذا كان للعنبر مليون محمب فانا منهم وااذا كان له محب واحد فهو انا وان لم يكن له محبين فعلمو انني ميييييت معاك ياعنبرينهووووووووووووووووو ادعمووووووووووووه |
شف انا ماراح اتكلم عن البنية الجسمانية لهزازي ولا عن قوة التسديد لدية ولا عن تحركاته بدون كرة ولا عن سرعته ابغى شي واحد من هزازي فقط اعطية العنبر وهو (( حماســـــــــــــــة )) صدقني العنبر مايجي ولا ربع ربع هزازي مع احترامي الشديد لرأيك |
إقتباس:
نعم كلامك صحيح 100% العنبر لاعب كبير وحبيت ازيد على كلامك انه كان مرشح قبل كاس العالم 2006 بفتره بسيطه ضمن افضل لاعب واحد بالعالم والقائمه اللي ضمت 20 لاعب وهو الوحيد العربي والاسيوي ولكن الاصابه اللي لحقت به في المعسكر حرمته من المنافسه ومن المشاركه في كاس العالم |
العنبر يبغاله مدرب نفس كالديرون , وكالديرون هو من أخرج هزازي ؟!؟! وعلى فكرة إبداع العنبر مع المنتخب كان المدرب هو كالديرون |
العنبر لم يأخذ فرصته لتقديم كل مالديه وأكبر دليل مباراة الوحدهـ الماضيه لآهنت على موضوعك الذهبي تقبل مروري |
هزازي يقاتل على الكرة ويبحث عنها بلياقة عالية ويسعى بشكل دائم في تطوير مستواه بعكس العنبر اما بداياتهم فمتشابهة لكن الفرق في العزيمة والاصرار في التطوير الذاتي |
العنبر لو أعُطي الفرصة الكاملة مثل هزازي وياسر ومالك صدقني سيسحب البساط من الجميع :) العنبر هداف بالفطرة ويعرف طريق المرمى من أصعب الزوايا وأصعب الطرق :) |
يااخوان لازم توقفون مع العنبر . . هزازي افضل من العنبر بكثير . . هزازي اثبت نفسه من مباريتين او ثلاث . . |
يا جماعة كل لاعب فيه قسمة وكلهم فيه خير وبركة |
مع احترامي للبعض ترا هزازي معطينه اكبر من حجمه لاعب لايملك مهاره فريده مجرد فورة حماس وضربات راس والعنبر صحيح مايملك مهاره فريده مثله مثل هزازي ولكنه خطير امام المرمى وعنده ضربة راس اقوى من هزازي ........... |
الفرق الوحيد بين الأثنين ,, العنبر يضرب بالراس هزازي يضرب بالراس العنبر --- مهارات ,, صفر على الشمال هزازي --- يقدر يفر من اللاعب ويعرف يتمركز . |
العنبر أفضل مليون مرة بس لو يعطى الفرصة اللي عطيت لهزازي s13s |
هذي مشكلة السعوديين كل مابرز لاعب في مباراة أو مباراتين صجونا فيه والله العظيم أن هذا اللاعب عادي جدا جدا وعلى قولتك لايختلف عن العنبر هذا ان لم يكن العنبر أفضل وهزازي نهايته يرجمونه جماهير الإتي وانتظروا والأيام بيننا حتشفون الموسم القادم هذا اللي نجم اليوم بيكون ضحية جماهير الاتحاد قريبا |
الصراحه العنبر ما اخذ فرصته كامله ياخي شف مباراه الوحده خلص لنا مباراه لاهنت اخوي وهزازي لاعب ممتاز |
شوفو مدام الاعب سريع بيكون افظل من البطيئ العنبر بطيئ ووزنه زايد بعكس هزازي المفروض من الهلال انهم يحاولون ان يخففون وزن العنبر شوي |
لهيب الهلال أتفق معك 100% الهلال عنده كتيبة من النجوم لكنها بحاجة لمن يعطيها فرصة ويوظفها بشكل سليم داخل الملعب . |
هم يتشابهون فعلا خاصة في الروح هههههههه |
أتمنى ذلك رغم أني مؤمن بموهبة العنبر إلا أن نايف هزازي تتواجد فيه ميزة يتفوق فيها حتى على ياسر وهي مهمه جداً للاعب الكورة مع الموهبة . فهزازي ياعزيزي يتميز بالحماس الرهيب والروح القتالية العالية جداً , وهذه الميزة مفقوده تماماً عند العنبر الباااااارد جداً حد اللامبالاة في بعض الاحيان . |
العنبرر لاعب جيد لكن بالتأكيد هزازي افضل منه بعدين خلونا نركز بالدوري واتركوا من افضل الاعب الفلاني ولا الاعب الفلاني ياارب توفق الازرق في مشواره بالدوري والأسيويه |
