من القلب الى القلب يا هلال ... للمصلحه العامه
بسم الله الرحمن الرحيم
بداية موضوعي رجائي الخاص
ما يطلع لي احد ويقول انت مندس
وانت تبي تسبب مشاحنه بين الجمهور
او تسبب مشاكل
انا هلالي صميم وابحث عن مصلحة الهلال
اولا واخيرا ...
لكن بداية موضوعي بهذه النقطه لاني قاعد الاحظ اغلبية المواضيع الي ما عنده رد ع الموضوع يقول هذا مندس
المصلحه الهلاليه السبب الوحيد في هذا الموضوع بطل الدوري السعودي الهلال
بطل كاس ولي العهد الهلال
وصيف بطل كاس الامير فيصل بن فهد
الهلال
هداف الدوري ووصيفه
لاعبين من الهلال
افضل اجانب الدوري السعودي من الهلال بشهادة النقاد وليس انا عبد الرحمن مدرب الهلال مدرب دااااهية بكل ما تعنيه الكلمه من معنا 

لكن مو معناتها الفريق يتعادل تعادل اشبه بالهزيمه
او ينهزم وما ننتقد
لا والف لا
انت يالاعب وانت يالمدرب وانتي
يالاداره
تفرحون بالمدح لمى نفوز وتقبلون المدح
بصدر رحب وطبيعي بتقبله لانه مدح
ومنو الي ما يحب المدح
لكن بنفس الوقت مجرد ما نشوف خطأ ما راح
نسكت او بالاصح نبحث عن حل هذا الخطأ
مو نسكت ونقول والله الفريق مرهق
والله الفريق فايز كل الموسم
وما راح نتكلم عن هالموضوع
لا النقد بالعقل النقد بالشي الي
يفيد الهلال اولا واخيرا
نبدأ بجمهور الهلال
ما راح اتكلم واقول انا سافرت من ديرتي
.... بوريدة.... لمى خلصت محاظراتي وحظرت مباراة الهلال ورجعت بعدها وانا مقهووور من اشياء كثييره 

لا راح اتكلم عن جمهور الهلا ككل
لو نلاحظ جمهور الهلال او بالاصح
جمهور الرياض
بما ان مبارايات الهلال اغلبيتها بالرياض
لو نلاحظ الحظور فقط في مباريات الهلال الي تكون مع منافس قوي ليش ؟؟؟؟؟
نفسي وامنيتي يجي اليوم الي اعرف ليش هالفكر الي
في بعض جمهور الهلال
كنت اسولف مع واحد بالملعب هلالي من جمهور الرياض
وقاعد اشكي حالي واقول ليش انتم يا جمهور الرياض حظوركم في مبارايات الهلالي القويه اكثر بكثييير عن باقي المباريات ؟
قالي والله يالغالي انا هذاني حاظر وما ادري شو السبب
وانا مثلي مثلك ما توقعت اليوم الحظور كذا
صحيح ان الحظور يا زعماء ماكان سيء
لكن ما كان متوقع ان الحظور يكون كذا ابدا ابد
المتوقع اكثر بكثيير
لو الهلال اصبح نادي يمتع مع الانديه القويه
واصبح سيء لابعد حد مع الاندية الضعيفه
اتوقع ان كل الجمهور بينقهر
ويبي الهلال مستواه ثابت في كل المبارايات
والسبب انو مأهل لهى الشيء
نفس الفكر لجمهور الهلال مأهل لابعد حد انو يحظر
ويجعل الملعب فل في كل مبارايات الهلال
سواء الضعيفه او القوية والصعبه ...
علشان كذا يا جمهور الهلال
في كل مكان مو الرياض بس
لاتطلب من الفريق
وبنفس الوقت ما تبي احد يطلب منك
لان الهلال وجمهوره مكملين بعض
ويبقى حب الهلال يجمع تفكيرنا
نغلق موضوع الجمهور
...................
لاعبين الهلال
ما ابي اتكلم عن اي لاعب بما انو اللعيبة كانو
كويسين امس لابعد حد باستثناء بعض الاعبين
وماراح اتكلم عنهم لانو اتوقع ما كان بالفورمه
لا اكثر ولا اقل .........
ايريك جريتس وما ادراك ما ايريك
تعال ابيك شوي .......
انت مدرب كبير وداهية وما فيه احد يختلف على هالشيء
ما راح اتكلم عن اي نقطه فيك
لا في تدريبك ولا فكرك ولا تكتيكك
بوقف عند نقطة
تغييراتك في بعض الاحيان ....
في مباراة الاتحاد انزل العنبر
ونفسي اعرف واسالك بالله العظيم
العنبر يليق بالهلال
او بالاصح ليش نزلت العنبر
قلت لنا انو المباراة ما تعني لك شي
وانت عندك سياسه انو المباراة بتكون خليط بين الفريق الاول والاحتياطي
قلنا اوكي اخذنا الدوري وانت حر
مع انو وجهة نظري تختلف عنك لاني ما كنت ابغي الاتحاد يفوز ع الهلال في ذيك المباراة
لكن تظل انت المدرب .....
في مباراة الامس
انا ما ادري نلعب ضد مين ؟؟؟
الاهلي الاماراتي .. ولا بوهانق الكوري ؟
3 محاور معقوله ايريك تلعب ب 3 محاور
وتسحب 3 صناع لعب
انت تدرب الهلال وتلعب ضد الاهلي الاماراتي
مع احترامي لكل اماراتي اهلاوي
لكن ما فيه اي مقارنه بين الهلال والاهلي
والنتيجه هدف تعادل في نهاية المباراة
سيناريو مباراة الهلال والكويت الكويتي
كنت قادر بتغييراتك تجعل الفوز هلالي بفرق اكثر من هدف
مجرد وجهة نظر عن نفسي انتقد فيها
ايريك
طبعا البعض يقول منو انت علشان تنتقد ايريك
ارجع واقول وجهة نظر تخصني انا شخصيا
انا عارف بالنهاية ان الموضوع تعادل
في مباراة ومجموعه احنى متصدرين
لكن ما يعني انو ما نتكلم عن الاخطاء
الي ما نبغيها تتكرر في المستقبل
وهذا الهدف الرئيسي من موضوعي
قبل النهاية
تياقو تياقو
من قلب يعشق لعبك وفنك لحد الجنون
صدقني مستعد احلف بالله ان هذا 50 %
من مستواك بالدوري البرازيلي
وانا كنت متابع للدوري واعرف مستواك
من قلب يموت في فنك
لا تبحث عن الاخطاء والتسديدات
وتنسى انك صانع لعب الفريق الاول والمطلوب منك ان تجهز وتمرر للمهاجمين
ما يمنع انك تحاول تسدد من مسافات بعيده
وعارفين ان هالشيء انت تعشقه
لكن موعلى حساب الفريق
.....................................
في النهاية والختام
ان
اصبت في بعض الاشياء
هذا من فضل ربي
وان
واخطأت في بعض الاشياء
هذا من نفسي
وتقبلو
فضفضتي بصدر رحب
يا زعاء
وتذكرو اننا نختلف
وبالاخير نجتمع ونتفق في حبك يا هلال