خارج النطاق /

أرى أغلب مواضيعكـ عن المشاكل و المواقف

أسأل الله أن يبعد عنا وعنكـِ المشاكل

داخل النطاق /

لا خبرة لي فقط أحببت أن أوضح ما قرأتِه في الاعلى

{ وَإِذا سَأَلَكَ عِبادِي عَنِّي فَإِنِّي قَرِيبٌ أُجِيبُ دَعْوَةَ الدّاعِ إِذا دَعانِ }


مع الحلول اللي انطرحت واللي بتنطرح وبكل الأوقات تلجأ لـ ( الدعاء )..


عوافي الضحى

أهلين الضحى

بصراحة أنا ما أقدر أحكم على التربية لأني ما أدري وش الغلط اللي صار فيها وخلاهم كذا
جايز يكون الانغلاق هو السبب ولما طلعوا على الدنيا شافوا العالم غير , ولأن الضغط يولد الانفجار تغيروا فجأة وبشكل كبير .. وجايز يكون سبب غيره ..!

عموماً ما كل ما يتمنى المرء يدركه ... تجري الرياح بما لا تشتهي السفن ..!
خليها ترضخ للأمر الواقع وتحاول تساير الوضع بشكل طبيعي ولا تقلق نفسها وتحزن .. بالعكس تحمد ربها ان عيالها كذا , ما طاحوا مثل غيرهم بالبلاوي الثانية
هي مشكلتها انها كانت تتأمل وتطمح ان يكونون عيالها أصحاب شأن .. عشان كذا صدمتها كانت كبيرة لأن عيالها طلعوا مثل غيرهم من الشباب السعودي !

ما صار إلا الخير , وتحمد ربها على العافية والعيال ان شاء الله بتزين أمورهم مثل ما زانت أمور غيرهم

ما تلاحظين أني كررت كلمة غيرهم أكثر من مرة؟
لأني أبيك توصلين لها ان عيالها مو منزلين من السماء وأنهم مثل غيرهم
ولو كل أم بمثل حالتها سوت مثل ما سوت هي , ما أظن بتبقى أم بالسعودية ما بكت

و عليكم السلام ورجمة الله وبركاته ,,,

في الحقيقة أنا ضد شراء سيارة جديدة للولد قبل أن يتخرج من الثانوي ... هذا لا يعني أني أقول أن لا يقود السيارة

لأنه من الطبيعي أن ينشغل بها فترة من الزمن خصوصاً لو كانت جديدة !

أمر آخر هو أن كثير من الآباء يخطئون بزرع الأفكار " السطحية " في عقول أبنائهم فبدل أن يشجعوا الإبن على النجاح

لِكي يُأمن لنفسة حياة كريمة و يكون له اسمه في المجتمع , يقولون " لو نجحت سأشتري لك كذا و كذا " و هذا برأيي

المتواضع خلل في التربية .

أما بالنسبة لصاحبتك و أبنائها , فابحثوا عن أصدقائهم فالمرء على دين خليله , و قديماً قالوا : " الصاحب ساحب " ... و

لو كانوا من ذوي الأخلاق الحسنة فليجلس الأب معهم دون علم الإبن ليقوم بنصيحته , فربما يتقبّل الشخص ممن

يكونوا في مثل سنهم .

كذلك يوجد برامج في التلفاز أو أشرطة لبعض الإستشاريين المهتمين في شؤون الأسرة و التربية , فهم يمتلكون

خبرة أكبر في مثل هذه المشاكل .... (( و لا ينبئك مثل خبير )) .

لا حول ولا قوة الا بالله


أختي أسئلي صديقتك سؤالين:

1ـ هل الاب كان يدخن وهو صغير او مازال يدخن او ترك الدخان ؟

2ـ هل الاب كان عاق لوالديه يوم كان في سنهم وهو شباب او صارت مشاكل مع والديه ؟


لان الصراحه مايصير للأبناء في هذا الوقت هو ما كان يفعله الاب مع والديه سابقا هذي وجهة نظر

وحالات كثير تصير مثل كذا والله العالم

الله يعطيك العافيه على هذا الموضوع المتميز
..
خير الامور الوسط
و انحراف هؤلاء الشباب ماهو الا دليل على التطرف في تربيتهم
فمثلا :
لو انهم استخدمو في تربيتهم اسلوب متوازن ديني اجتماعي نفسي تربوي دراسي
صدقيني ماكان حصل الي حصل
يعني الي اقصده انهم ركزو على جانب و اهملو عدة جوانب
واضح انهم ركزوا على الجانب الدراسي فقط واهملو ماهو اهم منه
و ركزوا ايضا على مبدأ الثواب و اهملو مبدأ العقاب وهذا اكبر خطأ
حيث ان العقاب على الخطيئه اهم من الثواب على السلوك الصحيح
..
واخيرا
مبين انهم مو فارقه معهم عيالهم مع مين طالعين من وين جايين
يعني يختلطون في شلل فاسده
و المرء من جليسه
..
بالنسبه للحلول :
الزواج لمن وصل منهم الى سن الزاوج و تكون مصاريف الزواج دين يقوم بدفعه كأقصاط شهريه
و اغراء الاصغر بالزواج اذا حسن اوضاعه
و الدعاء لهم ليلا ونهارا
و عدم اعطائهم مبالغ الا عند الحاجه و بحساب دقيق
..
نصحيه : خليها تسمع سيرة الرسول صلى الله عليه وسلم للشيخ طارق السويدان
فالرسول هو مربي الامه
خلها تستفيد منه

