|
متى بدأت التعامل مع الكمبيوتر ؟ القصد من هذا الموضوع هو معرفة تاريخ الأعضاء مع الكمبيوتر ونشوف كيف كنا وكيف أصبحنا .. عن نفسي يمكن ألخص قصتي مع الكمبيوتر على ثلاث مراحل .. الأولى : بدأت عام 1408 تقريباً :) يعني تقريباً قبل 15 سنة على أجهزة كمبيوتر صخر 740 ماكان يضم أي ذاكرة على ما أذكر .. أول ماتفتح الجهاز كان يطلب منك اختيار احد الخيارات الخمس ( تقويم - رسم - تنسيق عربي - بيسك - نسيت الخامسة :confused: ) وماكان يجي مع الجهاز شاشة .. يعني تشبك الكمبيوتر بالتلفزيون وكان مجرد التحكم ببرنامج الرسم ( البدائي جدا جدا ) يعتبر حدث فريد بالنسبة لي في ذلك الوقت ، وبعدها بسنة حصلت على كتاب أصفر صغير عن لغة البيسك وكانت تلك الأيام أول محاولات البرمجة ( ان صح التعبير ) وقدرت بكتابة سطر واحد عزف موسيقى أو اصدار أصوات موسيقية من الكميبوتر وأذكر اذا ماخانتني الذاكرة ان الامر كان إقتباس:
المرحلة الثانية : من عام 1412 - 1416 كانت على جهاز آآبل ماكنتوش الذي كان قفزة كبيرة في عالم النشر الورقي وكان من حسن حظي أني استطعت الحصول على طابعة ليزر وقدرت أسوي نشرات ومجلات مدرسية بشكل احترافي إلى اليوم مازلت أحتفظ بها وكان أبرزها هي مجلة رياضية خاصة بثانوية " النجاشي " ، طبعاً أكثر ماكان يزعجي أن تلك الفترة شهدت مولد وندوز 95 وكنت أنا الوحيد على الماكنتوش ! وطبعاً انتشار الوندوز دفعني للانتقال . المرحلة الثالثة : عام 1416 انتقلت إلى أجهزة IBM وبدأت بجهاز متواضع القدرات ، عموما أذكر أني كنت مستجد جدا على نظام الوندوز واستعنت بكتب ومجلات للشرح والتوضيح لدرجة أني كنت أضيع لما أدخل لوحة التحكم وكان الانتقال من الماكنتوش الى الوندوز أصعب مما توقعت حتى بدأت أتمكن من النظام ومعرفة أسراره . الحدث الأكبر بالطبع كان في عام 1417 حيث ظهرت شبكات " الانترانت " في الرياض أبرزها شبكة الجامعة وشبكة نادي الحاسب الآلي وشبكة " منتصف الليل " أتذكر أول أيامي في الدخول إلى شبكة نادي الحاسب حيث كنت أقضي ربما نصف ساعة وأنا أمام الشاشة منتظراً من يدعوني إلى الدخول في غرف محادثة ( بالعربي عليمي بقوووة ) ، ومع مرور الأيام أصبحت خبير في تلك الشبكات بفضل ( التسمر أمام الجهاز لساعات طويلة :) ) .. ومع مرور تلك السنوات الحاسوبية بسرعة ... هانحن .. هنا !! :) |
هلا عصوووري.. اثرك شايب وانا اخوك :) عاد تصدق اني بديت نفس بدايتك بس يمكن تكون متأخر عنك بسنه لاني بديت تقريبا عام 1409 او 1410 ماني متأكد بالضبط.. وبعدها تركته وبديت في الالعاب وما رجعت الا بعد سنين طويله لملامسة جهاز الحاسب الصدقي :D وأتذكر في يوم وفاة ديانا خوية دودي الفايد كنت رايح للبحرين مع اخوي عشان الانترنت وانا ما كنت اعرف وشهو الانترنت ومنذ ذلك اليوم وانا مدمن انترنت :D تحياتي اعصار باشا الابصاري |
لا انا قبلك بكثيرررررررررررررررر :bluesky: مني قايلك متى حتى مافضح عمري ههههههههه كانت لي تجربة على كمبيوتر جابه ولد عمي من امريكا .. وانا عيل .. ذاك اللي الكيبورد بالشاشة .. يعني قطعة وحدة . بس ماكنا نلعب عليه الا الباك مان هههههههههههههه ومن قدنا عندنا كمبيوتر :D وماكان احد يعرف الكمبيوتر . لكني زيك البداية الفعليه على كمبيوتر صخر ابو شريطين واللي تشبكه على التلفزيون .. ذاك اللي تحط فيه تاريخ ميلادك بالهجري ويحسبه لك بالميلادي :D .. يوووووه حسبت اعمار اهلي كل ابوهم .. واعمار حتى عيال الحاره والجيران :D ويافيه أشرطه العاب تهبل .. كنت اتنح عليه بالساعات .. هذي المرحله الأولى .. واللي والله اعلم كانت قبل عام 1410 . اثريني شايب :( المرحلة الثانية .. كمبيوتر المدرسة :( حطوني مسئول عن الكمبيوتر وإدخال الدرجات والشهادات بالمدرسه سنه من السنين واعتقد انها 1419 و 1420 ايه سنتين .. وعينك ماتشوف الا النور .. انجح هالطلاب ومحدن داري هههههههههههه وكلوه بأجروه :D والمرحلة الثالثة .. مرحلة الأنترنت :) بعد وصول الشبكة شريت جهاز وصرت اطقطق .. وهالكلام الصيف قبل الماضي صيف 1421 .... وهذاني هنا :) تحياتي اعصار بيك :) |
الله يالشيااااااااب:D عمري 21 سنه بس اذكر أول كمبيوتر كان صخر كنت ألعب عليه العاب بالهبل اذكر لعبة الطيارة أي سنه الله أعلم بس هو أول ما جا:D ثاني مرحلة كمبيوتر ويندوز على طول تقريباً يوم كنت بأول ثانوي:D وثالث مرحلة العام منع النت أخذت سنه تممت السنه من دخلنا النت بالبيت:D وأول ما جابه بابا على طوووول سنترت عنده اشوف كيف يشغله:D خصوصاً أنه حاط لنا كلمة سرية:D ولازم نجيبه علشان يحطها:D لييين قعدنا على راسه وخليناه يحفظها:D نياااااهااااااااي:D ومن يومها والوردة مسنترة هوووون على النت:D وما أخلي أحد يقعد أنااااانية خخخخخخ:D والحين بابا معاقبني خخخخخخ:D يقفله عني علشان أنام باليل خخخخخخ عدل شغله علشان أصحصح وأحط لكم القناة والكار والله وناسه الصبح ماحولك أحد:D :D وبس سلامتك طلعت فضايحي خخخخخخخخ:D تحياتي: الكرز |
انا ماتعلمت الكمبوتر الا من عام 1419 حيث كان اول مرة استخدم فيها الحاسب الالي في معهد نيو هورايزون يوم قدمت على دبلوم حاسب الي والحمدلله خذته |
الغالي الإعصار عمري مع الكمبيوتر يتلخص بثلاث مراحل .. المرحلة الأولى مع كمبيوتر صخر تقريبآ عام 1410 ه .. المرحلة الثانية مع الكمبيوتر الصدقي ( على قولة أخوي الغانم :D ) وكانت لدراسة برمجة الكمبيوتر عام 1420ه يعني قبل سنتين أو ثلاث .. المرحلة الثالثة مع الأنترنت . وما تصدق لو قلتلك إني ما عرفت شي إسمه أنترنت إلا لجل عيون شبكة الزعيم لأني سمعت فيها من بعض الشباب ومن حبي في الهلال نصحوني وقالولي أنت لازم تدخل على هالشبكة , وكان أول يوم أدخل فيه على الأنترنت كان أول يوم لي أدخل على الشبكة الغالية , وألين الحين إذا ما دخلت على شبكة الزعيم أحس أني ضايع حتى وإن دخلت على مواقع الدنيا كلها .. وتقبل تحياتي ,, أخوك : الصوت الهلالي |
تسلم والله يالأعصار على هذا الموضوع الرائع....موضوع الذكريات:):) وبالنسبة لمواحلي مع الكمبيوتر... تبتدي مع كمبيوتر صخر1992م يوم كنت في أولى متوسط...وكنت ألعب علية بالهبل..وخصوصا كيف أطلع العمر بالهجري والميلادي...وأكتشفت انة للانسان عيدين بالميلادي والهجري....:):)<<< عبقرية...:):) وبعدها عرفت الأنترنت على طول عن طريق صديقتي بالجامعة... وكان تقريبا سنة 2000م...وكنت أقعد بأوقات الفراغ في الجامعة على الأنترنت .... وبعدها شريت انترنت في البيت وصرت مدمنة انترنت....وكنت ماأسكر الأنترنت أبداااا....أقعد علية من أول مااجي من الجامعة لين مايجي بكرة واروح للجامعة.يعني ماكنت أنام أبداااا...لدرجة انة اهلي خافوا علي من الانترنت وصاروا يهاوشوني .... والحين الحمد لله صرت أدخل قليل للانترنت...وصرت أنام وتعالجت من ادمان الانترنت... امممممممم بعد اي معلومات ثانية عن الذكريات....:):) وتسلم يااالأعصار على هذا الجهد... |
يا هلا و الله بالإعصار http://alzaeem.com/vb/images/icons/icon14.gif العمر 22 (توني بعز الشباب) عام 1406 يوم عمري 6 سنوات كنت أطقطق بكمبيوتر صخر... عام 1408 (8 سنوات) .. أخوي اللي أكبر منّي شرا كمبيوتر IBM أصلي كان عملاق و شكله يروع... كان إذا طلع أخوي دايم أخل غرفته و أطقطق فيه :D عام 1411 .. أخوي زهق من هالكمبيوتر و عطاني إياه.. بعدي عام 1416 شريت واحد.. و قبل 9 شهور شريت الثاني! الحين صرت أدرس كمبيوتر بالكلية |
تحية طيبة للجميع .. المرحلة الأولى : طبعا البداية كانت عبر كمبيوتر صخر ... وخاصة الألعاب وفي الشريط التعليمي " الطفل العجيب " هذا كانت البداية تقريبا كنت استخدمه في عام 1406 قبل ما ادخل المدرسة بسنة واحدة ومن ثم تطورنا الى الرسام والتقويم .. المرحلة الثانية : كنا نستخدم الكمبيوتر الفعلي في المرحلة الثانوية وتحديدا في ثاني ثانوي عام 1417 في " سلسلة الدوالج ... للمواد التعليمية .. المرحلة الثالثة : وهي الاهم بالنسبة لي : دراسة الحاسب بتعمق اكثر عام 1419 ومن ذلك التاريخ الابحار فيه وبرامجه ومن ثم الاستفادة من النت ...:) |
أشوف الفضـــاوة ذابحتك :D وأشوف الشــعب كلهم على ثلاث مراحل زيك :D نرجع للموضوع ;) ..(( مسيطرين علوضع:D )) والله ياطويل العمر والسلامة .. مانيب بعيدٍ عنكم ;) .. صخر أبو شريطين ( على قولة ولد الجوف :D ) وتحويل التاريخ من الهجري للميلادي .. ولعبت السياره الحمراء :D .. وطرزان .. وموسوعة الطفل العجيب كاملة :).. <<== مهوب عاقل المثقف :D بعدها على كمبيوتر الوالد الله يخليه ;) ( أيام المتوسط ) وذيك الأيام الحاسب الشخصي ناااادر وغالي .. المهم خليت الوالد كل يوم والثاني يسوي فورمات :D ومع مرور الأيام تطورنا شوي شوي .. وكمبيوتر خاص فيني .. ونت .. وزعيم .. وسعت صدر .. . وبعدها ،، دخلنا الكلية والتخصص ( حاسب آلي ) .. عاد تعرف .. لازم تواكب السرعة والتطور التكنولوجي ;) ( أيه هين:D ) وهــا نــحــن هــنـا :cool: & .. وســلامتك ورضــاك يالـغـالي :):) ،،، |
سلام ايش المواضيع الحلوه دي يعني لازم تطلع فضايح العالم :upset: اشوف الموضوع مليان من طلاب الحاسب اللى مثلي <----- فرحان :D اذا رجعنا للموضوع الاساسي كانت بداية عادية جداًً كانت على الصخر ابو شريطين :D والله ما اذكر اي سنة وكنت انا واخوي الكبير ناخذ الكتاب الاصفر حق البيسك ونجرب نرسم دائرة ونطلع اصوت جرس واشياء واجد ثم عاد بدات فترة الالعاب من كمبيوتر العايله والسيجا ثم قبل ست سنوات يعني 1417 شراء اخوي جهاز ب 8 الاف وبدينا نطقطق عليه بالورد والحركات الحلوه واشتركن بالنت واذكر شبكة نادي الحاسب وبرنامج النت ميتنق ثم انطل الجهاز يمكن 4 سنين محد يستخدمه ثم جيت انا البطل قبل سنتين ودخلت كلية الحاسب ومسكة الطارة من اخوي وخربت ابو الجهاز كلها من فارة الى مذربورد الى ان طقية لي جهاز قبل سنة واشتراك على النت ومن يومها وانا مدمن نت الى ان الله من على واقلعت من الادمان وصرت الحين ادخل نصف ساعة يومياً فقط من بعد اربع خمس ساعات طلعت ذي قصة حياتي :D ومشكور اخوي الاعصــار على الموضوع الجديد |
[c]أسمع يالاعصار الغالي ولا تضحك أول ماعرفت الكمبيوتر يوم كان الوالد الله يحفظه عنده محل ( دهانات ) يعني ( بويه ) كان هناك كمبيوتر يخلط الالوان وتعال شف الشغل الزين بالخلط وبعدين شريت كمبيوتر صخر بس ماراح أقول عام كم علشان ما حد يعرف عمري وبعدين تطور الأمر حتى التوظيف بشركة الاتصالات والبداية كانت بصرف الجوال وعذاب الزحمه وأيام يوم كان بعشرة الاف ريال وهكذا استمر العشق. وتطور الأمر حتى وصلت بالصدفه على شبكه الزعيم ( الملكي ) عن طريق محركات البحث وأستمر عشق الكمبيوتر الى الان وحتى أخر العمر إن شاء الله. [/c] |
وخروووووو جيتكم .. :D بدايه التعامل كانت مع صخر 350 ومع الاشرطه والدسكات الي على جنب :D واذكر فيه شريط اسمه ((ميتل قير )) اذا احد يذكره هذيك اللعبه كانت ادمان من جد واسلحه وحرب :D وبعدين شريط البطريق :laugh: :laugh: بعدها تطورنا مع الات التقنيه :D ومرت مراحل ..سوبر ننتندو ..نيوجيو .. اوميغا 1100 .. وكلها هذي تسمى العاب وبعدين دخلنا على مناهجنا في الثانويه .. المتطوره جدا :sad: وبدأنا نكتشف العالم المجهول :eek: وبعدين دخلنا على مرحله النت علشان الشات بس الله يقطع ذيك الايام .. تمر بالعشر ساعات ما تحس فيها :dead: وعن طريق محرك البحث تعرفنا على شبكه الزعيم في بدايتها .. :) وبعدها بسنتين قررت :D اني اسجل بيوزر .. وإلى يومك ابي اتعلم الفوتوشوب ولا نيب عارف :uhoh: :cry: يووه وش ذا الغبار الي طلع :D:D وسلامتكم . |
موضوع مميز من العضو المميز اعصار الشبكه ;) هذا الموضوع اثبت لان ان اكثر اعضاء شبكة الزعيم شيبان :D نرجع للموضوع تعلمت الحاسب على مرحلتين: المرحله الاولى : كانت عام 1418هـ وامتدات الى اواخر 1419 هـ والمرحله الثانيه: كانت فى هذه الشبكه منذ رمضان1422هـ الى الان |
السلام عليكم يازعماء في سنة من السنين الماضيه:D يوم كان جدي يدرس بامريكا طبعا جدي الرابع عشر:eek: جاب معه كمبيوتر لأنه كان يدرس في جامعه اوكلاهوما بلندن المراد مرت الايام وانا لين الحين ماجيت :bigrazz: وجدي كان عزابي وفي سنة السبله هاجر جدي الى الولايات المتحده الافريقيه:razz: وتزوج ابوي امي وجيت :cool: انا الكبيرطبعا:blueroll: وبديت اطقطق على النت من ذيك الايام وفي عيد الاضحى اهداني اخوي الكبير <<< فكاك:eek: لاب توب توشيبا وبديت افت عليه لين صرت داهيه( ايه هين) لا عاد سز (صدق) ماعرف وش سالفة الكمبيوتر لين 1420 رجب شريت جهاز وتعرفت على شبكة الزعيم عن طريق صديق او الجمهور او حذف اجابتين ومن يومها وانا انترنتي ولا منول حدي ناين تندو ودايم مهزوم:upset: وشكرا لك موضوع مميز ياأعصار الشبكه الهادي(الشايب) ;) |
| الوقت المعتمد في المنتدى بتوقيت جرينتش +3.
الوقت الان » 04:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd