|
هلا وغلا :smilie47: .. اخبارك يا متعب ؟! .. صراحة موضوع منتاز بالحيل :d .. عطيتنا فيه عصارة تجارب .. يا رب نستفيد منها :yes: .. ام عبدالله .. مثال وتطبيق حي لتوصية الرسول صلى الله عليه وسلم :yes: .. " لئن يحتطب احدكم حطبة بيده .. خيرا له من ان يسأل احدا فيعطيه او يمنعه " .. وانا ما يرفع ضغطي ويفقع مرارتي .. الا اذا جاني واحد عمره من 14 الى 30 سنة ويطلب فلوس .. سواء عند الاشارات او المطاعم او اي مكان .. الله يصلح الحال بس :cry: .. متعب :ga: .. تشكر يا باشا :rose:.. |
Slumdog Millionaire :smilie47: اهلين اخوي نمر :rose: يعطيك ربي الف عافيه كفيت ووفيت من ناحية الموضوع :rose: ماني ببعيد قبل امس هالقريب سافرت للرياض وقفلت السياره ع المفتاح وجلست من الليل للصباح عشان يفتح بتاع المفاتيح ، فتح وفتح الياره يعطيه العافيه ويوم جيت برجعه للمحل ، قالي وش تسوي تدرس ولا اعمال حره ، قلت له والله ادرس وبكلية التربية ، قالي ياخي والله انتم مساكين ارحمكم شف روحك جاي للرياض خميس وجمعه ، ومرتبط بدراسه ووجع راس ، والله لو انا منك افصل واشتغل اعمال حرّه :bigeek: والله اني قعدت اطالع فيه بنص عين ، واقول بقلبي اخس يالفاشل تبي تلعب علي واترك الدراسه ، اجل لو مكاني تفصل والله تبطي توصل مكاني لو فيك خير ماتشتغل مصلّح مفاتيح وانا ارفع له صوتي قلت والله ياحليلك وش عرفك انت الدراسه هي مفتاح كل شي وبعدين منين لي راس مال . قالي والله لو منك اخذ رخصه مؤسسه واقدم عمال واطلع عشر تآشيرات وباسبوع بعهم ويطلع لك ميه الف اذا تأشيرتك من دوله مش ولابد، وميه تسوي فيها اللي تبي . والله انها طارت بوهتي ولا اخفي عليكم اني قاعد افكر اترك دراستي :to: وخاصتن اني ما احب الارتباط ابد :naughty: ورجعت اقول بقلبي اجل هذا ماشاء الله عليه مصلح مفاتيح وكذا ، الله يفتح له باب رزق دام تفكيره كذا وصاحي ، واغلب كلامه بالاحاديث النبويه ماشاء الله عليه والله انه اطلق مني :yes: يعطيك العافيه حبيبي نمر :smilie47::rose: |
إقتباس:
أحس أني خذت راحتي كثيييير هنا على أعتبار الميانه:d بالنسبه للدعاء حتى لو شالته الحكومة وهم الحين شالوه والمرض اللي صار له مدبر لكن لو أنه أسلم بيسوي زعزعه للصفوف الإسرائيليه وحتى لو ما أسلم لو ربي كف بلاه عنا هذا اللي نبي بعض الأئمه يدعي على اليهود والنصارى وأمريكا بس مع أن المفروض يدعي على إسرائيل أمريكا فيها مسلمين ومسالمين لكن إسرائيل كلهم محاربين وعلى فكرة في طائفه يهوديه تتبع الحكومة الفلسطينيه في فلسطين وهي ضد الإحتلال الإسرائيلي بالرغم أن أغلب اليهود أنجاس لكن الدين يمنعنا من الظلم والتعدي في الدعاء نطمر لسالفة قرار البلديه :yes: لأن الرياض وضعها غير الرياض العاصمه :yes: لو المحلات تفتح أربع وعشرين ساعه بتزيد السياحه للبلد بيكون فيه فرص عمل أكثر وربح لأصحاب المحلات مما يخلي المواطنين يتجهون للقطاع الخاص أحنا نظام الجو عندنا مايسمح لنا بالطلعه الا بعد الساعه التاسعه مساء على ماتوصل الا هي تسع ونص على ماتفرش وتولع الفحم الا هي 11 قبل ماتحط أول دجاجه على الفحم المنتزه طفا النور:naughty: على ماتركب عفشك السياره وتضف بزارينك وإعتراضاتهم ماتعشينا مالعبنا الا هي 12 وصك المنتزه:d ورجعت للبيت متنكد من عيالك ولا لقيت مطعم تاخذ لهم عشا أو حتى بقاله تاخذلهم خبز وأم العيال مستحيل تطبخ وهي زعلانه والكل ينام ذيك الليله بدون عشا وبدون تمشيه وبدون وناسه وبحزن شديد ولو طبخت لهم عشى كلهم مسدودة أنفسهم من القهر حالمين بمشوي وينقلب مكرونه :to: طبعا كانهم من برا الرياض يحلفون مايرجعون لها حتى بحر ماعندهم ومسكرين البر بعد:ap: نموذج ثاني الأب عسكري سخر نفسه لخدمة المواطن:razz: يرجع البيت يشوف زوجته تبكي وش فيك الساعه 11 وبكره زواج أخوي ماشريت فستان وشلون أحضر وأنت شايف دوامك كيف مافيه وقت يطير بها السوق في ربع ساعه تاخذ فستان بـ2000 ريال وهو مايسوى 1500 لكن لأنه آخر الوقت ومظطره ترجع البيت الفستان كبير تقصر منه يخرب الفستان وماتحضر زواج أخوها وأخوها يزعل وتصير قطيعة رحم بسبب هالقرار:naughty: على فكره زوجها مستأذن من الدوام والا المفروض عليه مناوبه:d شلة شباب تخرجو لاجامعه قبلتهم وتوظفوا في كاشير محل بسبب القرار قلص العاملين لأنه يسكر الساعه 12 الشباب لقو حل أجمل وراتب مضمون يسطون على المحلات اللي طردتهم ويسرقونها:d بينما لو صرنا بلد متحضر بتزيد السياحه بتزيد فرص العمل بيزيد دخل المواطنين المتجهين للقطاع الخاص أما تعقيدات البلديه جرب تفتح كشك قهوه وشف قائمة الموافقات والمبلغ المطلوب والوقت اللي مسموح لك تفتح فيه المعامله تاخذ معك فوق الشهرين وأوراق لازمة وغير لازمة وكل ورقه عشر نسخ:to: ولين فتحت المحل ما يغطي الأجار لأن الوقت اللي مسموح لك تعمل فيه شوي فتخسر بجداره:clapping: شكراً مجلس الشورى شكراً بلدية الرياض شكرا بلدي الحبيبه:clapping: بالنسبه للسهر إن ماسهروا بالمقهى سهروا على الإستراحة على الأقل سهرهم على البلياردو أحسن من سهرهم في إستراحه أو شقه على شي مايندرى عنه وتجميع ناس ممكن يخربونهم شكراً متعب على الحوار الممتع وأعتذر على العودة مره أخرى أمس كتبت رد وطار واليوم نفس الشي وهذا آخر رد أكتبه هنا :cry: بالحب والإشراق |
موضوع جميل جداً .. يتميز بنظرة اقتصادية .. و ثري بتجارب ناجحة ! من يقنت باهتزاز اقتصاد أمريكا .. يهدف إلى أن تنشغل بنفسها عن المسلمين .. ربما لم يتخيل أن اهتزاز اقتصادها سيجلب المشاكل للعالم كما نشاهد الآن ! المصيبة ؛ أن بعض البنوك و الشركات أغلقت باب التوظيف لعام 2009 !! و استغنت عن أغلب الموظفين ! أما المقاطعة فكما ذكرت ,, لابد أن نوفر إنتاج وطني .. لنكتفي ذاتياً ,, أما أن نخنق المجتمع بسلع محدودة .. فهذا أمر غير منطقي ! تجارب أمهات عبدالله الاثنتين .. دافع لمن تخاذل عن البحث عن مصدر الرزق بحجة قلة الموارد :) قد تواجه أي طامح لدخول السوق الكثير من العقبات .. لكن مسافة الألف ميل تبدأ بخطوة واحدة .. و الحياة خطوة بخطوه .. و كما يقولون ( من بغاه كله .. تركه كله ! ) أي أن من طمع بالكثير .. سيتراجع حينما يفاجئهُ القليل ! و لنا في تجارب الكثير عبرة و درس .. كثير من السيدات و الفتيات .. دخلن السوق و حققن أسماء اشتهرت ,, في الطبخ .. أو الخياطة أو الأشغال اليدوية باختلاف أنواعها ,, أقابلهن في ( بازارات ) معارض .. يعرضن عمل يدهن بكل فخر .. و يحققن أرباح عالية و بالتالي يتطور العمل و يتوسع و البداية كانت بسيطة جداً ! شكراً لك على هذا الموضوع المتكامل .. ماشاء الله رائع يا نمر 15 :) |