أنا برأيي تمني الثقه عندهم قبل كل شي تمدحهم وتكثر من قولة انت رجال البيت وهاذي الكلمه بس تكبر روسهم

ماتحط الغلط عليهم انهم ماتوفقوا بدراستهم أوالاغلاط الي يسونها وتقولهم انتو كنتو لاعابين وربي باليني بعيال مو مثل عيال الناس ومن هالكلام لا تقول هذا الي كاتبه ربي وأكيد فيه خيره لكم بيعوضكم عن الي أحسن منه وتضربلهم امثله بأشخاص كانوا ولا شي والحين مستقبلهم الكل يتمناه <<بحيث انهم هم بنفسهم يبحثون عن مستقبلهم

تحاول تشغلهم بالبيت مثلا مو شغل لا شي تعرف أنه يحبونه وبالتالي يقللون طلعات بسببه أو يطلعوا معاهم طلعات بين فتره وفتره لانو هذا يزيح الحواجز الي بينهم

تاخذ رأيهم في كل شي بحيث انهم يحسون بقيمتهم وانهم ظلموا انفسهم أنهم ضيعوا حياتهم كلها على لاشي

مشاكلها هي وزوجها مو لازم كل البيت يعرفون فيها لأن هاذي تأثر على نفسيتهم

ابوهم ابدا لايقسى عليهم زي مايقولون الرجال مايجي بالعناد يعني لابغى طلب يقول انت خليفتي انت رجال البيت وانا محتاجك في كذا ... وأذا زعل منهم مايحتاج يهاوشه قدام الكل ويسبه هذا يزعزع ثقته ويمكن يلجاء للعناد يعني يحوال يتمكن من نفسه ويقول الله يهديك يظهر ملامح العتب ويمشي امور زي هاذي ماتجرح الولد بس يعرف ان ابوه زعلان

لاتذكرونه في تصرف سيئ او عمل حاجه غلط في الماضي فيمكن يرجع للعمل الي سواه لانو يقول راكبني راكبني هالشي اسويه افضل

وهاذي وجهة نظري

اخوي معيض أنا اخالف وجهة نظرك انو يزوجون الولد وهو مو قد المسئوليه
أولا : الزوجه الي بتضرر بسبب جهل الولد وعدم تحمله للمسئوليه
ثانيا : كثرة مشاكل الطلاق وأعتقد هذا سبب رئيسي انو يكون احد الاطراف مو قد المسئوليه

اختي ضحى هالموضوع هذا كثير من العوائل تعاني منه

هم يعرفون ان الي سووه قرارات خاطئة ويبون يتداركون الوضع اول شي يجب انهم يحسسون ابنائهم بشيء من المسؤليه الي يقدرون يوفقون في تحملها اختي ضحى لازم تعرفين اذا الأب لم يعامل ابناءه على حسب سنهم ماراح يتعدل الوضع يجب عليه ان يعرف همومهم ويكون قريب جداً منهم

انا اقترح فرض رقابه على الأبناء لكن بطريقه غير مباشره ومن دون مايحسسونهم انهم مراقبين
وفيه شي اشوفه سلاح ذو حدين هو ان تمدح ابن فلان امام احد ابنائها وان تبدي علامات الحسره بوجهها بوضوح امامه هو من تلقاء نفسه راح يجيه تأنيب ضمير وبأذن الله الحال سوف يعتدل

اختي ضحى يجب عليهم الأخذ بكلام خبير والحلول الي اطرحها او يطرحونها الآخرين ماهي الا مسكنات لا يعرف مدى تأثيرها عليهم

اذا هم رافضين هالشي واقصد بذلك التعامل مع استشاري خوفاً من تكسر المظاهر الخارجيه لديهم

هناك رقم مجاني يعني بالمشاكل الأجتماعيه وميزة هذا الخط انه لايسئل من انت او يأخذ بياناتك بكل بساطه تكلم وتطرح المشكله علي الأخصائي الأجتماعي وراح يعطيها حلو وبأذن الله راح تساعدهم راح ابحث عن الرقم المجاني وارسله لك على الخاص في حال اقتنعت بهالشي

فقط للعلم ( البيانات التي تطرح على الأخصائي الأجتماعي تضل طي الكتمان ولا يفصح عنها لأحد وليثق تمام الثقه ان المعلومات والبيانات التي سيطرحها العميل ستكون في منتهى السريه)

ارجو اني ما اكون ثقلت عليكم >> متابع للموضوع

في الحقيقة انا ما قريت الموضوع كامل لاكن فهمتة على ما اعتقد

انا من رايي انها تشوف هم وش يفكرون فية من اهتمامات ومن ثم تفتح محل لهم اذا امكن ويشتغلون فية والله هذي الطريقة بتخليهم يحسون بالمسؤلية وقيمت الفلوس وبعد يكون عندهم شغل
اكثر المبدعين والتجار كانوا فاشلين في الحياة بس اذكيا وبعد استغلالهم الفرصة هم الحين من اغنا الاغنياء ومن الامثلة بلجست صاحب شركة مايكروسفت وهنا في السعودية صالح كامل والجريسي ...

هم لازم يستغلون الطاقة الي عندهم قبل ان تنتهي بس لا تسوي شي الا وهي متأكدة ان رغبة اولادها فية حتى وان اختلفت الاراء وكان بالامكان ان كل واحد تفتحلة محل مافي مشكلة بس لا يجلسون في البيت وانت ما تدري يمكن ينحرفون ويصبحون مدمرين للمجتمع <الله لايقولة


اللهم اصلح شباب المسلمين