هزازي هل يكون خلفية ماجد عبدالله في التهديف ؟؟؟؟؟؟!!!! والأخ الي كتب العنبر .... ضلمت العنبر قبل ماتضلم نفسك والناس الآخرين !!!!!! العنبر مازال ينقصه الكثيييييير الكثييييير من تطوير مستواه في التحرك والتخلص من الرقابه والتركيز الكبييير ...ولو تجاوزنا عن كل ذلك وقارناه بالحماس والحيوية والسرعه لتفوق عليه هزازي ايضاً !!!؟؟؟ |
كلامــــــــــــــك عيـــــــن العقـــــــــــل |
العنبر انت افضل من هزازي لا نريد هزازي خل عنك بس .... نايف ما شاء الله عليه ... مجتهد ومبدع.. |
يرجال العنبر مبدع خل عنك بس |
مافيه وجه مقارنه عنبرينهو انهى كم مباراه هزازي وش سوى تسلم على الموضوع الحلو ياحلووو |
بعيد عن التجريح...والمقارنه كل لاعب له إمكانيه وقدره معينه يختلف بها عن الآخر... قد نكون محايديين وواقعيين بأن إمكانيات نايف هزازي تفوق إمكانيات محمد العنبر وهذا ليس بعيب نتمنى من العنبر تطوير إمكانياته ومهاراته أكثر...والطريق أمامه |
العنبر أفضل وبكثير من الهزازي والهلال وبس |
العنبر والله مو هداف بس الله لايظره عليه جسم |
للأسف يبدو أن النجاح للعنبر يغضب البعض العنبر هداف بارع يعرف كيف يغازل الشباك مهاجم من طراز فريد, وهداف نادر أنصف الاتحاد هزازي وتألق ولازل بعض جماهير الهلال مستمر بتحطيم العنبر سؤال لمن يهاجم العنبر؟؟ لماذا يطلب مدرب الاتحاد من إدارتهم بجلب العنبر للاتحاد؟ تسلم يالغالي على موضوعك الرائع |
ماهكذا تورد الابل ياسعد .. الحين الموضوع لرفع معنويات العنبر ويجي البعض للأسف ويصفه بسلبياته نعم اللاعب له عيوب ولكن هل نسيتم من هو العنبر قبل الاصابه التي كادت تقضي عليه هل نسيتم هدفه بالراس في كوريا الجنوبيه مع المنتخب وبعقر دارها تم الفوز هل نسيت اهدافه وخاصه امام الشباب واخيراً امام الوحده اتفق مع من قال ان العنبر بارد وميزة هزازي الحماس والسيطره على الكره بشكل جيد العنبر يعاني احيان من سرحان داخل المباراه+ البرود+ نريد التشجيع له |
كلهم ما عندهم سالفة و لا يملكون مهارات تذكرت سعود الحماد كان هداف الهلال و هو من جنبه كل أهدافه بالرأس حتى الكرات الأرضية يجيبه بالرأس بس لا تنسون ترى العنبر ياما فرحنا بأهداف و حسم بطولات |
ياجماعة الخيير ابلشتوونا بهزازي الله يوفقه بنااديه الاتحاااد ويتطور اكثر واكثر علشاان تحلو منافسة الدووري..... أنا برد على الي كتبوا بعض المواضيع عن هزازي ليش مانشوفه بالهلال... افرض انه جا للهلال ين راح يكوون موقعه بالخارطه الهلاليه؟؟؟؟؟؟ عندك ياسر وعيسى وعنبرينهو و الصويلح بالله وين بيلعب!!!! الرجااء الابعااد عن المواضي هذي الي ماتودي ولا تأخر.... وشكوور اخوي على طرحك الرائع :) |
انا من المعارضين للعنبر لكن الصرحه الصراحه في الأونه الأخيره صار يعجبني تحسه يلعب من قلب مو زي بعض الناس وان شاءالله يرجع لمستواه هو والصويلح وترا هزازي والله ماهو ذاك الزود براس بس زي العنبر واللي عندنا افضل منه بكثير يعطيك العافيه |
شكرا لك اخي الكريم تم اغلاق الموضوع لخروج الردود الى الاساءة للاعبين والخروج عن النص .. اضافة الى ان فكرة الموضوع مكرره .. الرجاء من الجميع عدم الإساءة للاعب يمثل اللون الأزرق من أجل لاعبين لايصلو لربع مستويات لاعبينا ولانقبل بمقارنه لاعبينا بأي لاعب محلي فنحن نملك الأفضل |
| الوقت المعتمد في المنتدى بتوقيت جرينتش +3.
الوقت الان » 10:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd