|
الزعيم .... يحقق احلامك (( ابي اصور مع ياسر القحطاني تكفى يبه )) هذي العبارة دائما يرددها ابني عبدلله حفظه الله وانا بدوري ارد عليه واقول (( حتى انا بعد ودي اصور مع ياسر )) بس المشكلة اننا في السعودية لا نعرف التنظيم الرياضي وكل شي بالواسطة ولا بالصدفة راح تصور مع احد اللاعبين وانت وحظك . وعلى طاري الحظ مرة لقيت باص نادي الزعيم متعطل في القصيم وكان الفريق جاي للقصيم من اجل مباراة الحزم والهلال كاس فيصل والحمدلله توقفت ولقيت كوزمين وسلمت عليه وركب معي الاستاذ سامي بوخضير والمدرب عبداللطيف الحسيني ومدرب الحراس منصور القاسم واخصائي العلاج الطبيعي وصلتهم للفندق المقيمين فيه من اجل المباراة بس مثل ماقلت هذي صدفة ومتى تحصل . تخيل ان احد اصحابك مسافر الى اسبانيا وبعد مارجع قال لك انا مصور مع احد نجوم نادي ريال مدريد او برشلونة ومصور بالملعب بعد اكيد راح ترد عليه وبتقول حنا ماصورن مع لاعبين السعودية وانت تبي تصور مع لاعبين ريال مدريد اقول (( تلعب على مين )) والحقيقة ان التصوير مع لاعبين اوروبيين يكن يصير اسهل من التصوير مع احد لاعبي السعودية لماذا ؟؟؟ طبعا الاندية الاوروبية كل شي احتراف حتى بالتصوير يستفيدون من الجمهور يعني ادفع مبلغ محدد وصور مع اللي تبي وهنا نقول ياليت والله ياليت صوتنا يوصل للادارة الهلالية ويطبقون الطريقة طبعا الزعيم دائما عودنا انه النادي الاول في كل شي وليت يكون الزعيم هو الاول في تطبيق هذ الفكرة لتحقيق احلام كثير من الجماهير طبعا صعب على اللاعبين التصوير بعد التمارين كل يوم ولكن يتم تحديد ايام للتصوير يتم تحديد الايام بعد الانتهاء من الدوري والمسابقات الرياضية (( الزعيم يحقق احلامك )) |
أتمنى أن يتحقق حلم أبنك ويقابل ياسر * عاداتنا وتقاليدنا يمكن هي السبب في صعوبه تقبل هذا الوضع لاننا نرا ان لا فرق بيننا وبين اللاعبين رجال زينا زيهم ليش هم ما يتصور معنا ههههههههههههههههههههههههههههههههههههههه موضوعك رائع جداًًًًًًًًًًًًًًً |
صعب جدا أن تجد من يحقق لك أحلامك |
للأسف بدري علينا الامور هذي |
والله فكرة جهنمية حلوة و كذا يصير فيه دخل للنادي |
جرب أرسل كلمة حلم للأم بي سي يمكن يحققون لك حلمك بالتصوير أنت وأبنك مع ياسر .... صوره جماعيه وش تبي أكثر من كذا حلم في الحياة .... |
فكرة رائعة .. وأتمنى أن تصل لإدارة الهلال وعبد الرحمن بن مساعد وعبدالله بن مساعد يؤمنون بمثل هذه الأفكار تنظيم \\ دخل مادي جيد للفريق \\ اولوية كما هي عادة الزعماء قصيمي ... الله لايحرمنا من فكرك المتجدد الجميل إقتباس:
يا أخي قل خيرا او إصمت ... الله يصلحك |
فكرهـ رااائعه تقبل مروري لآهنت |
حيتقق حلم ابنك بمشيئة الله |
| الوقت المعتمد في المنتدى بتوقيت جرينتش +3.
الوقت الان » 01:19 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd