يا شين اللي يدرعم وما يدري وش السالفة يسمع كلام السوق والا كلام واحد سهران اخر الليل !!

مشكلتك جيت تسال بمكان كل اللي فيه ما يقتنعون الا بالياباني ... كامري واكورد !!

حبيب قلبي انا معي اس اس وما رح اقولك الا شي واحد ... اذا بتشتري امريكي وانت حاب سيارة شفروليه او دودج او اللي هو لا تسال احد ... اما تسال اكثر من واحد معه نفس السيارة ... او اشتريها وتوكل على الله !!

كل الانواع والموديلات فيها خرابات وتلقى كم حبة فيها مشاكل من المصنع ... سواء شفروليه او بي ام او مرسيدس ... سبحان الله كل الردود يقولون انها ما هي مرغوبة وكلها خرابات !!

واللومينا والكابريس والتاهو واليوكون وكل انواع الشفروليه ... والتشارجر والكرايسلر منتشرة بشكل كبير وكل موديل ينزل ينتشر!!

لو ما هي كويسة كان ما تلقى الموديلات الجديدة تنتشر كان الناس اتعظو من القديم !! بس مشكلة اكثر الناس ما يفهم بصيانة السيارة ويقولك هذي خراباتها واجد !!

يمشي بالزيت 50 الف ما يغيره ... الفرامل ما يدري انها لازم تتغير ... يشغل ويمشي ما ينتظر السيارة تحمى ويقولك سيارة جديدة لازم تتحمل

يا حبيبي خلني ساكت بس لا يزعلون مني الشباب ... بس نصيحه مني اي سيارة امريكي انت حابها لو عمرك تفكر تسال احد