الله يعطيك العافية متعب على الموضوع الجميل ... على قولة المشاكس الله يصلح قلبه ان الموضوع عصارة تجارب من رجل عبقري :d ليس لدي تعليق معين ولكن حبيت اشكر واسلم عليك :smilie47: والله يجزاك خير على كلماتك الطيبة .. دمت بخير وعافية ,,, |
هلا بك اخوي نـمـر .. أشكرك على الطرح المفيد , واتمنى أن نكون استفدنا بما فيه ... وأشكر ايضاً القائمين على مسابقة المشاريع الصغيرة وعلى رأسهم الأستاذ خالد الزامل , لأنهم شجعوا على العمل العصامي وإن كان بتمويل من بعض الجهات . |
فيه أمثله كثيرة على النجاح ولكن ما ينقصنا هو جرأة البداية النمــ15ــر:smilie47: الله يعطيك العافية أخوي |
وعليكم السلام ورحمة الله وبركاته اهلا اخوي النمر ماشاء الله موضوع قيم بصراحه واقدر اسمه بذرات النجاح .. يعطي الواحد دافع لأن يستكشف في اعماقه .. ويبحث عن مايحب ليصبح مصدر لرزقه .. امثال ام عبدالله ولله الحمد كثير .. اعرف لك بنات ماشاء الله ابدعوا في هوايات يحبونها سواء اكسسوارات او حلويات او ملابس او غيرها .. من جد شئ يرفع الراس وولى زمن الحياء والخوف من الفشل وانتظار الوظيفه .. وانا اعتبر النت اكبر مسوق لهذي الأعمال سواء مواقع او اعلانات .. والله يوفق الجميع ويرزقهم بالرزق الحلال الطيب .. شكرا اخوي النمر على الموضوع الجميل والمميز بصراحه :rose: يعطيك العافيه .. دمت بخير ..‘‘ |
[=وردة الهلال;11540613] المشكلة لصآرت عندك مشآريع ورآس مآل لكن مافيه احد يسعـى لك : ) [/QUOTE]ولا بآب العـيب عندهم. :to: على طاري باب العيب هل تدرين ان بلديه القيم قامت ببيع القمامه الى احد الشركات مقابل 50 الف ريال وهذا الشركه دخلت ارباح تتجاوز هذا الرقم بكثير في الزمن الحالي لا اعتقد ان هناك عيب مهما كان نوع التجاره لان لمعيشه تتطلب ذلك بس ماقلت لي قبل عن ام عبد الله. عآد رآيحين ذا الشهر كان امدا مرينا هناك نشربشآهي معتبر:smilie47: فيه نآس ما تمل شرب قهوتهم ولا شآهيهم من حلاته. مادري كيف يسوونه:d:smilie47: يالله مو مشكله ارسل لك بفدكس ترمس شاهي :D ولا الطبخ! آآآآآآآآآآآوف يا ام نآصر:smilie47: ماشآء الله عليها. لو انها مستمره كان ياسلام. بس دايم تبتدي مشروع وتهون:laugh::smilie47: بس انا جربت..مشروع الطبخ ذا. مكلف.. يمكن لانك ما حسبيتها صح عندك في جريده الرياض القسم الاقتصادي مكتوب في احد الصفحات اسعار الرز والزيت والدجاج ووو وحاطينه في جدول اسم المحل والسعر وارخص سعر معلم عليه للمعلوميه عندنا في الشرقيه قيمه الوجبه في حدود 30 ريال احسبي كم يطلعون منها غير ان طبيعتنا كا قريه.يستكثرونها فيك. يعني مجتمع حسود:d ويحآججونك على ريآل1 وهم برا يدفعون اكثر! شي طبيعي ان الواحد يدور على الرخص دائما ولكن ان كانت الجوده تستحق فالكل راح يدفع وهو مبسوط يعني في الشرقيه عندنا مطعم الدجاجه ب 40 ريال والمطاعم الثايه اتوقع 30 ريال لكناني ادفع عند ابو 40 وانا مبسوط لاني الاكل يستاهل جربت الكوافير برضوا.:smilie47: بس ما حطيت يدي صح فيه. لأني مابي افتح بآب علي في ناس ما تثق فيهم يجونك. يا ليت توضحين اكثر :) مادري! صارت فيه عوآئق .