|
إقتراح: اسماعيل مطر بديلاً لسول كلاعب آسيوي بفترة التسجيل القادمة السلام عليكم ورحمة الله وبركاته الجميع شاهد مستوى لاعبنا الكوري(سول) الذي للاسف لم يثبت نجاحه بفريق الهلال وهناك عدة اسباب اهمها لانه اول لاعب آسيوي يحترف بالشرق الاوسط وهذا ممكن سبب عدم تأقلمه بالاجواء الخليجية بشكل خاص والشرق الاوسط بشكل عام وهذه اول تجربة تعاقد لزعيمنا من دول شرق آسيا لكن لم تكن ناجحه،والحمدلله ان عقد سول مع زعيمنا لمدة ستة اشهر فقط، ايضا سول اخذ فرصتة كاملة ولعب بجميع المباريات الماضيه بالتشكيلة بشكل اساسي ولمدة 90 دقيقه تقريبا لكن لم يكتب الله له النجاح مع زعيمنا. أفضل حل لزعيمنا ان تكون الصفقة البديلة كلاعب آسيوي بديلا لسول هو اللاعب الاماراتي لاعب الوحده الاماراتي(اسماعيل مطر) فهو لاعب كبير وسبق ان صرح لاعبنا الكبير سامي الجابر اثناء المقابلة الماضية اللي اجراها بقناة ابو ظبي مع محمد نجيب حينما سألة من تريد لاعب آسيوي يحترف بنادي الهلال وقال لاعبنا الكبير سامي ابو عبدالله بصراحه وبدون مجاملة اتمنى اسماعيل مطر. اسماعيل مطر لاعب سرررريع وقناص وقدمة لاتخطي المرمى وهو افضل بكثير من اللاعب البطي جدا جدا الكوري سول. ايضا اسماعيل مطر لاعب خليجي يعني لن يواجه صعوبات بالتأقلم بالدوري السعودي عكس الكوري سول اللي واجه صعوبه بالتأقلم بالسعودية. اتوقع الجميع سيقول ان نادي الوحده الاماراتي نادي(اصحاب السعاده)كما يحلو محبية ان يلقبوه به انهم لن يفرطوا بلاعبهم الكبير اسماعيل مطر. لكن انا اقول مثل ما دفع زعيمنا مبالغ كبيرة للتعاقد مع نجوم كبار مؤخراً مثل السويدي ولهامسون واخيراً نجم منتخب البرازيل الاولمبي(نيفيز) ليس هذا معناه انه مسسستحيل حضور اسماعيل مطر لزعيمنا بالعكس زعيمنا ان قدم عرض مغري وكبير$$$ لنادي الوحده فإن شاء الله اسماعيل مطر سيرحب باللعب لزعيم آسيا الهلال. ايضا زعيمنا لن يندم على دفع مبلغ كبير باسماعيل مطر لان اللاعب سينجح بإذن الله مع زعيمنا لوجود خط وسط خطير بقيادة التائب وزملائه الاخرين سيساعده على صناعة الهجمات له امام المرمى وستكون مهمة التهديف له سهله صدقوني افضل من يرتدي فنيلة زعيمنا كلاعب آسيوي بالفترة القادمة فقط هو الاماراتي اسماعيل مطر. خصوصا ان اسماعيل مطر صرح ذى اليومين وأكد انه يتمنى ان يحترف بالدوري السعودي ويكفي هدفه اليوم العالمي بمرمى منتخبنا رجله ماشاء الله ما تخطي المرمى. للاطلاع وابداء مرئياتكم حيال الموضوع. وتقبلوا تحياتي،،،، |
والله انا اشوفهــ زي سيؤل ما في فرق ولا تنسى>> قصير القامهــ ميزته الوحيدهــ انهــ سريع ويمكن احنى نحتاجها اظن إن ياسر والمحياني يكفوون وإحتياطهم العنبر والصويلح >>والكلثم اذا رجع او الموري وفي النهايهــ القرار يرجع لمدربنا الجديد الله يوفقهــ مع الزعيم |
يازين كلمت ياااااااسر بس >>><<<(((الي في المدرج يتفرج)))>>><<< (((((اترك الخبز لخبازه))))) ــــــــــــــــ:rose: :rose:ــــــــــــــــ |
ياااااااااليت والله ... سمعه روووعه ومحد يقدر ينكر موهبته ... |
والله حبيبي فرصة ماتتعوض بسصدقني ماصرح إلا وهو احد مكلمه وتاكد وماحد بينتظر للفرصة التسجيل الثانية واذكرك بكلامي وسيول لسى يبيله وقت اصبروا شوي |
شكرا لك .. إسماعيل مطر من إيجابياته القتالية و السرعة و التصويب و بالفعل الهلال بحاجة أمثاله . |
والله ياليت والله لاعب ممتاز بدل سول |
اسماعيل مستواه هابط عن مستواه اللي نعرفه عنه في بطولة الخليج اللي كانت في الامارات وفازت فيها الامارات ما ادري الاعب انغر بنفسه او ظروف اصابه او نفس المجموعه اللي معه .. والحقيقه اتمناه يلعب للهلال .. لكن ان الهلال يدفع فيه بنفس قيمة سيول .. لا كثيرره في حقه خصوصا ً اذا اعاره .. (من غير قصور في الرجال) .. اتمناه بصراحه مع ياسر والتايب وويلهامسون والفريدي والشلهوب ورادوي وعزيز والغامدي .. منتخب ما شاء الله :) .. |
اسماعيل فنان نتمنى نشوفة مع الزعيم |
بصراحه البارح جاب هدف خرافي وذكي بس ما اعتقد الإدارة تحتاج تنويه لأنه فعلاً الهجوم بيصير مزحووم كذا ولازم تضحي بمهاجم عشان مهاجم وهذي ترجع عواملها نفسيه وراح تدمر لاعبين لاهم الي فكوهم ولا الي لعبوهم لوجود أخرين دفعو عليهم اموال كبيره اعتقد الموسم الجاي راح يكون فريق الهلال اقوى من الآن وراح تكون فيه نزعه هجوميه مع الآسماء الجديده وراح تنسى اسماعيل |
بإذن واحد أحد بيجي للهلال والادارة مهي غافله عنه اكيد انها مفتحه عيونها عليه مثل ماحنا مفتحين عيوننا عليه |
والله حاله يااخي الهجوم عندنا كلهم قصيرين قامه تبي تجيب واحد يكمل الطقم سول احسن مافيه طوله اماهو ماعنده ماعند جدتي |
[SIZE="5"][CENTER] ياناس بالعقل في احد اخس من سول تقبل مروري |
الي يقول زحمه هجوم ووسط وومن هالكلام ياخي مانشستر يلعب له تيفيز روني رونالدو برباتوف كلهم يعتبرون مهاجمين لكن بعض منهم يقدر يلعب وسط ومهاجم وعلى حسب تكتيك المدرب اسماعيل مطر يقدر يلعب صانع العاب ويقدر يلعب مهاجم صريح ومهاجم ثاني ويقدر يلعب خلف المهاجمين ويقدر يلعب على الأطراف شفنا اليوم صنع هدف وسجل لاعب ذكي جداَ وامكانياته كبيرة لاعب ذكي ومهاري وسريع بنيته قوية وقدمه سامة ويسجل من أقصر الطرق . |
اخي الكريم نعتذر على إغلاق الموضوع ,, وذلك بسبب ان فترة الانتقالات مغلقه الأن , اتمنى اختيار توقيت مناسب لطرح الموضوع وايضا هذه الفترة تعتبر فترة حسم للبطولات , اللاعبين جميعهم يحتاجون منكم الدعم والمساندة بدلاً من تشويش الأفكار بلاعبين بدائل لهم كل الشكر والتقدير لك |
| الوقت المعتمد في المنتدى بتوقيت جرينتش +3.
الوقت الان » 07:17 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd