نادي الهلال السعودي - شبكة الزعيم - الموقع الرسمي

بسم الله الرحمن الرحيم

حبيت اشارككم مذكراتي الخاصه يا احلى جمهور بهالدنيا...جمهور ذواق باختياره وانتمائه للزعيم

اليوم باحكيلكم الجزء الاول من مذكرات DOLE

....حجز التذكرة للرجوع الى احلى بلد بهالدنيا ....

صار له سنة ونص ما رجع للسعودية ..وكان مرررررررررررررررره متحمس انه يرجع للسعودية حتى انه حجز قبل الرحله بثلاث شهور من الحماس بعد ما استخار ربه.. في خلال هالسنة ونص كان يصبر عمره بدراسته ويحاول ينسى فكرة الرجوع ويقول لنفسه فلان صار له اكثر من سنتين وما رجع وفلان مو راجع ابد الين ما يخلص دراسته.. السبب اللي ما خلاه يرجع هو لان فيزته منتهيه وخايف يرجع ولا يجددون له ..صار كل اجازه يسافر في ولايات امريكا عشان يحاول يبعد السفر للسعوديه عن باله... سافر لكالفورنيا وراح لاورلاندو وراح لنيويورك كل هذا بسبب انه يحاول يبعد فكرة السفر عنه ...
نرجع لقصة التذكره...وصلت لـDOLE تذكرته وهو كان ينتظرها على احر من الجمر.. يوم جته التذكره بدى يجمع اغراضه للاستعداد للسفر ..كان مسوي مفاجئه لاهله وقايلهم انه بيجي بعد شهرمن يوم الرحله... وحاط نكه بالمسنجر باقي على رجعتي 70يوم للسعوديه إن شاء الله وكانو ربعه واهله بالمسنجر يعدون مع DOLE العد التنازلي ليوم الوصول..

....DOLE ورحلة الرجوع الى السعوديةومفاجئته لزميله FISAL...

كانت رحلته في تاريخ\24\5\2008 اللي يوافق يوم السبت... DOLE متحمس للسفر
لكن يحس بشعور غريب ... ما ارتاح الا لما وصل السعوديه... قبل ما يحجز DOLE تذكرته... كان يدور له احد عشان يخاويه بالطياره لان الرحله طويله مدتها 13 ساعه ...دق على FISAL خويه وقاله ها متى رجعتك قال في يوم 24 \5\2008 على الخطوط السعودية .. DOLEقام وغيرحجزه على نفس اليوم اللي بيسافر فيه FISAL.والحمدلله مشت الامور تمام وتأكد حجزه على نفس رحلة FISAL... عادة DOLE انه ما ينام اذا كانت عنده رحله وخصوصا اذا كانت طويلة ... هو يواصل عشان يجبر نفسه ينام بدون ما ياخذ حبوب للنوم.... كانت خطة السير بالتيمور الى نيويورك ومن نيويورك الى السعودية الرياض... راح DOLE لنيويورك وخلص اجراءات الجمارك... ركب الطيارة وهو يدور على خويه FISAL... كان DOLE يدور على مقعده ويدور على خويه بنفس الوقت.... وهو يدور على مقعده FISAL شافه من بعيد ومو مصدق اللي يشوفه...جا وخمه وقام يهاوشه ليه ماقلت لي وليه وليه؟؟؟ ومو مصدق انه قدامه... DOLE صار له ماشاف فيصل سنة كاملة...فكانت المفاجئه حلوه بالمرررررررررره

هذا الجزء الاول من مذكرات DOLE نرجع لكم بعد كم يوم وترقبواااا

شعور DOLE يوم جاء للسعوديه

مفاجئته لاهله اللي مادرو عن موعد جيته

موعد تجديده للفيزا

استودعكم الله
واشوفكم على خير