فا خالتي ودها تفتح مشغل ونديره حنا. لها. هي بفلوسها وحنا بمجهودنا وليومك ماحد سعى للشي هذا. ولا الخبرآت موجوده. ونتعلم اكثر مع الايام بس ماحد يسعى. لانكم ما فكرتو بجديه عندي اخت تنقش حنآ:smilie47: انا دايم اقول لها لاترخصين سعرك. لأن النقشه متعوب عليها ماهي خرآبيط ساعات اوقف على رآسها واديرها مالياً:d:smilie47: واسعر لها نقشآتها. لأنها تبخس حقهآ بقوه. حلو ان التسعيره تكون موحده بس ما قلتي كم السعر :D فا صرت لو باطبخ لأحد. اسأل اختي ام ناصر هي خبيرة بالكميآت وكم سعرها:smilie47: المكيآج خلاص ماهو متعارف عليه. :smilie47: الحنآء برضوا لها سعر محدد تحدده كل وحده على حسب..:rose: فيه مشاريع كثيرة. لكن تعتمد على رآس المآل. ولو القليل وكيفية إيصآل المشروع لأكبر عدد ممكن. على طآري المشروع لو دخلت المواقع النسآئيه. تحس نفسك دآخلن سوق المعآرض:d:smilie47: من كثرة تشآبه البضآعة لكن التسويق لها يختلف:smilie47: لكن نآس تشتغل تحس. وما تستحي. ترا الأستحيآء ماينفع في المشاريع:d:naughty::smilie47: الله يوفق الجميع:smilie47: شكرا لك..:rose:
|
السلام عليكم هلا باخي متعب .. وشلووووونك يالغايب الحاظر :d ماشاء الله ياكثر سفراتك :d قبل فتره كندا واللحين ( برطانيا) :d طرح جداً جداً رائع .. استفدت منه .. وفادني بحكم اني ببداية الطقطقه بالاعمال الحره :d فتحنا محل شراكه اسال الله ان يوفقني فيه ( مكتب عقار ) عز الله راح فيها البلطاان :laugh: والله الاعمال الحره ممتعه وفيها ارباااح تشجع الشخص يعمل فيها :) بس الاهم قبل كل شئ وعند الاقبال على فتح مشروع دراسه المشروع من جميع الجوانب وبعده التوكل على الله والاقبال على فتح المشرووووووع !! ولو قدر الله وفشل المشروع لايعني انك لم تنجح ولم تستفيد بالعكس تستفيد من الاخطاء لكي لاتتكرر مره اخرى في مشروع آخر ... يعني مستفيد من كل شئ سواء نجح المشروع فحققت المراد من ارباح و و .. وان فشل فتسفيد من تجربتك وتبي تعرف الاخطاء و و و من شان ماتتكرر معك مره اخرى .. والدنياء درووووووووووووووووووووووووس :d واجعل امامك ونصب عينيك دائماً ان التوفيق من الله سبحانه وتعالى وحده ،، ايضاً الامانه في العمل واعلم ان لاياتي شئ الا بالصبر والمثابره والجهد :) وصدقني ما يطلعك بالهزمن الا يمنااااااااااااااك بعد توفيق الله s60s اشكرك من القلب والله .. لاتقطع وكثرلنا بمثل هالمواضيع تكفى ... اسعدك ربي ووفقك اينما حللت ! شكراً ,. |
إقتباس:
اقف على رجل واحده واضرب لك التحيه على هذا الرد ما كتبته هو احد اهم ركائز العلم الحديث الذي يجهله الكثير لا ازيد عما قلتي فقد قلتي درر تشــــــــــاو |
إقتباس:
يا هلا وغلا حطيت اقتباس وطلع ردك كله رموز ما شاك الله من كثر التلوين جزاك الله خير على الحديث وموضوعي كان يفتقر للاحاديث وقد اكملته انت والممتاز وجودك يالغالي |
إقتباس:
تدري باب الرزق في كل مكان لكن كيف الواحد يوصل له وعن التاشيرات ما ادري عن اذا هي قانونيه ولا لا ...؟ وايش عواقبها ؟؟ مشكور يا غالي على الرد |
مالقيت إلا هالصورة طيب خخخخخخخخ هذي صورة من فلم المليونير المشرد هذا يوم كان صغير وكان يسوي شي ماله داعي اقوله :d شكراً للموضوع ودي اعلق بس بروح اتروش عشان صلاة الجمعة : ) |
الموضوع من فتره نازل وش رجعه يا كاسانو :) :) اجدها فرصه لأطالب اخوي متعب بالتعليق على الردود والا سنقوم بحمله بمقطاعة الردود على مواضيعه :) => امزح :) |
| الوقت المعتمد في المنتدى بتوقيت جرينتش +3.
الوقت الان » 07:33 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd