إقتباس الرسالة الأصلية كتبت بواسطة داهية آسيا يعطيكـ العافية على التفاعل والرد السريع على الإستفسارات لو تكرمت أخوي أنا جوالي Nokia 5800 XM وعندي عيب أن كل خواطري ومواعيدي وذكرياتي وأي معلومات مهمة تخصني أقوم أكتبها في الملاحظات الموجودة في الجوال. المشكلة اللي إلا الحين ما ني مستوعبها أني أمس جيت أفتح الملاحظات كالعادة علشان أشوف موعد مكتوب فيها، لكن الغريب انه ما قامت تفتح معي الملاحظات خير شر. الغريب ان كل شيء تمام وكل شيء يفتح إلا الملاحظات، ما أدري فيهـ طريقة معينة أقدر أستعرض الملاحظات وإلا خلاص كلش راح وأمسح!!!!!!!!!!! علما أني طفيت الجوال وشغلتهـ والمشكلة نفسها .

الله يعافيك أخوي ..

ممكن يكون فايروس استقبلته من جهاز ثاني ..
جرب تفك البطارية.. وتخليه 10 دقايق .. ورجعه ..

ولا مافيه غير الفورمات
ولا تفرمته الا اذا مرة فقدت الأمل ..

يعطيكـ العافية
الشكوى للهـ الظاهر راح كل شيء

^^
الله يعافيك ..
وأنا آسف جداً أخوي

إقتباس الرسالة الأصلية كتبت بواسطة هلالي فدرالي السلام عليكم انا رحت اشتري الجهاز يوم جيت اباخذه قالي وراه ماجرب الجهاز الجديد x6 عاااد انا الحست ومادري وش اختار عاد اهم ميز ان لمس x6 زي شاشة الايفون يعني اسرع من 5800 وذاكرة داخلية حجم 16G وكاميرا 5 ميجا وفيييه لووون حلوووو للهلالين ابيض وضوء ازرق فوق وتحت بصرررراحة إلا الحين محتارر وش رايكم

هلا أخوي ..
الجهاز رائع وماعليه كلام ..
وبالتأكيد راح يكون أفضل من جهازنا المخيس < جحده
توكل على الله .. : )

السلام عليكم

عندي مشكله بسيطه ان شااء الله

الجهاز عندي ما غير يطفي وان اللي اشغله مرهـ ثانيه بعض الاحيان كل ما اشغله يطفي بسرعه
واذا جته اي ضربه لو بسيطه يعني اذا لمست الجهاز او اختار اي شي يطفي

ورحت يم المحل ويقوول يمكن يبغى له برمجه بس احتمال ان ما ينفع

كيف السواهـ
والبرمجه كيف طريقتها هل هي صعبه ولا لا

لك مودتي

إقتباس الرسالة الأصلية كتبت بواسطة الزعيم007 من بعد اذن اخوي عزيز انا راح ارد عليك اولا اخوي حاول انك تسوي فورمات للجهاز وهي كالتالي أطفى الجهاز ومن ثم أضغط مفتاح التشغيل والزر الاحمر والاخضر وكذلك زر الكاميرا مع بعض جميعا وانتظر الى ان يهتز الجهاز ومن ثم اترك الجهاز وسيشتغل وان ظهر معك جميع الدول معناتها انك فرمته صح .. من ناحية البرمجة تراه غالي واحتمال يقولك 60 او 80 وان لقيت محل يسويه لك 30 ريال يعني اشكر ربك لان البنغال وبوهنود كثير منهم حرامية وهو مايأخذ منك الا خمس دقايق ويسويه لك وانا بنفسي تعلمت من احدى المنتديات وبرمجته ع كيف كيفي وبعدة سفتويرات انصحك روح محل ثاني واسئله عن المشكله وشوف وش يقول بعدين لا مالقيت حل مالك الا السفتوير او التطوير او البرمجه بشكل عام هذا والله الموفق شوف وعطيني خبر وانا متابع للموضوع تحياتي

لاهنت اخوووي
وجعلك بالوجود دوماً للجميع
وسوري على التطويل في الرد بسبب السفر

المهم اخوووي انا رحت كم محل وقالو لازم تبرمجه
وكنت بجلسه عند عيال عمي واعلمهم بالمكشله وقالي واحد تعال بكرهـ اوديك يم محل هندي معروووف
ورحت معه وقالي هذي البطاريه
وشاف البطاريه والحمد لله ضبط الوضع ورجع كل شي مثل اول واحسن

والحمد لله اني ما حذفت الا فيه


بس تسلم اخووي استفد منك الكثير
وعرفت كيف طريقة الفرمته ماتوقعت انها كذا احسبه مثل العاااادي اللي بأرقام


لاهنت يالذيب

لك مودتي

أعتذر عن الغياب الطارئ لضروف السفر ..
وان شاء الله أكون موجود في الأيام القادمة

إقتباس بس تسلم اخووي استفد منك الكثير وعرفت كيف طريقة الفرمته ماتوقعت انها كذا احسبه مثل العاااادي اللي بأرقام

ربي يسلمك من كل شر وحاسد
الحمد لله اهم شيء استفدت انك ماحذفت شيء والاهم اخذت بكلامي ورحت لـ كذا محل
واشكر لك تعاونك معنا بالرد << لان في بعضهم لا صلح جواله مايرد بالموضوع ومنها راح نخسر الفائدة المرجوة للمشكلة

عموما تستاهل الجوال والجوال يستاهل وعوافي
تحيتي
كايد

أشكرك على جهدك يالغالي

حبيت أعرف كم سعر الجهاز الآن

وهل فيه وايرلس

وكيفه في تصفح الإنترنت

تحياتي لك

إقتباس الرسالة الأصلية كتبت بواسطة ملينا البعد أشكرك على جهدك يالغالي حبيت أعرف كم سعر الجهاز الآن وهل فيه وايرلس وكيفه في تصفح الإنترنت تحياتي لك

فيه عرض حاليا من مشاعل العاصمة بـ 800 ريال ..
والوايرلس حلو .. مثل باقي اجهزة نوكيا

حياك الله

شباب انا ببيع جهازي كم يجيب ؟؟؟

شكرا لكم ....

إقتباس الرسالة الأصلية كتبت بواسطة هـــــــلالـــــــية شباب انا ببيع جهازي كم يجيب ؟؟؟ شكرا لكم ....

بالنيابه عن اخووووي عزوز

على حسب نظف الجهاز
انا بعت جهاز اخوووي

نظيف حلو معه ضمان بس

بس على فكرهـ رحت يم محل اعرفه هندي رهيب معي
اخذ الجهاز 750
وهو شاريه اخووي يمكن حوالي 900 - 850

بس انت رح كم محل ولا تستعجل على بيعته


الله يوفقك