صور لي ول أحد اقاربي على الطبلون .. - نادي الهلال السعودي - شبكة الزعيم

الزsamiعيم · #1 03/04/2009, 08:56 PM

السلآم عليكم ..

اليوم حبيت احط لكم صور لي ول احد اقاربي وحنا جايبين الطبلون كله

ما اطول عليكم اتركم مع الصور...

أول صوره لي وانا جايب 240 على الكزس حقتي موديلها 2004 ..ها الصوره لها سنتين الحين انتشرت..

والصوره الثالثه لخالي على طرق الشرقيه وانا معه وموتره فورد 2008 قد تستغربون انها 178 لأن الفورد تفصل على 180 ..

والصوره الرابعه لي وانا جايب 180 على هايلوكس 99 (يودي اغراض) طبعآ الموتر مو حقي

>>هاذي واانا رايح للمجمعه

وهاذي الصوره اخت الي تو بس كنت راجع من المجمعه ,,

تقبلو تحياتي ...

ادعو لي ..,,..الله الله في الردود

3bo0o0od · #2 03/04/2009, 09:06 PM

الله يهديك
الله يهديك
الله يهديك
الله يهديك

abo.a7mad · #3 03/04/2009, 09:17 PM

تبون تعطوني الدنيا , أدعوا لعيال عمتي تكفون

جـووووكر · #4 03/04/2009, 11:41 PM

اقول ترى خالي يشتغل بالمرور <<<<< مايعرف يهدد

الله يحفظك

تقبل تحياتي اخوك \ جووووكر

خوليو الأزرق · #5 04/04/2009, 11:51 AM

هذا الشيء يجب انك ماتفتخر فيه وعلى فكره ترى اي واحد يقدر يسوي مثلك .
تخيل ضرب عليك كفر وانت بهالسرعه .
الله يهديك بس .

عقلي سليم · #6 04/04/2009, 01:37 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الدهينه · #7 05/04/2009, 09:14 PM

اقول الله يهديك بس انت منتحر ولا عقلك ماكول نصه هههههههههه مشكور

الزsamiعيم · #8 05/04/2009, 09:59 PM

خلآص الحين شيبنا

مافيه حركه مطافيق

مستر الزعيم · #9 05/04/2009, 09:59 PM

مشكوووووور والله يحفضك .,...

بس الفور تصقع تحت 180 يعني 180 تجيبها عادي بس تروح تحت العداد تروح بس بالقوه بعدين عداد الفكتوريا 120 ميل يعني 200 كيلومتر وتجيب تحتها بالراحه انا معي فكتوريا 2007 اجيب عليها 180 وتحتها

شهــــاب11 · #10 05/04/2009, 11:30 PM

الله يــســتـــر عـلــيــك ويـهــديـــك ،،،

manu4ever · #11 06/04/2009, 12:07 AM

إقتباس


	يارب ترفع عن عيال عمتي وتشفيهم وتعافيهم يارب يا كريم , كلهـــــــــــــــم في العناية المركزة حمد عنده نزيف وهو تحت التنفس الإصطناعي أما عبدالله فعنده مويه بالمخ وسوو له قصطره وعنده ثقوب في الاورده الموصله للقلب وسوو لها ربط وكسر في الفك ويده حطو له فيها صيخ والفقره الخامسه من ظهره متكسره والامعاء متقطعه وفيه نزيف ووصل إلى 48 كيس دم وشالو له الطحال وللحين تحت التنفس الاصطناعي والضغط عنده مختل تكفون الله يعافيكم ويجزاكم خير ويوفقكم وييسر أموركم ويسهلها أدعوا لهم جعلكم في الجنة جعلكم في الجنة جعلكم في الجنة أدعوولهم , والله نشفت عيني من كثر الدموع .

يا الله ياكريم يارب العرش العظيم إن تشفي عبدالله وحمد بآقرب وقت ممكن ويخرجون سالمين يارب العالمين ,,, الله يعينك ياخوي ..

Nawaf ALshooq · #12 06/04/2009, 01:21 AM

الله يهديك

الله يهديك ياخوي والسرعه مايتفاخر الواحد فيها

Nawaf ALshooq · #13 06/04/2009, 01:22 AM

إقتباس


	وتعافيهم يارب يا كريم , كلهـــــــــــــــم في العناية المركزة حمد عنده نزيف وهو تحت التنفس الإصطناعي أما عبدالله فعنده مويه بالمخ وسوو له قصطره وعنده ثقوب في الاورده الموصله للقلب وسوو لها ربط وكسر في الفك ويده حطو له فيها صيخ والفقره الخامسه من ظهره متكسره والامعاء متقطعه وفيه نزيف ووصل إلى 48 كيس دم وشالو له الطحال وللحين تحت التنفس الاصطناعي والضغط عنده مختل تكفون الله يعافيكم ويجزاكم خير ويوفقكم وييسر أموركم ويسهلها أدعوا لهم جعلكم في الجنة جعلكم في الجنة جعلكم في الجنة أدعوولهم , والله نشفت عيني من كثر الدموع .

الله يشفيهم

يالله يارب ياكريم تشفيهم

آ ح ب9999 · #14 06/04/2009, 01:26 AM

الله من الدعدعه يورينا انه احسن احد شف ترها اصبع ماهب شطاره خلك عنك بس (الله يهدييدك بس)

Hilalih 4ever · #15 06/04/2009, 01:52 AM

والله ياخوي اذا صار لك شئ لاسمح الله انت الخسران....

وترى مو كل مره تسلم الجره ...

على فكره ترى نقدر نشجعك ونقولك يابطل ياشنب والله انك ذييييييب ونطلع من موضوعك بس من خوفنا على شبابنا نقول كذا ...